𝐌𝐚𝐥𝐢𝐚𝐧𝐚, 𝐊𝐢𝐧𝐭𝐚-𝐅𝐞𝐢𝐫𝐚, 𝟏𝟒 𝐝𝐞 𝐌𝐚𝐢𝐨 𝟐𝟎𝟐𝟔, Sua Excelencia Presidente Autoridade Municipio Bobonaro, 𝐒𝐫 𝐏𝐚𝐮𝐥𝐨 𝐌𝐨𝐧𝐢𝐳 𝐌𝐚𝐢𝐚,𝐋𝐢𝐜.𝐃𝐢𝐫. Lansa Fatuk dahuluk ba projetu PNDS, konaba sala refetorio no konstrusaun irigasaun iha, Posto Administrativo Maliana, Municipio Bobonaro. Projetu refere sei hahu halo iha suku rua mak hanesan, suku holsa no suku Odomau.

Iha intervensaun husi director PNDS haktuir katak, komunidade sira iha suku Odomau, sira nia inisiativa rasik hakarak halo konstrusaun irigasaun ida ne’e, tamba bele fornese be’e ba sira nia natar, no fiar katak projetu ida ne’e sei lao ho diak tamba iha kolaborasaun entre komunidade sira ho fornesedor. Tamba fiar katak konstrusaun irigasaun ida ne’e sei fo benefisiu nebe mak diak ba komunidade nebe mak asesu ba bee, hodi fornese ba natar sira nebe mak iha.” Hateten Director PNDS.”

Tuir Presidente Autoridade Municipio Bobonaro haktuir katak, projeto rua nebe mak ohin ita lansa fatuk dahuluk ne’e, importante los, tamba ida sala refetorio ba ita nia oan estudante sira bele han iha fatin nebe mak mos no dignu, no ida kontrusaun irigasaun, hodi fornese bee ba natar sira iha suku Odomau, tamba ita hotu hatene katak, irigasaun Maliana 2 sei iha faze konstrusaun hela, no irigasaun Maliana 1 sei iha prosesu rehabilitasaun, tamba cauza husi dezastre Naturais ou rai halai hodi estraga irigasaun maliana 1. Ne’e duni husu ba komunidade sira atu bele kolabora ho diak ba kompania nebe mak atu halo konstrusaun irigasaun ne’e. No husu ba kompania sira tenke finaliza projetu ne’e tuir tempo nebe mak determina ona.

.” Hateten PAM Bobonaro.”

Partisipa iha lansamento Mak, Sua Excelencia PAM Bobonaro, Director PNDS, Directo Agencia Planeamento, Director Obras Publicas, Director Agencia Fiskalizasaun, Asesor no tekniku husi PNDS, sefi suku no komunidade sira.

#Remata

#Media PAM Bobonaro.

#Media Portal Municipal Bobonaro