𝑳𝑨𝑵𝑺𝑨𝑴𝑬𝑵𝑻𝑼 𝑲𝑼𝑫𝑨 𝑯𝑨𝑹𝑬 𝑽𝑨𝑹𝑰𝑬𝑫𝑨𝑫𝑬 𝑰𝑵𝑷𝑨𝑹𝑰 32 𝑼𝒁𝑨 𝑴𝑨́𝑲𝑰𝑵𝑨 𝑲𝑼𝑫𝑨 𝑯𝑨𝑹𝑬 (𝑹𝑰𝑪𝑬 𝑻𝑹𝑨𝑵𝑺𝑷𝑳𝑨𝑵𝑻𝑬𝑹 𝑴𝑨𝑪𝑯𝑰𝑵𝑬), 𝑬𝑵𝑻𝑹𝑬𝑮𝑨 𝑻𝑹𝑨𝑻𝑶́𝑹 𝑵𝑶 𝑴𝑨𝑵𝑼 𝑴𝑨𝑹𝑬𝑲𝑶
Atividades lansamentu kuda hare variedade INPARI 32, uza mákina agrícola modernu ho objetivu atu hasa’e efisiensia, (reduz kusto, tempu no traballadores) no mós fasil halo manutensaun (fertilizasaun, hamoos du’ut no kontrolu ba peste no moras).
Nune’e mós atu kontrolu peste karakol kinur, excelência Ministro da agricultura entrega manu mareko hamutuk manu mareko 30, ba grupo agricultor/hakiak nain sira para bele hakiak no husik ba natar laran nune’e bele redus dezenvolvimentu karakol no bele hadi’a sistema aerasaun (sistem aerasi) besik iha hare hun. Métodu kontrolu karakol kinur ne’e ita hanaran kontrolu biolojia, uza manu mareko hodi hamate karakol kinur iha natar.
Além de entrega manu mareko, excelência Ministro mós oficialmente entrega tratór médio unidade 2, atraldu unidade 1 no tratór liman (hand tractor) unidade 10, ba Presidente Autoridade Municipio Bobonaro no Presidente Autoridade entrega diretamente ba Diresaun Servisu Municipal Agricultura Bobonaro para bele halo jestaun, nune’e bele atende nesesidade agricultor sira ho lalais liu tan. Objetivo husi entrega tratór ne’e, atu promove mekanizasaun agricultura modernu no sustentavel, para bele hasa’e produtividade no produsaun hare no mós hadi’a moris diak agricultor sira no apoia seguransa ai – han.
Problema sira ne’ebé mak durante ne’e infrenta mak kustu ba traballador sira ne’ebé kuda hare karun, presiza tempu naruk no traballador barak (40 pessoas/hectares). Problema seluk mak peste karakol kinur ne’ebé sempre estraga hare oan iha viveiros no depois de halo transplantasaun hare oan ba natar. Ho limitasaun mákina agrícola (tratores), prejudika ba atendimentu pedido husi agricultor sira iha tempu hanesan, tanto ba preparasaun rai maran no natar.
Atividade sira ne’ebé temi iha leten, implementa husi Diresaun Servisu Municipal Agricultura servisu hamutuk ho agricultor sira no apoio husi Ministério Agricultura, Pecuária, Pesca no Florestas (MAPPF) liu husi Diresaun Nacional Agricultura, Hortikultura no Protesaun das Plantas (DNAHPP).
Atividade lansamentu ne’e realiza iha loron Tersa – Feira, 17 de fevereiru de 2026, iha natar Raeboudas, suco Lahomea, Posto Administrativo Maliana.
Métodu ne’ebé ita uza ba halo preparasaun rai mak tratór médio, tratór liman no mákina kuda hare (rice transplanter). Hakiak manu mareko para bele oho ka hamate peste karakol kinur iha natar laran. Esforso sira ne’ebé Diresaun Servisu Municipal Agricultura halo mak atu hasa’e produtividade no produsaun hare iha Municipio Bobonaro.
Depois de lansamentu, Sua excelência Ministro ho ekipa akompanha husi Presidente Autoridade Municipio Bobonaro, vizita no observa diretamente konstrusaun irigasaun Maliana 2, ne’ebé lokaliza iha Suco Tapo – Memo hodi hare progresso fiziku husi konstrusaun ne’e rasik. Ho vizita ne’e, termina ona excelência Ministro da Agricultura nia atividades iha Municipio Bobonaro (Remata).
#Media_SM_Agricultura
