𝑫𝑰𝑹𝑬𝑺𝑨𝑼𝑵 𝑺𝑬𝑹𝑽𝑰𝑺𝑼 𝑴𝑼𝑵𝑰𝑺𝑰𝑷𝑨́𝑳 𝑨𝑱𝑬𝑵𝑺𝑰𝑨 𝑷𝑳𝑨𝑵𝑬𝑨𝑴𝑬𝑵𝑻𝑼 𝑯𝑨𝑳𝑶 𝑴𝑶𝑵𝑰𝑻𝑶𝑹𝑰𝒁𝑨𝑺𝑨𝑼𝑵 𝑩𝑨 𝑰𝑴𝑷𝑳𝑬𝑴𝑬𝑵𝑻𝑨𝑺𝑨𝑼𝑵 𝑷𝑹𝑶𝑱𝑬𝑻𝑼 𝑷𝑫𝑰𝑴 2025
Maliana: 5 de Fevereiro 2026 Diresaun Agencia planeamento iha trimester I, 3 de febreiro de 2026 hala’o atividades vizita traballu ba iha terenu hanesan atividades regular diresaun nian hodi observa direita implementasaun programa iha baze tuir Diploma Ministerial Nu. 85 / 2023 de 29 de Desembro Seksaun XIX Art. 56 – 57, liu – liu ba projeto husi PDIM ne’ebé hetan finansiamentu husi Autoridade Munisípiu Bobonaro husi Orsamentu Jeral Estadu ( OJE ) tinan 2025 implementa ate a data maibe seidauk finaliza tuir kontratu ne’ebé iha.
Diresaun Servisu Munisipál Ajensia Planeamentu fahe ekipa 3 hodi halo monitorizasaun ba implementasaun projetu PDIM 2025 iha Postu 5 Cailaco, Maliana, Bobonaro, Atabae no Balibo.
Objetivu Monitorizasaun atu garante implementasaun atividade la’o ho di’ak tuir planu, efisénte no atinji rezultadu ne’ebé planeadu hodi suporta dezenvolvimentu Munisípiu no hadi’a servisu ba komunidade.
EKIPA 1: POSTU ADMINISTRATVU CAILACO
03 Febereiro 2026, Xefi Seksaun Planeamentu no Dezenvolvimentu Lokal Almeida Soares hateten katak tinan 2025 Postu Administrativu Cailaco hetan projetu PDIM 3 :
1. Konstrusaun Eskola sala 6 Samut-Aben Manapa
2. Rekonstrusaun Uma Maternidade Sentru Saúde Cailaco
3. Salaun Aberta Postu Cailaco.
Projetu Konstrusaun Eskola sala 6 Samut-Aben Manapa ne’ebé konstrui husi kompaña Liaslap Naroman Unip.Lda ho montante $ 162,251.00 finaliza no entrega ona husi kompaña ba Autoridade Munisípiu Bobonaro.
Projetu Rekonstrusaun Uma Maternidade Sentru Saúde Cailaco ne’ebé konstrui husi kompaña Biasale Unip.Lda ho montante $ 131,971.65 iha ona faze reboka. Tuir enjineiru Kompaña Aniceto do Carmo hateten dadaun projetu ne’e atinji ona 70% tanba udan maka difikulta mobiliza material sira hanesan Rai-Henek mai iha fatin servisu dadaun ne’e badaen sira kontinua servisu iha terenu.
Konstrusaun Salaun Aberta Postu Administrativu Cailaco ne’ebe konstrui husi Kompaña Biahau Usmata Unip. Lda ho valór kontratu $ 15,672.85, finaliza ona no hein Orariu husi PDIM hodi entrega ba Autoridade Munisípiu.
Aleinde ne’e Ekipa mos halo monitorizasaun ba projetu konstrusaun Uma Maternidade Sentru Saúde Ritabou ne’ebé konstrui husi kompaña Majoma Gomes Unip.Lda ho montante
$ 108,003.29 iha ona faze finalizasaun, depois de finaliza Septitank no Plafond tuir planu sei halo limpeza ba fatin projetu iha Sexta-Feira 06 de Febreiro no sei relata ba Diresaun PDIM hodi fo Orariu ba entrega projetu.
EKIPA 2: POSTU ADMINISTRATIVU BOBONARO
03 Febereiro 2026, Postu Administrativu Bobonaro tinan 2025 iha Projetu PDIM 3 :
1. Rehabilitasaun Residensia Pesoal Saúde Suku Bobonaro ho montante $ 111,456.50
2. Konstrusaun Sala 3 Eskola Bea Moas ho montante $ 114,006.92
3. Manutensaun Edifisiu Postu Administrativu ho montante $ 18,174.93
Tuir Observasaun ekipa tekniku konstrusaun Projetu 3 dadaun ne’e iha ona faze finalizasaun
EKIPA 3: POSTO ADMINISTRATIVO ATABAE
03 Febereiro 2026, Postu Administrativu Atabae tinan 2025 iha projetu PDIM 1 :
1. Rehabilitasaun Edifisiu Postu no Jardim Edifisiu Administrativu Atabae
Rehabilitasaun Edifisiu Postu Administrativu Atabae no Jardim Edifisiu husi kompaña Nunu Bena Unipessoal Lda. Ho montante $ 14,147.12 seidauk finaliza .
Tuir Enjiñeru Kompaña Nicodemos Pires haktuir katak obra ne’e ate a data seidauk finaliza tuir kontratu ne’ebe iha ho razaun implementasaun projetu iha ona tempu udan no oras ne’e dadaun labele transporta material lokal hanesan rai henek.
Tuir observasaun Ekipa Monitorizasaun implementasaun projetu ne’e tuir nia padraun no iha kualidade ne’ebé di’ak no konstrusaun fíziku atinji ona 95% .
Aleinda ne’e mos ekipa 3 halo mos monitorizasaun iha loron Tersa no Quarta feira iha Posto Administrasaun Balibo.
Administrativu Balibo tinan 2025 iha projetu PDIM 3 :
1. Manutensaun Edifisiu Postu Administrativu Balibo
2. Rehabilitasaun uma maternidade no Konstrusaun aumenta sala 2 iha Centro Saúde Balibo
Manutensaun Edifisiu Postu Administrativu Balibo husi kompaña Monarosa Unip.Lda ho Monstante $ 14,854.49 finaliza ona no hein entrega husi kompaña ba Autoridade Munisípiu Bobonaro.
Rehabilitasaun uma maternidade no Konstrusaun aumenta sala 2 iha Centro Saúde Balibo husi kompaña Asa-Dasi Unip.Lda ho Montante $ 30,111.30 no Rehabilitasaun uma Maternidade Leohitu ho Montante Orsamentu $ 21,879.07 Projetu 2 ne’ebé konstroi husi kompaña Asa-Dasi Unip.Lda dadaun ne’e finaliza ona no hein entrega husi kompaña ba Autoridade Munisípiu Bobonaro.
