Bobonaro 01 Abril 2026, ekipa husi Sua Excelencia Presidente da Republika, marka enkontru ho Sua excelencia Presidente Autoridade Municipio Bobonaro, hodi koalia konaba preparasaun vizita sua Excelencia Presidente da Republica nebe mak sei mai iha Municipio Bobonaro,

iha enkontru ne’e partisipa husi Presidente Autoridade Municipio Bobonaro, Secretario nain 3, asesor, ekipa husi presidente da Republica, Casa Militar husi Presidente da Republica no ekipa tekniku sira hotu.

#Media PAM Bobonaro.

Cailaco – 31 Marsu 2026, Secretario Autoridade Municipal de Administração e Finanças Bobonaro Observa Fatin Preparasaun ba Vizita Sua Exelençia Presidente da Republika (08 Abril 2026) iha Municipio Bobonaro, Postu Administrativo Cailaco, Suco Meligo, Vizita ba fatin (FOSIL IKAN RUIN). Administrador Postu Administrativu Cailaco, Comando PNTL Esquadra Postu Cailaco, Xéfe do Suco Meligo, Funcionario Postu Cailaco ho Komunidade sira Limpeza hela iha Fatin ba preparasaun Vizita Sua Exelecia Presidente Republika Nian.

#Média SECAM Adm. no Finansas Bobonaro

Atabae 30-03-2026. Iha área natar laran Aldeia Tutubaba, observa katak iha fenómeno naturál ida ne’ebé komunidade bolu “tahu nurak mosu no nakali hanesan erupsaun”. Fenómenu ne’e refere ba bee ka lama ne’ebé sai husi rai okos, mosu ba leten ho forma burak-burak ki’ik ka mota ki’ik ne’ebé bele hamosu bolha (bubble) no dala ruma sai ho presáun ki’ik hanesan erupsaun.

Kondisaun ne’e bele akontese tanba faktór sira hanesan:

• Presáun bee okos (groundwater pressure) ne’ebé sae mai ba superfísie
• Rai ne’ebé nakfera no maluk (clay ka rai mutin) ne’ebé fasil lori bee sae
• Akumulasaun gás naturál ki’ik iha rai laran ne’ebé halo bee nakali
• Mudansa iha tempu udan no rai nakfera ne’ebé halo estrutura rai la estável

Bee ne’ebé mosu normalmenti la mos, kor maran ka mutin, no dala ruma iha odór la di’ak. Tanba ne’e, komunidade la recomenda atu uza diretamente ba hemu, tanba bele lori risku saúde.

Fenómenu ne’e iha impaktu hanesan:

• Halo rai iha natar laran sai la estável ba atividade to’os
• Bele estraga ai-horis tanba lama no bee maran
• Kria preokupasaun ba komunidade tanba hanesan erupsaun ki’ik

Maske hanesan erupsaun, fenómeno ne’e la’ós vulkán boot, maibé liu mak prosesu naturál husi bee okos no rai. Maibé, sei importante atu:

• Halo observasaun regular
• Halo teste kalidadi bee se bele
• Konsulta ho autoridade lokal ka tékniku ambientál
• Evita uza bee ne’e ba konsumasaun diretu

Iha konkluzaun, “tahu nurak mosu no nakali hanesan erupsaun” iha Aldeia Tutubaba mak fenómeno naturál ida ne’ebé liga ho kondisaun rai no bee okos, no presiza manejamentu di’ak atu prevene impaktu ba saúde no moris komunidade.

#Media_Secetario_Assunto_Sociais

Manatuto 30 de Março 2026, Sua excelencia Presidente Autoridade Municipio Bobonaro, Sr,Paulo Moniz Maia,Lic.Dir, Partisipa iha serimonia lansamento fatuk dahuluk PARKE INDUSTRIA iha Municipio Manatuto.

