𝐌𝐚𝐥𝐢𝐚𝐧𝐚, 𝟎𝟓 𝐎𝐮𝐭𝐮𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic.Dir, prezide serimónia Isar Bandeira Nasionál iha AMB.

Iha diskursu, Exelénsia Prezidente husu ba funsionáriu sira tantu servisu munisipál no delegasaun teritoriál atu reforsa auto-disiplina, responsabilidade no profesionalizmu iha servisu, no husu atu hadi’a koordenasaun no komunikasaun entre diresaun sira nune’e mós superior ho funsionáriu sira.

Exelénsia mós afirma tan katak, parte hotu-hotu tenke servisu hamutuk nafatin no iha hanoin ida de’it hodi dezenvolve munisípiu Bobonaro. Aleinde ne’e, husu mós ba parte seguransa sira atu hala’o servisu ho di’ak nafatin, nune’e bele mantein estabilidade iha munisípiu nia laran.

Atividade refere partisipa husi SEKAM Administrasaun no Finansas, SEKAM PIDI, SEKAM Asuntu Sosiais, Administradór Postu Administrativu Maliana, Diretores Servisus Munisipais, Diretores Delegasaun Teritoriál, Xefe Departamentu sira no funsionáriu sira hotu.

𝑹𝒆𝒎𝒂𝒕𝒂 “𝑴𝒆́𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐”