𝐁𝐨𝐛𝐨𝐧𝐚𝐫𝐨, 𝟏𝟖 𝐝𝐞 𝐉𝐮𝐧𝐡𝐨 𝟐𝟎𝟐𝟔, Austrália iha parseria ho Governu Timor-Leste ofisialmente lansa ona – Timor-Leste Australia Parseria ba Reziliensia Klimátika, (TLAusbaReziliensia), implementa husi World Vision no CARE iha Timor-Leste, iha parseria ho governu nasional no munisipiu no organizasaun naun-governu lokal (ONG) no organizasaun sosiedade sivil (CSO).

TLAusbaReziliensia maka programa prinsipál ba mudansa klimátika Austrália nian iha Timor-Leste. Programa ne’e hakarak atu hametin seguransa bee nian, sai hanesan fundasaun ba reziliensia inkluziva ba klima no dezastre, partikularmente iha komunidade rurál vulneravel sira ne’ebé afetadu beibeik hosi variabilidade klimátika no dezafiu ambientál oi-oin.

Excelencia PAM salienta katak, iha Timor-Leste, nu’udar nasaun ida ne’ebe riku ho diversidade natural no kultural, no ita hotu rekonhese katak, be’e mak fonte ba moris nian ne’ebe importante tebes ba ema hotu, sustentabilidade ekosistema sira nian.

Agradese ba Governu Australia tamba bele lori programa TLAusbaReziliensia mai iha Timor-Leste espesialmente iha Munisipiu Bobonaro. TLAusbaReziliensia hanesan Aústralia nia programa prinsipál kona-ba mudansa klimátika iha Timor-Leste, ne’ebé foka ba hametin seguransa be’e nian nu’udar fundasaun ba reziliensia klimátika no dezastre ne’ebé inkluzivu liu iha tarjetu komunidade rurais.

Programa ne’e kontribui ba objetivu longu prazu mak “Timor-Leste ne’ebé soberanu, estável no reziliente – Hadi’a seguransa bee ba reziliensia klimátika no dezastre iha Timor-Leste” liuhusi hamenus vulnerabilidade ba risku klimátiku no dezastre no haforsa komunidade nia prontu no kapasidade adaptativu.

Maibe maski iha rekursu be’e ne’ebe barak, mosu dezafiu signifikativu, relasiona ho seguransa be’e nian iha mudansa klimatika ne’ebe lalais. Kondisaun sira ne’e, laos deit fo ameasa ba saude no moris diak komunidade nian. Maibe mos difikulta kresimentu ekonomiku no dezemvolvimentu nasional em jeral. Iha kontestu ida ne’e, programma hadia seguransa be’e ne’ebe ohin ita lansa maka krusial no urjente. Programa ida ne’e hanesan parte ida, husi esforsu kolaborativu hodi hametin seguransa be’e no hadia preparasaun ba dezastre, atu nune’e povo Municipio Bobonaro bele iha reziliensia liutan hodi hasoru dezafiu klimatiku no risku dezastre sira iha future.” Hateten PAM Bobonaro.”

TLAusbaReziliensia sei serbisu iha parseria besik ho Governu Timor-Leste liu husi servisu Munisipal Be’e Saneamentu no Ambiente (SMASA) inklui programa PARTISIPA hodi hametin ligasaun entre ONG sira, organizasaun sosiedade sivil hanesan no governu Munisípiu sira, hodi tulun inklui aprosimasaun sira kona-ba seguransa Be’e no reziliensia iha nivel sub-nasional.

Partisipa iha workshop ne’e mak hanesan, Excelencia PAM Bobonaro, Secretario Asuntu Planeamento, representante Director DFAT, Director Nasional DNRAS, Director Nasional DNAC, representante Director World Vision, Director relevante servisu Municipal, APA Bobonaro, APA Cailaco, Autoridade Lokal sira.

#𝑹𝒆𝒎𝒂𝒕𝒂

#𝑴𝒆𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐.