𝑺𝑬π‘ͺ𝑨𝑴 π‘¨π’…π’Žπ’Šπ’π’Šπ’”π’•π’“π’‚π’”π’‚π’–π’ 𝒏𝒐 π‘­π’Šπ’π’‚π’π’”π’‚π’” 𝑩𝒐𝒃𝒐𝒏𝒂𝒓𝒐 π‘·π’‚π’“π’•π’Šπ’”π’Šπ’‘π’‚ π’Šπ’‰π’‚ π‘Ίπ’†π’Žπ’Šπ’π’‚π’“π’Šπ’ π‘΅π’‚π’”π’Šπ’π’π’‚π’ 𝒉𝒐 π‘»π’†π’Žπ’‚ “𝑯𝒐 π‘Ίπ’Šπ’†Μπ’π’”π’Šπ’‚ 𝑰𝒕𝒂 π‘«π’†π’›π’†π’Žπ’—π’π’π’—π’† π‘Ίπ’–π’Œπ’–”, π’Šπ’‰π’‚ 𝑺𝒂𝒍𝒂𝒖𝒏 𝑱𝒐𝒔𝒆́ π‘ͺπ’‚π’”π’Šπ’Žπ’Šπ’“π’ 𝑼𝑡𝑷𝑨𝒁, π‘«π’Šπ’π’Š-π‘»π’Šπ’Žπ’π’“ 𝑳𝒆𝒔𝒕𝒆. Postado em: 4 May 2026

  • InΓ­cio
  • NotΓ­cias
  • 𝑺𝑬π‘ͺ𝑨𝑴 π‘¨π’…π’Žπ’Šπ’π’Šπ’”π’•π’“π’‚π’”π’‚π’–π’ 𝒏𝒐 π‘­π’Šπ’π’‚π’π’”π’‚π’” 𝑩𝒐𝒃𝒐𝒏𝒂𝒓𝒐 π‘·π’‚π’“π’•π’Šπ’”π’Šπ’‘π’‚ π’Šπ’‰π’‚ π‘Ίπ’†π’Žπ’Šπ’π’‚π’“π’Šπ’ π‘΅π’‚π’”π’Šπ’π’π’‚π’ 𝒉𝒐 π‘»π’†π’Žπ’‚ “𝑯𝒐 π‘Ίπ’Šπ’†Μπ’π’”π’Šπ’‚ 𝑰𝒕𝒂 π‘«π’†π’›π’†π’Žπ’—π’π’π’—π’† π‘Ίπ’–π’Œπ’–”, π’Šπ’‰π’‚ 𝑺𝒂𝒍𝒂𝒖𝒏 𝑱𝒐𝒔𝒆́ π‘ͺπ’‚π’”π’Šπ’Žπ’Šπ’“π’ 𝑼𝑡𝑷𝑨𝒁, π‘«π’Šπ’π’Š-π‘»π’Šπ’Žπ’π’“ 𝑳𝒆𝒔𝒕𝒆.

Dili, 28 Abril 2026 – SECAM Administrasaun no Finansas Bobonaro Ne’ebΓ© Representa PAM Bobonaro, Partisipa iha Seminario Nasional ho Tema “Ho SiΓ©nsia Ita Dezemvolve Suku”, iha Salaun JosΓ© Casimiro UNPAZ, Dili-Timor Leste. Universidade da Paz (UNPAZ), Liu husi Komisaun Organizadora Programa Pratika Aprendizajen Kampu (PAK) Tinan Akademiku 2025.

Prezidente Konsellu Administrasaun Fundasaun Neon Metin, Ir. JosΓ© Menezes M. Foodtech, hatudu Nia apresiasaun ba inisiativa ne’e, ne’ebΓ© konsidera hanesan IstΓ³riku. Nia hateten katak, seminario ida ne’e lori rezultado importante tamba prodΓΊs livru ne’ebΓ© dadus iha laran mai husi kuaze MunisΓ­piu hotu iha Timor-Leste.

Prezidente Fundasaun ne’e reafirma, livru ne’e bele sai hanesan referΓ©nsia estratΓ©jiku ba Governu atu kompriende no responde problema konkretu sira ne’ebΓ© povu hasoru iha teritoriu sira.

Iha Biban hanesan, MagnΓ­fiku Reitor UNPAZ, Dr. Adolmando Soares Amaral, Lic.Eco.MM, esplika katak, depois promulgasaun Lei Baze Ensinu Superior husi Prezindente da RepΓΊblika, Dr. JosΓ© Ramos-Horta, Universidade halo prosesu harmonizasaun kurikulΓ‘r, hamenus nΓΊmeru matΓ©ria husi 78 ba 55 iha nivel lisensiatura.
Reitor hateten katak, seleksaun matΓ©ria sira bazeia ba relevΓ‘nsia atu responde direitamente ba realidade Timor-Leste. Husi prosesu ne’e mak UNPAZ kria programa PAK, ne’ebΓ© haruka estudante sira fila ba sira nia knua hodi rekolla dadus Konkretu, depois kompila no analiza hodi sai relatoriu nasional.

“Relatoriu sira ne’e sei entrega ba Autoridade MunisΓ­piu sira, atu bele konsidera iha Planeamentu Orsamentu Jeral Estadu 2027, hodi responde problema real husi suku to’o munisΓ­piu”, hateten Reitor.

Aleinde ne’e, Ministru KomΓ©rsiu no IndΓΊstria, Nino Pereira, iha Nia diskursu hato’o orgullu ba UNPAZ, tamba implementa mudansa konkretu liu husi lema “Sapientia et Humanismus”, ne’ebΓ© signifika SiΓ©nsia ba Umanidade.

Ministro ne’e subliΓ±a katak, tempu ohin loron la persija deit diskursu retΓ³rika, maibe persija rezultado konkretu ne’ebΓ© povu bele haree, sente no utiliza.

“Estudante sira la’Γ³s deit rekolla dadus, maibΓ© sira sai hanesan ajente mudansa, tamba sira kompriende direitamente moris povu nian no fo proposta solusaun ne’ebΓ© ΓΊtil ba governu”, dehan Ministru ne’e.
SeminΓ‘rio ne’e partisipa husi Lideransa Autoridade MunisΓ­piu sira, Estrutura UNPAZ, Fakuldade ualu, Komisaun Organizadora PAK 2025, Estudante sira husi Universidade sira iha Dili laran, Dosentes no Estudante sira.

#MΓ©dia SECAM Adm. no Finansas Bobonaro

Β© 2026 Autoridade MunicΓ­pio de Bobonaro