𝐁𝐨𝐛𝐨𝐧𝐚𝐫𝐨, 𝟐𝟒 𝐝𝐞 𝐉𝐮𝐥𝐡𝐨 𝐝𝐞 𝟐𝟎𝟐𝟔 – 𝐒𝐞𝐬𝐭𝐚-𝐟𝐞𝐢𝐫𝐚 semana ne’e, S.E. Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hala’o Vizita kortezia mai Autoridade Municipio Bobonaro, ne’ebe mak simu husi Excelencia Presidente Autoridade Municipio Bobonaro ho Funsionario sira, iha vizita ne’e hodi halo sosializasaun kona-ba servisu Toponímia nian ba kargu Diretór Servisu Munisipál sira iha Salaun Maria Tapo, Munisípiu Bobonaro.

Iha intervensaun Excelencia PAM Bobonaro haktuir katak, apresia ba Excelencia SEATOU nia servisu tomak nebe mak halao, ohin bele hakat mai iha Municipio Bobonaro, hodi hare direita sidade Maliana, atu nune’e ba oin ita sei bele servisu hamutuk hodi halao regulamento sira nebe mak iha ona, tamba sosializasaun halao hotu ona fulan kotuk liu ba, iha Posto tolu mak hanesan posto Atabae, Posto Balibo no Posto Maliana.” Hateten PAM Bobonaro.”

Iha Nia intervensaun, S.E. SEATOU Germano S. Brites Dias. apela ba Diretór Servisu Munisipál sira iha Autoridade Munisípiu Bobonaro atu dedika-an ho responsabilidade tuir kna’ar ne’ebé asumi hodi servi povu iha Munisípiu Bobonaro.

S.E. mós husu ba Diretór sira atu halo kontrolu másimu ba servisu jestaun merkadu, parajen transporte sira iha estrada públiku, no servisu sira seluk ne’ebé delegasaun kompeténsia husi Nasionál mai ona iha Munisípiu sira. No vizita ida ne’e sei hare mos estasionamento iha Posto Balibo area Motain nian, no mos komunidade sira nebe mak hari uma besik iha area tasi ibun nian, ne’e duni apela komunidade sira atu bele iha konsensia be hodi lao tuir regulamento sira nebe mak iha ona,” Hateten SEATOU.”

Enkontru remata, SEATOU ho direjente sira akompaña hosi PAM Bobonaro no estrutura sira hamutuk ho Diretor-Jeral Transportes Terrestres, hala’o kedan vizita ba terrenu hodi diskute no rekolla informasaun kona-ba planu konstrui estasionamentu iha Batugade Mota’ain.

Iha tempu hanesan, hala’o mós vizita ba fatin turismo iha Erquina Atabae, hodi koalia ho komunidade sira atu la bele konstrui uma permanente iha tasi-ibun (rai-henek leten), maibé bele de’it harii baraka temporária hodi hala’o negósiu.

Iha aktividade ne’e partisipa husi Secretario Asuntu Toponomia Organizasaun e Urbana, Excelencia PAM Bobonaro, Komandante PNTL Municipio Bobonaro, Komandante FFDTL, Directores servisu Municipais no Delegasaun Teritorial, Funsionario sira hotu.

#𝙍𝙚𝙢𝙖𝙩𝙖

#𝙈𝙚𝙙𝙞𝙖 𝙋𝘼𝙈 𝘽𝙤𝙗𝙤𝙣𝙖𝙧𝙤