Parke industria ne,e konstrui husi Kompania Esperansa Timor Oan ( ETO ). Nudar parte estratejiku ida atu promove dezemvolvimento industria no kria kampo trabalho ba komunidadd lokal sira.

Parke industria ne,e planeadu atu integra unidade ka industria hamutuk lima (5) mak hanesan,

• Fábrika kaixa
• Fábrika estrutura metalika tipu H- Beam
• Fábrika prosesamento sardina enlatadu
• Matadouru Moderno no industria prosesamento Naan,
• Fábrika Prosesamento Benifisiamento Fo’os.

Nudar pais indenpendente Timor- Leste iha responsabilidade atu hametin ekonomia iha rai laran no aktividades industria, tan ne,e ETO mos hahu mai ho planu diversifikasaun atu kontribui no hametin ekonomia Timor- Leste liu husi investimento setor industria nian,” hateten CEO ETO.”

Iha serimonia lansamento ne,e partisipa husi Sua Excelencia Primeiru Ministru, no Membro Governo sira hotu, Membro Parlamento Nasional, Presidente Autoridade sira hotu, Camara Comercia Industria Timor Leste ( CCITL). Banku Central Timor Leste, Banku Mundial, DG sira hotu, Emprezario sira Autoridade Lokal no mos komunidade sira hotu.

#Media PAM Bobonaro.

𝐁𝐨𝐛𝐨𝐧𝐚𝐫𝐨 𝟐𝟕 𝐝𝐞 𝐌𝐚𝐫ҫ𝐨 𝟐𝟎𝟐𝟔, ekipa husi União Nasional Escuterios Timor Leste, (UNETL) halo audensia ho sua excelencia Presidente Autoridade Municipio Bobonaro, iha salaun enkontru VIP Municipio Bobonaro.

Enkontru ne’e koalia konaba programa ne’ebe mak UNETL atu implementa mak hanesan Jambore ou Akampamento nebe mak sei halao iha Municipio Bobonaro.

Tuir Presidente Autoridade Municipio Bobonaro haktuir katak, hanesan autoridade sempre fo apoio ba aktividade nebe mak UNETL atu halao, tamba União Nasional Escuterios Timor Leste mak sai hanesan aspirasaun nebe mak diak ba joven foin sae sira no fo motivasaun nebe mak diak ba joven sira iha Timor Leste Liu-liu iha Municipio Bobonaro.” Hateten Presidente Autoridade Municipio Bobonaro.”

Tuir Presidente UNETL haktuir katak, União Nasional Escuterios Timor Leste nafatin fo apoio no kontribui ba Autoridade Municipio nia servisu no mos ba programa estadu nian.

Iha enkontru ne’e partisipa husi Presidente Autoridade Municipio Bobonaro, Secretario Administrasaun Finansas, Presidente União Nasional Escuterios Timor Leste ho nia ekipa sira.

#Media PAM Bobonaro.

𝐁𝐨𝐛𝐨𝐧𝐚𝐫𝐨 𝟐𝟔 𝐝𝐞 𝐌𝐚𝐫ҫ𝐨 𝟐𝟎𝟐𝟔, Sua Excelencia Presidente Autoridade Municipio Bobonaro Sr, Paulo Moniz Maia, Lic.Dir. oficialmente loke enkontru konaba Konsellu Kordenasaun Municipal ( CCM ). Iha salaun Maria Tapo Municipio Bobonaro.

Iha enkontru ne’e sua excelencia Presidente Autoridade Municipio Bobonaro haktuir katak, ohin loron ita hotu hamutuk iha fatin ida ne’e hodi halao ita nia enkontru konaba Konsellu Kordenasaun Municipal nian, hodi deskuti programa sira nebe mak ita atu implementa, no sorumutu ida regular ita halo kada fulan hodi partilha ba malu asuntu sira importante no biban ida ne’e, atu ita bele hola desizaun sira, no mos ligadu ho rezultadu avaliasaun kondisaun Minima ita Municipio Bobonaro hetan Muito Bom, no mos Frajilidade no rekomendasaun sira. Oinsa mak bele uza Sistema administrasaun ba iha dijitalizasaun no jestaun rekursu Umanu.” Hateten Presidente Autoridade Municipio Bobonaro.”

