𝐁𝐨𝐛𝐨𝐧𝐚𝐫𝐨, 𝟐 𝐝𝐞 𝐉𝐮𝐥𝐡𝐨 𝟐𝟎𝟐𝟔, Sua Excelencia Presidente Autoridade Municipio Bobonaro, Sr. Paulo Moniz Maia, Lic.Dir. Akompanha husi Director Edukasaun Municipio Bobonaro, Directora Finansas, hodi loke enkontru konaba Programa merenda escolar ne’ebe mak implementa iha Municipio Bobonaro.

Iha enkontru ne’e excelencia PAM haktuir katak Fornesedor sira tenke fornese Produto local hanesan fos Rai, Bafo Kayrala no aifuan nebe mak fresku, atu nune’e ita nia oan sira bele han hahan ne’ebe mak diak, tamba sira mak sei sai future ba nasaun ida ne’e nian, Liu-liu iha Municipio Bobonaro.

No husu mak ekipa ne’ebe mak hola parte iha kontrola Programa merenda escolar, servisu hamutuk ho Administrador Posto, sefi suku sira hodi tau matan ba Merenda Eskolar ne’ebe mak implementa ona.” Hateten PAM Bobonaro.”

Tuir Directora Finansas esplika mos konaba orsamento ne’ebe mak diresaun edukasaun ezekuta ba Programa merenda escolar bazeia ba regras no matadalan ne’ebe mak hatur ona.

Partisipa iha enkontru ne’e mak hanesan Excelencia PAM Bobonaro, Director Edukasaun, Directora Finansas, Administrador sira, Director Eskola, EJP sira, GAT no Kompania ne’ebe mak fornese Fos ba Programa merenda escolar.

#𝑹𝒆𝒎𝒂𝒕𝒂

#𝑴𝒆𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐.