Maliana, 15 Juñu 2026 – Sekretáriu Autoridade Munisipal Administrasaun no Finansas Bobonaro, Halo Abertura ba Atividade Asisténsia no Formasaun Integradu 2026
Haforsa Estrutura Munisipál Liu Husi Formasaun “PLANEAMENTU NO JESTAUN INSTRUMENTU DEZENVOLVIMENTU MUNISIPÁL”, ne’ebé hetan partisipasaun husi Ekipa Nasional ne’ebé maka fasilita formasaun, Sekretariu Administrasaun no Finansas, Diretur Servisu Munisipal, Xéfe Departamentu, Administrador Postu Administrativu sira, no Xéfe Seksaun Postu Administrativu sira.
Ne’ebé Fasilita husi;
SEDL
DGDL
DNADM
#Média SECAM Adm. no Finansas Bobonaro
Maliana, 25 Maio 2026, Sekretariu Administrasaun no Finansas Marka Audensia ho Ekipa BNCTL; ekipa hodi fo koñesimentu official ba Autoridade Munisípiu kona-ba planu ba atividade Sosializasaun Produtu Servisu BNCTL nian ne’ebé sei hala’o iha nível Postu Administrativu sira.
Nu’udar banku Estadu, BNCTL iha misaun atu serbi komunidade Timor-Leste, liu hosi fornese asesu ba servisu bankária, promove inkluzaun finanseira no kontribui ba kresimentu ekónomiku sustentável iha nível lokal to’o nasional. Iha kontestu ne’e, BNCTL nafatin esforsu hodi hakbesik a’an ho komunidade liu husi sosializasaun hanesan konta bankária, kréditu, depósitu, servisu dijitál (Internet/Mobile Backing, SMS Alert), no kartaun UnionPay International (UPI).
Programa sosializasaun ida ne’e foka ba funsionáriu postu administrative, autoridade lokál, Profesores, jovens, estudantes no komunidade ho objetivu atu hasa’e kompriensaun kona-ba benefísiu servisu bankária no fó oportunidade ba komunidade atu hetan informasaun direita husi BNCTL, inklui foka ba dijitálizasaun tuir prioridade programa IX Governu Konstituisional nian.
#Média SECAM Adminstrasaun no Finansas
𝐌𝐚𝐥𝐢𝐚𝐧𝐚, 𝟐𝟐 𝐌𝐚𝐢𝐮 𝟐𝟎𝟐𝟔 – Sekretariu Administrasaun no Finansas Ne’ebe Representa Presidente Autoridade Munisipiu Bobonaro Partisipa iha Assembleia Geral Membrus (AGM) ho Tema “HABURAS KOOPERATIVA LIU HUSI TRANSPARANSIA NO FIAR MALU” ne’ebé realiza husi Estrutura Cooperativa Credit Union LANAMONA ba dala XVIII Tinan Fiskal 2025, iha Salaun Parókia Maliana, Postu Administrativu Maliana, Munisípiu Bobonaro.
Intervensaun husi Sekretariu Administrasaun no Finansas Autoridade Munisipiu Bobonaro, Katak Nudar Autoridade hanesan uma na’in hetan konvite ne’e hau dehan fatin ne’eba luan tebes ema barak ka lae no membro sira mos mai hotu ka lae? Maibe tamba organiza diak ohin loron ita nakonu iha fatin ida ne’e; Membro Sira mai husi Sukursal Dili, Sukursal Gleno, no Bobonaro. Uluk ami enkontru ne’e iha sala ki’ik oan ida deit, Quando ami ko’alia kona ba LANAMONA nia Edifisiu atu hari’i iha ne’e ema barak maka mosu deskonfia katak Presidente LANAMONA “Mana Mika” halo uma andar ona, temi dehan edifisiu LANAMONA ema hotu la fiar, maibe nafatin realiza konstruksaun edifisiu to’o remata, halo tan fatin ida iha Cailaco no Dili, maibe nafatin mosu hanoin ne’ebe maka deskofia husi komunidade sira. Ita ema wainhira luta atu atinje ita nia objetivu ida sempre hasoru dezafiu oi-oin maibe labele lakon esperansa no nafatin tau konfiansa ba ita nia objetivu ne’ebe maka ita iha. Maka ohin loron ita nakonu iha fatin ida ne’e tan mosu ona konfiansa, i to’o ohin loron LANAMONA nia kapital sa’e ona ba Miliaun ida pontu hitu liu. Iha biban ida ne’e mos Nu’udar Autoridade husu ba Presidente LANAMONA ho estrutura karik atu realiza Re-Estrutura Dirijentes Foun ba Periodu tinan (2026-2029), husu atu la’o ho Demokrasia, ho Nune’e membro hotu-hotu pronto kolabora ho estrutura ida foun tamba membro sira maka hili rasik.
Lia Menon ikus nu’udar Autoridade husu ba membro sira nafatin halo promosaun ba Kooperativa LANAMONA atu nafatin ba oin labele para deit iha ne’e, husu ba Estrutura tomak atu nafatin servisu maka’as ho Transparansia no Fiar malu.
Iha intervensaun husi, SEKoop hato’o katak kooperativa iha papel importante tebes ba dezenvolvimentu ekonomia no sosial iha Timor-Leste. Nia dehan katak kooperativa hanesan instrumentu importante ida ne’ebé mensiona ona iha Konstituisaun Republika Demokratika Timor-Leste hodi promove solidaridade, fiar malu no moris di’ak ba komunidade.
SEKoop mos apresia kontribuisaun bo’ot ne’ebé CU-LANAMONA fó ona ba dezenvolvimentu sosio-ekonómiku iha rai laran, liu husi servisu maka’as no espiritu fiar malu entre membrus sira. Tuir nia hateten, mudansa iha moris komunidade bele akontese bainhira iha unidade, kompromisiu no servisu hamutuk.
Nia mos esplika katak naran “LANAMONA” (Lakon Nakukun Mosu Naroman) iha signifikadu profundo no inspirativu, katak husi nakukun ba naroman, no naroman ne’e tenke kontinua nafatin no la fila fali ba nakukun.
“Durante tinan barak ita moris iha nakukun laran, maibé liu husi servisu hamutuk no fiar malu ita bele hetan naroman, no naroman ne’e tenke kontinua nafatin,” dehan SEKoop.
Serimónia abertura ne’e hetan partisipasaun husi Sekretariu Estadu Kooperativa, reprezentante Banku Sentral Timor Leste, Sekretariu Administrasaun no Finansas ne’ebé reprezenta PAM Bobonaro, Reverendu Padres, reprezentante Federasaun FENAKULENDA, Parseiro Finanseiro husi Banku BNCTL, Prezidente CU-LANAMONA ho estrutura tomak, no membrus Kooperativa husi Sukursal Cailako, Sukursal Díli, Pusat Maliana no Sukursal Gleno.
Iha Asembleia Jerál ida ne’e realiza mós Re-Estrutura Dirijentes foun ba tinan 2026-2029, no simu kedas Pose husi Sua Exelensia Sekretariu Estado das Cooperativa Sr. Eng. Arsenio Pereira da Silva.
#Média SECAM Administrasaun no Finansas
Maliana, 15 Maiu 2026, Sekretáriu Administrasaun no Finansas Munisípiu Bobonaro marka audiénsia ho Ekipa Saúde Nasionál no Ekipa Saúde Munisipál atu ko’alia kona-ba moras hada’et sira iha munisípiu tolu ne’ebé hala’o parte iha área fronteira entre Munisípiu Bobonaro, Munisípiu Covalima no Autoridade Rejionál Oe-Cusse.
Moras hada’et sira ne’ebé diskute mak hanesan HIV/SIDA, TB no Malária, ne’ebé konsidera hanesan pontu prinsipal ba kontaminasaun moras iha área fronteira, tanba komunidade sira frequente tama no sai ba Indonézia no komunidade husi Indonézia mos frequente tama mai.
Ekipa saúde no autoridade munisipál sira mos prepara planu no orsamentu ba atividade sira relasiona ho programa refere, tamba apoiu husi Fundo Global sei remata ona.
#Media SECAM Administrasaun no Finansas
Maliana, 13 de Maio 2026, Sua Exelentismo Secretario Administrasaun no Financas representa Presidente Autoridade Municipio Bobonaro Partisipa Iha Misa COMEMORAÇÃO DO Centenario Da Congregação Das Irmãs Reparadoras De Nossa Senhora De Fatima 1926-2026 -100 Anos De Doação Ao Serviço Da Igreja E Do Mundo, ne’ebé ható ba bibi atan Jacinta Marto iha rai Fátima, ne’ebé dehan: “É preciso que haja quem faça reparação” katak: presiza iha ema ne’ebé atu halo reparasaun/hadia/melakukan perbaikan. Congregação ida ne’e hari’i iha dia 6 de Janeiro de 1926, iha Rai Fátima, Portugal, husi Venerável Padre Manuel Nunes Formigão.
Iha 6 de Janeiro de 2026 liu ba, celebra tihan ona tinan atus ida mak Congregação ida ne’e moris. Iha tinan atus ida ne’e nia laran, Congregação ida ne’e presente no halo nia missão iha mundu liu-liu iha kontinente Europa, África no Ásia, liu husi nia karisma Reparação.
