INTRODUSAUN PERFIL SUCO PURUGUA

Dezenvolvimentu mak hanesan save importante ida ba nasaun hodi alkansa ka atinji mehi ne’ebé iha, nune’e mos suku Purugoa hanesan suku ida ne’e presija tebes atu halo dezenvolvimentu hodi fó moris ida ne’ebé dignu ba komunidade sira nia ejizensia. Durante tempu ukun rasik an komunidade sira moris livre ona maske sei halerik nafatin ba dezenvolvimentu ne’ebé la’o ladun di’ak, no difisil tebes atu to’o ba baze no sosiedade sira. Prosesu hotu ne’ebé lideransa komunitaria no komunidade sira halo durante ne’e konsege resposta uitoan-uitoan konaba komunidade sira nian nesesidade hanesan Bee Mos, Eletrisidade no mos sira seluk tan. Ho ida ne’e maka autoridade lokal kolabora nafatin ho komunidade sira liu-liu intelektual sira hodi kria planu dezenvolvimentu ba iha suku Purugoa bazeia ba dezafius sira ne’ebé durante ne’e enfreta iha suku laran hodi resposta ba nesesidade ne’ebé komunidade sira presija.

Vizaun,Misaun, Metas Objetivu, Valór no Prinsípiu Suco nian

Vizaun Suco Purugoa

Lideransa Suco Purugoa hamutuk ho ninia Komunidade tomak hatuur vizaun suco nian maka hanesan:

“sei hamutuk ho nia populasaun sira hahu husi Joventude, Intelektual sira, to’o katuas ferik kaer metin unidade hodi sai hanesan inspirativu no mutivativu ba hala’o dezenvolvimentu komunidade ne’ebe prosperu, saudavel no edukadu”

Misaun Suco Purugoa

Atu atinji vizaun ne’ebé deskreve ona iha leten, Suco Purugoa defini no misaun sira mak hanesan:

1. Sei hasa’e komunidade hotu iha moris diak, hetan saude diak no iha edukasaun ne’ebe diak liu husi dezenvolvimentu Ekonomia, sosial no ambiente ne’ebe sustentavel
2. Ho unidade ne’ebe durante ne’e iha, sei la husik suku seluk atu hari suku ida iha ami nia suku laran
3. Hamoris no kria aktividade joventude liu husi programa desportu hodi garante unidade no estabilidade iha suku laran

Meta sira ba Dezenvolvimentu iha SucoPurugoa

Vizaun no Misaun iha leten transforma hikas ba Meta sira Dezenvolvimentu iha Suco Purugoa hanesan tuir mai ne’e:

1. Sei hasa’e produsaun Agrikultura iha periodu tuir mai, tuir kbiit ne’ebe iha
2. Sei hasa’e tasa alfabetizasaun husi periodu ne’ebe atu alkansa
3. Sei kria aktividade desportu regulamentu

Objetivu sira ba Dezenvolvimenut iha Suco Purugoa nian

Meta sira ba dezenvolvimenut iha Suco Purugoa nian ne’e ami defini hikas iha objetivu dezenvolvimentu nian hanesan tuir mai ne’e:

1. Hasa’e ekonomia lokal liu husi Dezenvolvimentu Agrikultura no Turismu
2. Hasa’e servisu Edukasaun no Saúde ba Komunidade
3. Hasa’e servisu Infraestrutura ba Komunidade

Valór sira ne’ebé Suco Purugoa adopta

Koletivamente, komunidade no lideransa sira iha suco Purugoa defini ona valór prinsipál sira hanesan tuir mai ne’e:

1. Komunidade hotu partisipa aktivu hodi hato’o nia opiniaun ba prosesu dezenvolvimentu suku ida nee
2. Prosesu dezenvolvimentu tenki transparensia no nakloke ba ema hotu
3. Prosesu dezenvolvimentu klaru profesional hanoin inovativu no explora ideas no apresia ema seluk nia hanoin
4. Komunidade hotu iha oportunidade no la hare ba jeneru, kor ka rasa

Prinsipiu Suco Purugoa nian

Suco Purugoa adopta mós ninia prinsípiu sira ba dezenvolvimentu nian mak hanesan tuir mai ne’e:

1. Prinsípiu iha dezenvolvimentu tau a’as interese komun nia duke interese privadu
2. Prinsípiu iha hanoin ne’ebe transparensia no nakloke ba ema hotu
3. Prinsípiu ida ne’ebe atu hakuak ka akumula ema hotu nia idea hodi hanoin dezenvolve suku ida ne’e
4. Prinsípiu iha dezenvolvimentu persija partisipasaun komunidade nian
5. Prinsípiu komunidade ho lideransa sira iha inisiativa tomak ba dezenvolvimentu

Nota: prinsípiu bele liu bele menus, depende ba suco sira nia kreatividade hodi deskreve

MAPAMENTO SUCO PURUGUA

ESTRUTURA LIDERANSA KOMUNITARIA SUCO PURUGUA

file ne’e formatu ho PDF Bele Click hodi Download….