𝗕𝗼𝗯𝗼𝗻𝗮𝗿𝗼, 𝟮𝟮 𝗱𝗲 𝗝𝘂𝗻𝗵𝗼 𝟮𝟬𝟮𝟲, Excelencia Presidente Autoridade Municipio Bobonaro, Sr, Paulo Moniz Maia, Lic.Dir. Hamutuk ho Sua Excelencia Vice-Ministru Administrasaun Estatal no DG INAP. Hodi abertura formasaun konaba Desentralizasaun Administrativa, ne’ebe organiza husi Instituto Nasional Administrasaun Publika ( INAP ). Iha salaun Maria Tapo Municipio Bobonaro.
Iha intervensaun PAM Bobonaro hateten katak, Formasaun ida ne’e importante tebes, tamba bele aumenta kapasidade lideransa nian iha ida-idak nia knar fatin, hodi halao servisu ho responsabilidade ne’ebe mak iha.” Hateten PAM Bobonaro.”
Formasaun ne’e loke husi Sua Excelencia Vice-Ministru Administrasaun Estatal, Sr, Jacinto Rigoberto Gomes de Deus. Iha intervensaun sua Excelencia Vice-Ministru Administrasaun Estatal haktuir katak, Desentralizasaun Administrativa iha objetivu atu aselera no hamétin Poder Lokál, hodi promove partisipasaun ativa sidadaun sira nian iha territóriu tomak. Atu garante dezenvolvimentu lokál nebé forte no sustentável, estabelese mekanizmu integradu sira nebé permite sosiedade sivil sira atu partisipa iha prosesu planeamentu, orsamentasaun, formulasaun polítika públika, monitorizasaun no avaliasaun.
IX Governo Constitucional argumenta katak modernizasaun Administrasaun Públika, nesesáriamente implika, hodi halo ida-ne’e sai efektivu no efisiente liután. Transferênsia podér, kompeténsia no responsabilidade sira ba órgaun lokál no Município sira iha objetivu atu fó kbiit ba sira no kria ba sira kondisaun ba prestasaun servisu sira ho kualidade.
Aléinde hamétin partisipasaun demokrátika, estratéjia ne’e mós sei kontribui ba kreximentu sektor privadu nian iha nível Município no Rural, promove dezenvolvimentu sustentável no integradu Nasaun nian. Ordenamentu Territoriál no Enkuadramentu Planeamentu Nasionál sei kontinua atu hetan atensaun ho maneira komplementar no integradu, iha konjunsaun ho polítika sira Desentralizasaun Administrativa no Autonomia Lokál, hodi garante dezenvolvimentu sustentável, ekilibradu no ekuitativu ba Nasaun tomak. Objetivu principal husi formasaun ne’e, mak atu garante implementasaun diak ba politika desentrelizasaun, hadia kualidade prestasaun servisu pùbliku ba komunidade lokal, no hametin Governasaun diak iha munisipiu sira.
Formasaun ne’e bele kompleta diak, kuandu funsionariu no kargu xefia sira iha Munisipiu Bobonaro bele hala’o sira nia funsaun ho responsabilidade hodi kontribui ba desenvolvimentu sustentavel iha rejiaun Bobonaro.
S.E. Vise MAE salienta liu tan katak, Autoridade Munisípiu Bobonaro prontu servi no presta atendimentu diak ba, hodi hala’o atividades governasaun ida diak ba dezenvolvimentu iha Municipio Bobonaro.” Hateten Excelencia Vice-Ministru Administrasaun Estatal.”
Partisipa iha formasaun ne’e mak hanesan, Sua excelencia Vice Ministru Administrasaun Estatal, excelencia PAM Bobonaro, DG, INAP, Secam Nain 3, Directores husi INAP, Directores servisu Municipais, Administrador Posto Administrativo nain 6 no sefi departamento.
#𝑹𝒆𝒎𝒂𝒕𝒂
#𝒎𝒆𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐
Bobonaro 23 de Abril 2026, Sua Excelencia Presidente Autoridade Municipio Bobonaro,sr, Paulo Moniz Maia, Lic.Dir. Akompanha husi secretario Asuntu Finansas, no Director Aprovizonamento Municipio Bobonaro hodi selebra kontratu ho kompania manan nain ba fornesedor sira iha Municipio Bobonaro.
Tuir Presidente Autoridade Municipio Bobonaro hateten katak, husu ba Kompania sira ne’ebe mak asina ona kotratu hahu ohin ba oin, tenke iha responsabilidade tomak to kontratu ne’e remata tuir regras nebe mak iha..” Hateten Presidente Autoridade Municipio Bobonaro.”
Komapnha ne’ebe mak asina kontratu hamutuk 12.
#Remata
#Media PAM Bobonaro.
𝐊𝐥𝐢𝐤 𝐖𝐞𝐛𝐬𝐢𝐭𝐞 : https://candidatura.academiamilitar.tl
𝐍𝐨𝐭𝐞 : karik Dokumetos ne’ebe Preenche hotu ona bele lori ba entrega iha idak idak nia Presidente Autoridade Municipio (PAM) Bazeia tuir Ita bo’ot sira nia moris fatin ou residencial.
𝐂𝐎𝐍𝐓𝐀𝐂𝐓𝐎𝐒
𝐄-𝐦𝐚𝐢𝐥 : rdtlacademiamilitar@gmail.com
𝐓𝐞𝐥𝐞𝐟𝐨𝐧𝐞 : (+670) 3310376
𝐓𝐞𝐥𝐞𝐦ó𝐯𝐞𝐥 : (+670) 77560005 / 77009044
𝐖𝐡𝐚𝐭𝐬𝐀𝐩𝐩 : (+670) 77560005 / 77009044
𝐋𝐨𝐜𝐚𝐥𝐢𝐳𝐚çã𝐨 : Palacio do Governo, Edificio 2-3º Piso, Apartado 257, Dili, Timor-Leste
𝐖𝐞𝐛𝐬𝐢𝐭𝐞 : https://candidatura.academiamilitar.tl/
Manatuto 30 de Março 2026, Sua excelencia Presidente Autoridade Municipio Bobonaro, Sr,Paulo Moniz Maia,Lic.Dir, Partisipa iha serimonia lansamento fatuk dahuluk PARKE INDUSTRIA iha Municipio Manatuto.
Parke industria ne,e konstrui husi Kompania Esperansa Timor Oan ( ETO ). Nudar parte estratejiku ida atu promove dezemvolvimento industria no kria kampo trabalho ba komunidadd lokal sira.
Parke industria ne,e planeadu atu integra unidade ka industria hamutuk lima (5) mak hanesan,
Nudar pais indenpendente Timor- Leste iha responsabilidade atu hametin ekonomia iha rai laran no aktividades industria, tan ne,e ETO mos hahu mai ho planu diversifikasaun atu kontribui no hametin ekonomia Timor- Leste liu husi investimento setor industria nian,” hateten CEO ETO.”
Iha serimonia lansamento ne,e partisipa husi Sua Excelencia Primeiru Ministru, no Membro Governo sira hotu, Membro Parlamento Nasional, Presidente Autoridade sira hotu, Camara Comercia Industria Timor Leste ( CCITL). Banku Central Timor Leste, Banku Mundial, DG sira hotu, Emprezario sira Autoridade Lokal no mos komunidade sira hotu.
#Media PAM Bobonaro.
𝐁𝐨𝐛𝐨𝐧𝐚𝐫𝐨, 𝟐𝟓 𝐝𝐞 𝐌𝐚𝐫𝐬𝐮 𝟐𝟎𝟐𝟔, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir, Oficialmente loke enkontru konaba konsulta Publiku, prosesu Rekonsiliasaun Timor oan no Politika Reparasaun, iha salaun Maria Tapo Municipio Bobonaro.
Prosesu Rekonsiliasaun Timor oan ( PRT ), no Termu referensia mekanismu prosesu rekonsiliasaun Timor oan ne’ebe mak iha, konsidera nudar meiu ida hodi konsolida dialogu ne’ebe onestu ho objectivo atu buka solusaun ida ne’ebe justu tuir valor costume Timor nian.
Iha intervensaun Sua Excelencia Presidente Autoridade Municipio Bobonaro haktuir katak, ohin ita halibur malu iha fatin ida ne’e, ho objectivo atu realiza “ 𝐊𝐎𝐍𝐒𝐔𝐋𝐓𝐀 𝐏𝐔𝐁𝐋𝐈𝐊𝐔” ida konaba 𝐏𝐑𝐎𝐒𝐄𝐒𝐔 𝐑𝐄𝐊𝐎𝐍𝐒𝐈𝐋𝐈𝐀𝐒𝐀𝐔𝐍 𝐓𝐈𝐌𝐎𝐑 𝐎𝐀𝐍 𝐍𝐎 𝐏𝐎𝐋𝐈𝐓𝐈𝐊𝐀 𝐑𝐄𝐏𝐀𝐑𝐀𝐒𝐀𝐔𝐍 𝐍𝐈𝐀𝐍,nudar ita hotu hatene katak, rekonsiliasaun no politika nudar rekomendasaun ne’ebe husi komisaun CAVR inklui iha sira nia relatorio, konaba promove rekonsiliasaun iha nivel nasional no internasional entre autor no vitima sira husi violasaun direitus humanus ne’ebe komete husi parte hotu-hotu iha periodo konflitu nia laran hahu husi 1975-1999.” Hateten Presidente Autoridade Municipio Bobonaro.”
Objectivo husi aktividade konsulta publiku mak hanesan memoria istoriku prezervadu no promovido, sociedade iha konesemento konaba istoria no sensivel ba valores diretus humanus no tulun sobrevivente sira moris iha dignu.
Iha konsulta publiku ne’e, partisipa husi sua excelencia presidente Autoridade Municipio Bobonaro, director ezekutivo nasional CNC, presidente konselho veteranus municipio Bobonaro, Segundo komandante PNTL municipio Bobonaro, Sociedade sivil, familia vitima sira, autoridade lokal no juventude sira hotu.
#Media PAM Bobonaro.
Bobonaro 18 de Março 2026, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir. Partisipa iha edukasaun sívika konaba KONSOLIDASAUN DEMOKRASIA NO INTEGRIDADE ELEISAUN, ne’ebe organiza husi Comisaun Nasional das Eleisões ( CNE ). edukasaun Sivika ne,e loke Oficialmente husi Presidente Autoridade Municipio Bobonaro, iha salaun Maria Tapo Municipio Bobonaro.
Iha intervensaun Presidente Autoridade Municipio Bobonaro haktuir katak, CNE nia servisu tenke iha imparsialidade no labele mete ba partidu A no B, ne,e duni eleisaun tuir mai bele lao ho diak. Ne,e duni CNE ho STAE tenke servisu makas hodi kontrola sidadaun estranjeiru sira nebe mak mai rejistu hofi hetan eleitoral, tamba Municipio Bobonaro besik liu iha Fronteiras.” Hateten Presidente Autoridade Municipio bobonaro.”
iha edukasaun sivika ne,e, Director CNE Apresente mos prosesu ba eleisaun Poder Lokal nian.
Partisipa iha enkontru ne,e mak hanesan, Presidente Autoridade Municipio Bobonaro, Vice Presidente CNE, Director STAE Municipio bobonaro, Director CNE Municipio bobonaro, Director Planeamento Municipal, Lider Partdus Politikus nebe mak hetan asentu iha Parlamento Nasional, Partidu CNRT, Partidu PD, Partidu Fretelin, Partidu PLP, Partidu KHUNTO. no mos ekipa tekniku sira husi CNE nian.
#Remata Media PAM Bobonaro.
Dili, Tersa Feira 24 de Fevereiru 2026, Sua Excelencia Presidente Autoridade Municipio Bobonaro Sr. Paulo Moniz Maia.Lic.Dir. Akompanha husi Director Planeamento Municipal, Partisipa iha enkontru konaba, Projetu Planu uzu rai Sidade Maliana Maliana,( Plano uso do solo urbano Maliana). Municipio Bobonaro. No mos apresenta konaba relatorio inicial, iha salaun ADN, Fatuhada Dili.
