𝐃𝐢́𝐥𝐢, 𝐊𝐢𝐧𝐭𝐚-𝐅𝐞𝐢𝐫𝐚, 𝟎𝟏 𝐎𝐮𝐭𝐮𝐛𝐫𝐮 𝟐𝟎𝟐𝟔

Sua Exelénsia Prezidene Autoridade Munisípiu Bobonaro, Sr. Paulo Moniz Maia, Lic.Dir, partisipa iha Serimónia Lansamentu Planu Nasionál Médiu Prazu 2027–2030, ho Tema “𝑯𝒂𝒇𝒐𝒓𝒔𝒂 𝑷𝒍𝒂𝒏𝒆𝒂𝒎𝒆𝒏𝒕𝒖 𝑬𝒔𝒕𝒓𝒂𝒕𝒆́𝒋𝒊𝒌𝒖 𝒃𝒂 𝑫𝒆𝒛𝒆𝒏𝒗𝒐𝒍𝒗𝒊𝒎𝒆𝒏𝒕𝒖 𝑺𝒖𝒔𝒕𝒆𝒏𝒕𝒂́𝒗𝒆𝒍 𝒏𝒐 𝑰𝒏𝒌𝒍𝒖𝒛𝒊𝒗𝒖”, ne’ebé hala’o iha Salaun Auditóriu Kay Rala Xanana Gusmão, Ministériu Finansas, Aitarak Laran.

Serimónia Lansamentu Planu Nasionál Médiu Prazu 2027–2030, ho objetivu atu hametin planeamentu estratéjiku nasionál no orienta prosesu dezenvolvimentu Timor-Leste ba tinan tuir mai.

Iha oportunidade hanesan iha mós aprezentasaun Relatóriu Progresu kona-bá Monitorizasaun implementasaun PED 2011–2024, ne’ebé sai nu’udár baze importante atu avalia rezultadu, identifika progresu no aprende husi esperiensia implementasaun planeamentu nasionál iha períodu anterior.

Lansamentu Planu Nasionál Médiu Prazu 2027–2030 sai nu’udár etapa importante atu hametin planeamentu nasionál no fó atensaun ba dezenvolvimentu sustentável no inkluzivu, no mós garante katak programa no polítika Governu bele responde ba nesesidade komunidade iha territóriu tomak.

#𝐑e𝐦a𝐭a
#𝐌é𝐝i𝐚 𝐏A𝐌 𝐁o𝐛o𝐧a𝐫o