Ohin, iha loron 13 de Maio, Festa Nossa Senhora de Fátima, nudar Inan mahein ba Congregação Irmãs Reparadoras nian, Comunidade Irmãs Reparadoras de Memo, Timor-Leste, hakarak mos celebra Jubileu Centenário ida ne’e hodi hahi no hase’e agradecimento ba Maromak, hamutuk ho Creda liu husi presença Dom Norberto do Amaral, Bispo da Diocese de Maliana. Amolulik sira, Madres, Autoridades, konvidadus sira no povo saran Memo nian. Ho ksolok, mai ita hamutuk hahi ba Maromak hodi hananu: “VAMOS CONFIANTES AO TRONO DA GRAÇA.
#Remata
#Media SECAM ADMINISTRASAUN NO FINANCAS
#Media_Portal
Dili, 28 Abril 2026 – SECAM Administrasaun no Finansas Bobonaro Ne’ebé Representa PAM Bobonaro, Partisipa iha Seminario Nasional ho Tema “Ho Siénsia Ita Dezemvolve Suku”, iha Salaun José Casimiro UNPAZ, Dili-Timor Leste. Universidade da Paz (UNPAZ), Liu husi Komisaun Organizadora Programa Pratika Aprendizajen Kampu (PAK) Tinan Akademiku 2025.
Prezidente Konsellu Administrasaun Fundasaun Neon Metin, Ir. José Menezes M. Foodtech, hatudu Nia apresiasaun ba inisiativa ne’e, ne’ebé konsidera hanesan Istóriku. Nia hateten katak, seminario ida ne’e lori rezultado importante tamba prodús livru ne’ebé dadus iha laran mai husi kuaze Munisípiu hotu iha Timor-Leste.
Prezidente Fundasaun ne’e reafirma, livru ne’e bele sai hanesan referénsia estratéjiku ba Governu atu kompriende no responde problema konkretu sira ne’ebé povu hasoru iha teritoriu sira.
Iha Biban hanesan, Magnífiku Reitor UNPAZ, Dr. Adolmando Soares Amaral, Lic.Eco.MM, esplika katak, depois promulgasaun Lei Baze Ensinu Superior husi Prezindente da Repúblika, Dr. José Ramos-Horta, Universidade halo prosesu harmonizasaun kurikulár, hamenus númeru matéria husi 78 ba 55 iha nivel lisensiatura.
Reitor hateten katak, seleksaun matéria sira bazeia ba relevánsia atu responde direitamente ba realidade Timor-Leste. Husi prosesu ne’e mak UNPAZ kria programa PAK, ne’ebé haruka estudante sira fila ba sira nia knua hodi rekolla dadus Konkretu, depois kompila no analiza hodi sai relatoriu nasional.
“Relatoriu sira ne’e sei entrega ba Autoridade Munisípiu sira, atu bele konsidera iha Planeamentu Orsamentu Jeral Estadu 2027, hodi responde problema real husi suku to’o munisípiu”, hateten Reitor.
Aleinde ne’e, Ministru Komérsiu no Indústria, Nino Pereira, iha Nia diskursu hato’o orgullu ba UNPAZ, tamba implementa mudansa konkretu liu husi lema “Sapientia et Humanismus”, ne’ebé signifika Siénsia ba Umanidade.
Ministro ne’e subliña katak, tempu ohin loron la persija deit diskursu retórika, maibe persija rezultado konkretu ne’ebé povu bele haree, sente no utiliza.
“Estudante sira la’ós deit rekolla dadus, maibé sira sai hanesan ajente mudansa, tamba sira kompriende direitamente moris povu nian no fo proposta solusaun ne’ebé útil ba governu”, dehan Ministru ne’e.
Seminário ne’e partisipa husi Lideransa Autoridade Munisípiu sira, Estrutura UNPAZ, Fakuldade ualu, Komisaun Organizadora PAK 2025, Estudante sira husi Universidade sira iha Dili laran, Dosentes no Estudante sira.
Cailaco – 31 Marsu 2026, Secretario Autoridade Municipal de Administração e Finanças Bobonaro Observa Fatin Preparasaun ba Vizita Sua Exelençia Presidente da Republika (08 Abril 2026) iha Municipio Bobonaro, Postu Administrativo Cailaco, Suco Meligo, Vizita ba fatin (FOSIL IKAN RUIN). Administrador Postu Administrativu Cailaco, Comando PNTL Esquadra Postu Cailaco, Xéfe do Suco Meligo, Funcionario Postu Cailaco ho Komunidade sira Limpeza hela iha Fatin ba preparasaun Vizita Sua Exelecia Presidente Republika Nian.
© 2026 Bobonaro Municipal Authority