Iha enkontru ne’e, deskuti mos konaba Plano nebe mak konsultan sira atu implementa iha Municipio Bobonaro, Liu-liu iha posto Administrativu Maliana, Municipio Bobonaro.
Tamba husi parte Konsultan asina ona kontratu ho Ministerio Planeamento Investimento Estratejiku, (PMIE).
Enkontru ne,e partisipa husi, PAM Bobonaro, Director Planeamento, DG- MPIE, DG- Terras e Propriedade, DG-DNTT, Directora DNPU, representa DG-DGL, repsenta DG- Obras Publica. Konsultan sira no mos ekipa Tekniku sira husi MPIE nian.
#Medi@_PAM_Bobonaro.
Bobonaro, 17 de Fevereiru 2026, sua excelencia Presidente Autoridade Municipio Bobonaro, Sr, Paulo Moniz Maia.Lic.Dir. Partisipa iha serimonia Lansamento Cultivação hare variedade , Inpari 32 uza Makina Agrikola Moderno, no oficialmente entrega Trator ba Autoridade Municipio Bobonaro.
iha serimonia lansamento ne’e, intervensaun husi Sua Excelencia Presidente Autoridade Municipio Bobonaro haktuir katak, ajudos sira ne’e, mai husi IX Governo konstituisional, hodi fasilita ba komunidade Agrikultura sira hodi kuda hare’e ho teknologia ne’ebe mak iha, atu nune bele hamenus tempo no poupa custo, ne’e duni kuidadu ba fasilidade sira ne’e atu bele utiliza ho tempo naruk. No agradese tebes ba IX Governo ho laran luak bele ajuda ona manu Marreco hodi bele redus ou halakon Caracol sira nebe mak estraga hare’e.” hateten presidente Autoridade Municipio Bobonaro.”
Fasilidade nebe mak governo entrega mai Autoridade Municipio Bobonaro hodi entrega ba natar nain sira mak hanesan, Trator boot rua ( 2 unit ), Trator kiik Sanulu ( 10 unit), Manu Marreco Tolu Nulu ( 30 ).
Hafoin lansamento hotu, Sua Excelencia Presidente Autoridade Municipio bobonaro, hamutuk ho Sua Excelencia Ministro Agrikultura Pescas e Floresta, kontinua ba survei irigasaun Maliana 1, nebe mak hetan estragus, tamba cuaza husi udan no rai halai iha kanu matan, Mamar uman suku Lahomea, Posto Maliana, no Sua Excelencia Ministro Agrikultura komprimitidu katak, tempo badak sei normaliza hikas be’e dalan, nebe mak nakfera no aat. Depois remata husi ne,e kontinua halo halo monitorizasaun ba irigasaun Maliana 2, iha suku Tapo Memo, hodi hare direita konstrusaun irigasaun nebe mak konstrui ona husi kompania Binamirta nebe mak atinji ona 41 %. iha lansamento ne’e partisipa husi Sua Excelencia Ministru Agrikultura, sua excelencia PAM, Secretario Assunto Planeamento, Linhas Directores no Komunidade sira. #Media PAM Bobonaro.
DÍLI (13/02/2026) – SECAM Administrasaun no Finanças, Diretora Finansas no Diretur Rekursu Umanu Municipio Bobonaro, Partisipa iha Workshoop ne’ebe hala’o husi Komisaun Funsaun Publiku (KFP) hamutuk ho Ministério Finansas (MF) Disemina Dekretu-Lei Nu. 3/2026 Kona-ba Regime Jurídiku ba Kontrato Taballu ho Termu Sertu (Prazu Determinadu) iha Administrasaun Públiku ba linas Ministeriais, Instituisaun Direita no Indireita sira iha salaun Ministerio Finansas Aitarak Laran Dili.
Obetivu iha Workshoop Refere atu Deizemina Informasaun sira atu inteira diak liu Molok implementa baze ba legál ne’ebe forte liu hodi kontratu kazuais iha Gabinete, Instituisaun Públiku (IP), no empreza Públika (EP) mak lei foun ne’e troka fali Dekretu Governu nu. 6/ 2015.
