Atividades Alimentar, Ortikultura no Florestas Fó Kontribuisaun ba Dezenvolvimentu Komunidade
Maliana, 23 de Janeiro 2026. Setor Alimentar, Ortikultura no Florestas kontinua halo atividade sira atu hasa’e produsaun agríkola no proteje rekursu naturál iha área Municipal. Atividade sira ne’e hala’o ho objetivu atu garante seguransa Alimentar no aumenta rendimentu ba familia sira iha komunidade.
Iha área alimentar, ekipa tékniku sira fó apoiu ba grupu agrikultór sira liu husi formasaun kona-ba téknika to’os modernu, uza adubu orgániku no kontrolu praga. Inisiativa ne’e ajuda hasa’e kualidade no kuantidade produsaun ai-han lokal.
Iha setor ortikultura, governu lokal promove plantasaun modo, ai-fuan no ai-manas iha hortas komunidade no eskola sira. Programa ne’e la’ós de’it fó benefísiu nutrisaun ba familia sira, maibé mos kontribui ba ekonómia lokal liu husi venda produtu iha merkadu.
Enkuantu iha área florestas, atividade sira inklui kampaña plantasaun ai-horis foun no sensibilizasaun kona-ba importánsia preservasaun ambienti. Aksaun ne’e implementa husi Direção Serviço Municipal De Agricultura Municipio Bobonaro mak hanesan:
- Atividade produsaun alimentar iha Postu Administrativu Maliana
Preparasaun rai (solo), distribuisaun fini, preparasaun viveiros, kultivasaun no kolleita (Batar no Hare)
- Atividades horticultura
Ai-horis hortikultura hanesan lis mean, baria, fore-sekote, tomate, ai-manas no pateka
Atividades ne’e implementa husi grupo agricultores sira iha postu Administrativu Balibo (Batugade) no Postu Administrativu Atabae (Megir), ne’ebe organiza husi Direção Serviço Municipal De Agricultura Bobonaro no fini hirak ne’e hetan apoio husi MAPPF.
- Atividades hakiak ikan bee-midar uza sistema biofloc ne’ebe apoio husi Direção Serviço Municipal De Agricultura Bobonaro no centro Viveiros ai-oan iha tunubibi.
importante atu prevene erosaun rai, proteje bee-matan no mantén ekuilíbriu ambientál.
Ho implementasaun atividade sira ne’e, espera katak komunidade bele hetan benefísiu sustentavel no dezenvolvimentu ne’ebé di’ak liután iha futuru.
Media SMAPPF
