𝑩𝒐𝒃𝒐𝒏𝒂𝒓𝒐, 𝑸𝒖𝒂𝒓𝒕𝒂-𝑭𝒆𝒊𝒓𝒂, 15 𝒅𝒆 𝑨𝒃𝒓𝒊𝒍 2026, Sua Excelencia Presidente Autoridade Municipio Bobonaro Sr, Paulo Moniz Maia,Lic.Dir. Partisipa iha atividade divulgasaun konaba Decreto-Lei Nú. 9/2022, loron 24 Fevereiru, kona-ba Rejime Juridiku da Edificação no Urbanização no prosedimentu emisaun konstrusaun iha salaun Maria Tapo Munisipiu Bobonaro.

Atividade ne’e organiza husi Ministériu Obras Públikas liu husi Diresaun Geral Habitasaun no Urbanizasaun ( DGHU ), ne’ebé apresenta husi Eng. Domingos de Jesus Sequeira, ho objetivu atu fó kompriensaun klean ba Autoridade Munisipal Autoridade Lokal, sira kona-ba regulamentu legal iha área konstrusaun no planeamentu urbano.

Iha intervensaun sua Excelencia Presidente Autoridade Municipio Bobonaro haktuir katak, Objetivo husi atividade Sosializasaun ne’e mak atu bele hasa’e kompriensaun kona-ba Decreto-Lei Nú. 9/2022 iha nivel munisipal, no fó orientasaun klaru kona-ba prosedimentu lisensiamentu (alvará) konstrusaun. Alénde ne’e mos bele hametin diak liu tan koordenasaun entre governu sentral no lokal iha jestaun urbanizasaun.”hateten presidente Autoridade Municipio Bobonaro.”

Iha sosializasaun ne’e, Prezidente Autoridade Munisipiu Bobonaro ofisiálmente loke atividade sosializasaun ida ne’e.

Iha sosializasaun ne’e partisipa husi, Presidente Autoridade Municipio Bobonaro, Secretario Administrasaun e Financas, Secretario Planeamento no Secretario Assuntos Soaciais, DG-DGL, DG-SEATOU, DG-Obras Publika, vice Presidente Konselho Veteranus Municipio Bobonaro, Linhas Directores Municipais no delegasaun Teritorial, Administrador Posto Administrativo nain 6 parte Religios, Autoridade local.

#Remata

#Media PAM Bobonaro.