Maliana, 11 Maiu 2026 – Ministério da Solidariedade Social e Inclusão liu husi Centro Nasional de Rehabilitação oficialmente inaugura ona Centro Atendimentu Temporáriu Maliana, iha Munisípiu Bobonaro, ho objetivu atu hasa’e servisu apoiu sosial no atendimentu temporáriu ba komunidade sira ne’ebé presiza tulun no asisténsia sosial.

Seremónia inaugurasaun ne’e realiza ho prezensa husi reprezentante governu, autoridade lokal, lideransa komunitária no parseiru sira ne’ebé durante ne’e fó apoiu ba dezenvolvimentu servisu sosial iha área reabilitasaun no inkluzaun sosial.

Iha nia diskursu, reprezentante husi MSSI hateten katak inaugurasaun sentru ne’e sai hanesan pasu importante ida atu garante katak ema vulnerável sira bele hetan fatin seguru no atendimentu apropriadu durante tempu nesesidade. Sentru ne’e mos sei fó apoiu psikossosiál, orientasaun sosial no servisu referência ba beneficiáriu sira.

Centro Nasional de Rehabilitação reafirma katak instituisaun ne’e sei kontinua servisu hamutuk ho governu no komunidade atu promove dignidade, protesaun no bem-estar sosial ba sidadaun hotu-hotu.

Komunidade Maliana simu di’ak inaugurasaun sentru ne’e no espera katak fasilidade foun ida ne’e bele ajuda barak liu tan família no individu sira ne’ebé durante ne’e hasoru difikuldade sosial no ekonomia. Iha parte seluk Ministra mos solisita no mensajen hela ba funcionario nebe servisu ba atendementu sosial refere tenque ho fuan ho laran, oin hamnasa ba ema hotu, fo asistensia ho dignu ba ema hotu, labele hakribi. Tau a’as liu dignidade nasaun hodi bele atende ema hotu liu-liu ema ho dificiesia ho dignu. Husu mos komunidade hotu atu labele moe hodi hakat mai centro atendemento temporaria hodi bele hetan atendemento tuir nesesidades iad-iadk nia.

#Media_AssOr 

#Media_Portal_Municipal_Bobonaro