Iha enkontru ne’e asesor nebe mak reprejenta director planeamento aprezenta konaba frajilidade no rekomendasaun husi rezultadu ekipa avaliasaun kondisaun Minimu, husi director edukasaun aprezenta mos konaba progresu implementasaun programa merenda escolar iha Municipio Bobonaro, no aprezentasaun esboso sirkular higiene e ordem publika, diskusaun no aprovasaun iha konsellu kordenasaun Municipal.

Enkontru ne’e partisipa husi Presidente Consellu Cordenasaun Municipal, Secretario Municipal nain 3, Linhas directores servisu Municipais no delegasaun Territorial, administrador posto administrativo nain 6, Autoridade local, asesor no ekipa tekniku sira.

#Media PAM Bobonaro.

Aktividades Refresh Treining ba chefe do sucu 50 ho ofisial sucu asuntu Sosial 50 durante loron 3 hahu data 23 ate 25 de 2026
formasaun ida ne,e Laos foun ba Chefe do Suscu no Ofisial Asuntu Sosiais sira maibe hanesan Kontinuasaun, Atu oinsa sira bele intendede Formatu Manual no Electronic ne,ebe Uja hodi Registo Movimentasaun Populasaun iha Kada Aladeia to,o Sucu atu nune,e Ita bele Kontrola no hatene tuir Kresimentu populasaun kada semestral iha ita nia Aldeia, Sucu, Postu Administrativu, Municipiu inklui iha Nasaun laran.
No iha formasaun ida ne,e hetan partisipasaun maximu tebes husi Ofisial Asuntu Sosial sucu 50 no nai chefe do Suscu sira hotu iha salaun Komfrensia Adfandega no Estatistika Municipiu

#Media Esstatistik Municipiu Bobonaro

𝐁𝐨𝐛𝐨𝐧𝐚𝐫𝐨, 𝟐𝟓 𝐝𝐞 𝐌𝐚𝐫𝐬𝐮 𝟐𝟎𝟐𝟔, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir, Oficialmente loke enkontru konaba konsulta Publiku, prosesu Rekonsiliasaun Timor oan no Politika Reparasaun, iha salaun Maria Tapo Municipio Bobonaro.
Prosesu Rekonsiliasaun Timor oan ( PRT ), no Termu referensia mekanismu prosesu rekonsiliasaun Timor oan ne’ebe mak iha, konsidera nudar meiu ida hodi konsolida dialogu ne’ebe onestu ho objectivo atu buka solusaun ida ne’ebe justu tuir valor costume Timor nian.
Iha intervensaun Sua Excelencia Presidente Autoridade Municipio Bobonaro haktuir katak, ohin ita halibur malu iha fatin ida ne’e, ho objectivo atu realiza “ 𝐊𝐎𝐍𝐒𝐔𝐋𝐓𝐀 𝐏𝐔𝐁𝐋𝐈𝐊𝐔” ida konaba 𝐏𝐑𝐎𝐒𝐄𝐒𝐔 𝐑𝐄𝐊𝐎𝐍𝐒𝐈𝐋𝐈𝐀𝐒𝐀𝐔𝐍 𝐓𝐈𝐌𝐎𝐑 𝐎𝐀𝐍 𝐍𝐎 𝐏𝐎𝐋𝐈𝐓𝐈𝐊𝐀 𝐑𝐄𝐏𝐀𝐑𝐀𝐒𝐀𝐔𝐍 𝐍𝐈𝐀𝐍,nudar ita hotu hatene katak, rekonsiliasaun no politika nudar rekomendasaun ne’ebe husi komisaun CAVR inklui iha sira nia relatorio, konaba promove rekonsiliasaun iha nivel nasional no internasional entre autor no vitima sira husi violasaun direitus humanus ne’ebe komete husi parte hotu-hotu iha periodo konflitu nia laran hahu husi 1975-1999.” Hateten Presidente Autoridade Municipio Bobonaro.”

Objectivo husi aktividade konsulta publiku mak hanesan memoria istoriku prezervadu no promovido, sociedade iha konesemento konaba istoria no sensivel ba valores diretus humanus no tulun sobrevivente sira moris iha dignu.

Iha konsulta publiku ne’e, partisipa husi sua excelencia presidente Autoridade Municipio Bobonaro, director ezekutivo nasional CNC, presidente konselho veteranus municipio Bobonaro, Segundo komandante PNTL municipio Bobonaro, Sociedade sivil, familia vitima sira, autoridade lokal no juventude sira hotu.

#Media PAM Bobonaro.

𝐁𝐨𝐛𝐨𝐧𝐚𝐫𝐨, 𝟐𝟑 𝐝𝐞 𝐌𝐚𝐫ҫ𝐨 𝟐𝟎𝟐𝟔, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir. Oficialmente Loke enkontru hamutuk ho fornesedor PNDS nivel Municipal iha salaun Maria Tapo.

Iha enkontru ne’e Presidente Autoridade Municipio Bobonaro husu ba fornesedor sira tenke ezekuta projeitu nebe mak iha tuir nia data no tempu nebe mak determinadu, tamba projeitu PNDS nian barak mak abandona hela tamba fornesedor sira fornese material no halo konstrusaun tarde no la tuir data nebe mak determina ona, no kada suku 50 iha Municipio Bobonaro, kada suku iha projetu ida, no koalia ligadu mos ba projetu Estasionamento nebe mak sei implementa iha Motain suku Batugadu iha tempo tuir mai,” Hateten Presidente Autoridade Municipio Bobonaro,”

Iha enkontru ne’e partisipa husi Presidente Autoridade Municipio Bobonaro, Director PNDS Municipio Bobonaro, enginario tekniku PNDS nian, no mos Fornesedor hamutuk 120 iha Municipio Bobonaro.

#Media PAM Bobonaro.

Bobonaro 18 de Março 2026, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir. Partisipa iha edukasaun sívika konaba KONSOLIDASAUN DEMOKRASIA NO INTEGRIDADE ELEISAUN, ne’ebe organiza husi Comisaun Nasional das Eleisões ( CNE ). edukasaun Sivika ne,e loke Oficialmente husi Presidente Autoridade Municipio Bobonaro, iha salaun Maria Tapo Municipio Bobonaro.

Iha intervensaun Presidente Autoridade Municipio Bobonaro haktuir katak, CNE nia servisu tenke iha imparsialidade no labele mete ba partidu A no B, ne,e duni eleisaun tuir mai bele lao ho diak. Ne,e duni CNE ho STAE tenke servisu makas hodi kontrola sidadaun estranjeiru sira nebe mak mai rejistu hofi hetan eleitoral, tamba Municipio Bobonaro besik liu iha Fronteiras.” Hateten Presidente Autoridade Municipio bobonaro.”

iha edukasaun sivika ne,e, Director CNE Apresente mos prosesu ba eleisaun Poder Lokal nian.

Partisipa iha enkontru ne,e mak hanesan, Presidente Autoridade Municipio Bobonaro, Vice Presidente CNE, Director STAE Municipio bobonaro, Director CNE Municipio bobonaro, Director Planeamento Municipal, Lider Partdus Politikus nebe mak hetan asentu iha Parlamento Nasional, Partidu CNRT, Partidu PD, Partidu Fretelin, Partidu PLP, Partidu KHUNTO. no mos ekipa tekniku sira husi CNE nian.

#Remata Media PAM Bobonaro.