𝑹𝑬𝑨𝑳𝑰𝒁𝑨 𝑬𝑵𝑲𝑶𝑵𝑻𝑹𝑼 𝑨𝑽𝑨𝑳𝑰𝑨𝑺𝑨𝑼𝑵 𝑺𝑬𝑹𝑽𝑰𝑺𝑼 𝑯𝑶 𝑫𝑰𝑹𝑬𝑺𝑨𝑼𝑵 𝑺𝑬𝑹𝑽𝑰𝑺𝑼 𝑴𝑼𝑵𝑰𝑺𝑰𝑷𝑨́𝑳 𝑵𝑶 𝑷𝑶𝑺𝑻𝑼 𝑨𝑫𝑴𝑰𝑵𝑰𝑺𝑻𝑹𝑨𝑻𝑰𝑽𝑼

𝑹𝑬𝑨𝑳𝑰𝒁𝑨 𝑬𝑵𝑲𝑶𝑵𝑻𝑹𝑼 𝑨𝑽𝑨𝑳𝑰𝑨𝑺𝑨𝑼𝑵 𝑺𝑬𝑹𝑽𝑰𝑺𝑼 𝑯𝑶 𝑫𝑰𝑹𝑬𝑺𝑨𝑼𝑵 𝑺𝑬𝑹𝑽𝑰𝑺𝑼 𝑴𝑼𝑵𝑰𝑺𝑰𝑷𝑨́𝑳 𝑵𝑶 𝑷𝑶𝑺𝑻𝑼 𝑨𝑫𝑴𝑰𝑵𝑰𝑺𝑻𝑹𝑨𝑻𝑰𝑽𝑼

Maliana, 01 Jullu 2026, Diresaun Servisu Munisipál Ajensia Planeamentu realiza Avaliasaun servisu Diresaun Servisu Munisipál no Postu Administrativu mak atividade inportante ida atu haree no sukat nivél implementasaun programa no atividade sira ne’ebé ezekuta ona durante períodu determinadu. Atividade ida-ne’e nia objetivu mak atu identifika progresu, dezafiu, obstákulu no oportunidade sira atu hadi’a prestasaun servisu públiku no garante implementasaun programa governu nian la’o ho efetividade, efisiénsia no responsabilidade.

Liu husi avaliasaun ida-ne’e, Administrasaun Munisipál bele halo revizaun ba rezultadu servisu, haforsa koordenasaun entre Diresaun Servisu Munisipál no Postu Administrativu, no prepara estratéjia no medida sira atu hadi’a implementasaun programa no atividade sira iha futuru.

Objetivu

1. Avalia implementasaun programa no atividade sira ne’ebé executa ona husi Diresaun Servisu Munisipál no Postu Administrativu
2. Identifika rezultadu, dezafiu no limitasaun sira durante implementasaun servisu.
3. Hasa’e koordenasaun no komunikasaun entre Diresaun Servisu Munisipál no Postu Administrativu.
4. Harii rekomendasaun no medida koretiva atu hadi’a prestasaun servisu públiku.
5. Sai hanesan baze ba planeamentu, desizaun no implementasaun atividade sira iha períodu tuir mai.
6. Hametin responsabilidade no transparénsia iha jestaun no implementasaun programa governu nian iha nivel Munisipál no Postu Administrativu.

Aleinde ne’e aprezenta mo’s proposta orsamentu 2027 Autoridade Munisípiu husi Diretór Servisu Munisipál Ajensia Planeamentu no mos ezekusaun orsamentu 2026 husi Diretora Servisu Munisipál Finansas ba Xefi Departamentu, Xefi Seksaun no Funsionáriu sira.

Entretantu iha enkontru ne’e hetan partisipasaun husi Diretora Servisu Munisipál Finansas, Diretór Ajensia Planeamentu Xefi Departamentu husi Diresaun sira Xefi Seksaun Postu 6 no Funsionáriu sira iha Salaun Maria Tapo Autoridade Munisípiu Bobonaro.

ANEXU FOTOGRAFIA