𝐁𝐨𝐛𝐨𝐧𝐚𝐫𝐨, 𝐊𝐮𝐚𝐫𝐭𝐚-𝐅𝐞𝐢𝐫𝐚, 𝟏𝟑 𝐝𝐞 𝐌𝐚𝐢𝐨 𝟐𝟎𝟐𝟔,Sua Excelencia Presidente Autoridade Municipio Bobonaro, Sr. Paulo Moniz Maia,Lic.Dir. Lansa Fatuk dahuluk ba projetu PNDS, konaba Estrada Betaun iha suku Opa, Posto Administrativo Lolotoe, Municipio Bobonaro. Projetu refere sei hahu halo estrada cor betaun iha suku Opa.

Iha intervensaun husi director PNDS haktuir katak, komunidade sira iha suku opa fo sira nia kontribuisaun maximu tebes ba lansamento projetu ida ne’e tamba projetu ida ne’e sei fo benefisiu ba suku opa posto Lolotoe .” Hateten Director PNDS Municipio Bobonaro.”

Iha lansamento ne’e, Sua Excelencia Presidente Autoridade Municipio Bobonaro haktuir katak, projetu ne’e iha oin hira kedas, mak hanesan Grande Projetu, Projetu PDIM, no Projetu balun husi parseiru ajensia internasional sira. No husu ba Fornesedor sira atu bele aselera servisu nebe mak iha atu nune’e, konstrusaun ida ne’e, remata tuir nia tempo nebe mak determina ona, tamba projetu PDIM iha tinan 2026 posto lolotoe hetan projetu hamutuk 5, no mos ita hein faze tuir mai konaba Estrada husi posto Bobonaro Mai Posto Lolotoe ita hein atu halo lansamentu iha tinan ida ne’e nia laran, no ba projetu nebe mak ohin ita lansamento ona, husu APA Lolotoe hamutuk ho sefi sira atu tau matan ba konstrusaun ne’e.” Hateten PAM Bobonaro.”

Partisipa iha lansamento ne’e mak hanesan, Sua Excelencia PAM Bobonaro, Director PNDS, Director Edukasaun, Directo Agencia Planeamento, Director Obras Publicas, Director Agencia Fiskalizasaun, Director Protesaun Civil e Dezastre Natuais, tekniku husi PNDS, sefi suku no komunidade sira.

#Remata

#Media PAM Bobonaro

#Media_Portal_Municipio