Komisaun Funsaun Públiku (KFP) hamutuk ho Ministério das Finanças (MF) realiza workshop ida kona-ba Regime Jurídiku Kontrato Traballu ho Termu Sertu, ho objetivu atu aumenta komprensaun no kapasidade téknika ba funsionáriu públiku sira iha implementasaun kontratu ho termu serto tuir lei no regulamentu vigora.
Workshop ne’e hala’o ho partisipasaun husi reprezentante ministériu no instituisaun públiku sira, liuliu parte ne’ebé responsavel ba jestaun rekursu umanu no finansas. Iha sesaun ne’e, formador sira husi KFP no MF esplika detalhadamente kona-ba prosedimentu rekrutamentu, direitu no obrigasaun parte kontratadu no entidade empregadora, durasaun kontratu, renovasaun, no mekanizmu avaliasaun dezempeñu.
Prezidente KFP iha nia intervensaun hateten katak kontratu ho termu serto presiza halo tuir prinsipiu legalidade, transparénsia no responsabilidade, atu garante sistema funsaun públika ne’ebé efisiente no profesional. Enkuantu reprezentante husi MF mos sublinha importánsia planeamentu orsamental ne’ebé di’ak atu suporta pagamentu salariu no benefísiu sira ba traballador kontratadu.
Objetivu prinsipal husi workshop ne’e mak atu harmoniza komprensaun entre instituisaun sira, prevene interpretasaun ne’ebé la hanesan no minimiza risku konflitu laboral iha futuru. Partisipante sira mos simu oportunidade atu halo diskusaun no partilha esperiénsia kona-ba dezafiu sira ne’ebé sira hasoru iha implementasaun kontratu ho termu serto.
Ho realizasaun workshop ida ne’e, hein katak prosesu administrativu kona-ba kontratu traballu ho termu serto bele lao ho di’ak, transparénte no tuir lei vigora, hodi fortalece governasaun no servisu públiku iha Timor-Leste.
#Media_Secretario_Admin_e_Financas_2026
Maliana, 09 Fevereiru 2026, Conselho Cordenasaun Municipal (CCM) Bobonaro hala’o enkontro kordenasaun iha Salaun Maria Tapo Administrasaun Munisipal Bobonaro. Enkontro ne’e ho objetivu atu hametin kooperasaun entre instituisaun governamentál sira iha nivel munisipál, hodi asegura implementasaun programa dezenvolvimentu la’o ho di’ak no tuir planu ne’ebé define ona.
Presidente Autoridade Munisipal Bobonaro, Paulo Moniz Maia, Lic. Dir, iha ninia intervensaun fó enfáze ba dirijentes sira atu kordena, avalia no hametin liña kordenasaun servisu. “Enkontro ida ne’e atu hametin liña koordenasaun hodi hare progresu servisu, susesu nomos dezafius ne’ebé servisus Munisipais ho delegasaun servisu sira infrenta”. Nia hatete.
Iha okaziaun ne’e Presidente Autoridade Munisipál Bobonaro hateten katak enkontro KKM importante loos atu garante katak servisu públiku ne’ebé fó ba komunidade la’o ho efetivu no responde ba nesesidade povu. Nia mos hato’o apelu ba instituisaun hotu atu kontinua servisu hamutuk ho espírito responsabilidade no transparénsia.
Enkontro ne’e hetan partisipasaun husi Presidente Autoridade Munisipál Bobonaro, núdar Presidente Konsellu Kordenasun, Sekretariu Munisipal nain tolu (3), Diretor/a Servisu Munisipal, Diretor Delegasaun Territorial, Administrador Posto 6, representante xefe Suku 6 husi Posto 6 no ajénsia relevante sira iha munisipiu Bobonaro. Durante reuniaun, partisipante sira diskute kona-ba progresu implementasaun programa governu, desafio sira ne’ebé enfrenta, no estratéjia atu hadia koordinasaun inter-institusionál.
Liuhosi enkontro ida ne’e, espera katak koordinasaun entre setor sira iha nivel munisipál bele aumenta no kontribui ba dezenvolvimentu sustentavel hodi prepara simu politika desentralizasaun administrative iha Munisipiu Bobonaro.
© 2026 Autoridade Município de Bobonaro
