Reflesaun konaba implementasaun atividade kada projetu sira hamutuk ho Parseiru Governu, Parseiru Internasional no Lokal
Maliana, 16 de Janeiro 2026, World vision Timor-Leste liu husi area programa Municipiu Bobonaro iha planu atu halo reflesaun konaba implementasaun atividade oi-oin ne’ebe kada projetu sira hamutuk ho Parseiru Governu, Parseiru Internasional, lokal no Lider komunitariu sira kada Postu no Suku sira hahu husi fulan Abril to’to Dezembru 2025
Relasiona ho assuntu iha leten atividade refere hetan Partisipasaun maximu husi Diretora Servisu Municipal apoiu ONG e OC, Diretor Servisu Municipal Protesaun Sivil, Diretor Servisu Municipal saude (Rep), Diretor Servisu Municipal Agricultura (Rep), APA Atabae, APA Balibo no Chefe suku nain 8 kompostu husi Suku Hataz, Leohitu, Cowa, Raiheu, Manapa, Atudara, Goulolo no Genulai.
Iha atividade refere foku liu ba parte (3)
Parte 1: Dezastre – Redusaun Risku Dezastre
Redusaun Risku Dezastre sai hanesan prioridade importante atu hamenus impaktu dezastre naturál sira ba komunidade. Medida preventivu, planeamentu diak, no konsientizasaun komunidade bele ajuda proteje moris umanu, sasan, no ambiente. Governu ho parseiru sira kontinua habelar esforsu atu hametin preparasaun no kapasidade komunidade nian hasoru risku dezastre.
Parte 2: Saúde – Nutrisaun Inan Isin Rua no Labarik Idade 5 ba Kraik
Nutrisaun diak ba inan isin rua no labarik idade lima (5) ba kraik importante tebes atu garante dezenvolvimentu fisiku no mental ne’ebé diak. Hahán nutritivu, servisu saúde adekuadu, no edukasaun nutrisaun sai fator chave atu prevene malnutrisaun no hadia moris saudavel ba jerasaun iha futuru.
Parte 3: Agrikultura – Dezenvolvimento Ekonomia Koperativa no Kapasitasaun ba Agrikultores sira
Dezenvolvimento ekonomia koperativa iha setór agrikultura sai hanesan dalan importante atu hadia rendimentu to’os nain sira. Asesu ba rai no impresta osan, no kapasitasaun ba agrikultór sira, bele hametin produsaun, jere rai ho diak, no habelar oportunidade ekonomia ba komunidade rurál.
Remata Media SMAONGeOC
