Instituto Nacional da Administração Pública realiza formasaun kona-ba Base de Dadus iha Munisípiu Bobonaro (04/05/2026). Objetivu husi formasaun ne’e atu hadia kapasidade tékniku iha jestaun no utilizasaun dadus digital iha servisu administrative, partisipantes ne’ebé partisipa iha formasaun ne’e jeralmente funsionáriu públiku husi diresaun oioin inklui Posto Administrativu 6 iha Munisipio Bobonaro.

Sekretariu Munisipal Administrasaun Finansas, Domingos da Costa, Lic.Dir., iha nia intervensaun enkoraja partisipantes sira atu tuir formasaun ho disiplina no aproveita oportunidade ho didiak atu nune’e bele aumenta koñesementu iha area jestaun Base de Dadus.

Tuir planu, formasaun ida ne’e sei realiza iha semana ida, durante formasaun, instrutor sira hatudu materi kona-ba konseitu fundamentál base de dadus, kria tabela, relasaun entre dadus, no pratika uza software hanesan Microsoft Access. Partisipante sira mos aprende kona-ba importánsia seguransa dadus no organizasaun informasaun ne’ebé sistemátiku.

Husi atividade ida ne’e, espera katak funsionáriu sira iha Bobonaro bele aumenta efisiénsia servisu, fasilita prosesu buka dadus, no promove jestaun dokumentu ne’ebé modernu no transparante iha instituisaun públika.

#Media_Portal_Municipal