𝑨𝑻𝑰𝑽𝑰𝑫𝑨𝑫𝑬 𝑲𝑶𝑴𝑼𝑵𝑰𝑫𝑨𝑫𝑬 𝑹𝑬𝑲𝑶𝑴𝑬𝑵𝑫𝑨 𝑨𝑻𝑼 𝑯𝑨𝑹𝑰𝑰 𝑷𝑶𝑺𝑻𝑶 𝑩𝑶𝑴𝑩𝑬𝑰𝑹𝑶𝑺 𝑰𝑯𝑨 𝑷𝑶𝑺𝑻𝑶 𝑨𝑫𝑴𝑰𝑵𝑰𝑺𝑻𝑹𝑨𝑻𝑰𝑽𝑶 𝑩𝑶𝑩𝑶𝑵𝑨𝑹𝑶

𝑨𝑻𝑰𝑽𝑰𝑫𝑨𝑫𝑬 𝑲𝑶𝑴𝑼𝑵𝑰𝑫𝑨𝑫𝑬 𝑹𝑬𝑲𝑶𝑴𝑬𝑵𝑫𝑨 𝑨𝑻𝑼 𝑯𝑨𝑹𝑰𝑰 𝑷𝑶𝑺𝑻𝑶 𝑩𝑶𝑴𝑩𝑬𝑰𝑹𝑶𝑺 𝑰𝑯𝑨 𝑷𝑶𝑺𝑻𝑶 𝑨𝑫𝑴𝑰𝑵𝑰𝑺𝑻𝑹𝑨𝑻𝑰𝑽𝑶 𝑩𝑶𝑩𝑶𝑵𝑨𝑹𝑶

Maliubu, 15-de Maio 2026, Servisu Municipal Protesaun Civil e Gestaun Dezastre Naturais (SMPC e GDN) nebe tutela iha Autoridade Municipio Bobonaro hodi implementa atividade desiminasaun informasaun relasiona ho Redusaun Risku Dezastre iha suco Maliubu. Iha atividade ne’e; chefe do suco, Chefe Aldeia, chefe Juventude, Koncelho suco, official asunto suco no komunidade kada aldeia hodi partisipa iha enkontru refere.

Reprejenta Diretur SMPC e GDN Sr. Carlito Pelu hanesan Xefe Departementu Prevensaun e Informasaun dehan objetivo husi enkontru ne’e mai atu fo hanoin deit saida mak dezastre ho nia tipo dezastre nebe inportante ba komunidade sira bele komprende, SMPC e GDN sempre komvida Autoridade Protesaun Civil (APC) maibe ohin sira lapartisipa ho razaun katak, halo perparasaun ba komemora loron restaurasaun 20 de Maio 2026 ho ida nemak sira la loke atividade enkontru ne’e, tamba administrador do posto Administrativo Bobonaro halo hela viagen ba Dili delega hau atu loke atividade refere, nia husu nafatin ekipa sira atu tun direta ba komunidade hodi fahe informasaun.

Domingos Gonsalves chefe aldeia Maliubu rekomenda atu harii Posto Bombeiros iha Posto Administrativo Bobonaro atu nune’e bele halo salvamentu ba komunidade nia uma bainhira ahi han, tamba durante ne’e Bombeiros konsentra iha municipio entaun labele halo salvamentu ba komunidade tamba dsitansia husi Maliana mai Posto Bobonaro do’ok tebes. hatan ba preokupasaun chefe Departementu Prevensaun e Informsaun esplika ami nia knar so mai fahe deit informsaun hodi fo hanoin ba komunidade nebe hela besik area risku. Konaba preokupasaun ida ne’e hau labele responde tamba ne’e kompetencia membru govenru.

Chefe suco Maliubu apela ba komunidade nebe halo uma iha foho lolon atu tau atensaun bainhira iha ameasa rai halai tenki buka fatin seguru hodi salva ita nia vida, nia dehan ekipa SMPC e GDN mai atu fahe informasaun no fo hanoin saida mak prevensaun no perparasaun ba komunidade bainhira akontesemntu dezastre.

#Media_SMPC e GDN