𝐁𝐨𝐛𝐨𝐧𝐚𝐫𝐨 𝟐𝟗 𝐝𝐞 𝐉𝐮𝐧𝐡𝐨 𝟐𝟎𝟐𝟔, Excelencia PAM Bobonaro, Sr. Paulo Moniz Maia, Lic.Dir. oficialmente Loke enkontru konaba Conselho Cordenasaun Municipal ( CCM ), Iha salaun enkontru Maria Tapo Municipio Bobonaro.

Tuir secretariu asuntu Planeamento haktuir katak, Dias komemorativa ba 28 Novembro sei iha atividade feira nasional durante semana 2 iha Dili. Bazeia ba orientasaun husi ministro mai ona Munisipio hodi halo preparasaun ba atividade sira ne’ebé sei aprezenta iha feira nasional (produtu lokál sira hanesan agrikultura ninian, industria lokál & artezenatus sira no produtu inovativu husi komunidade lokál). Husu ba Dirasaun relevante sira bele identifika hodi halo preparasaun. Iha mos aprezentasaun kultural – tebedai, dansa tradisionál sira no aprezenta mos kultura ne’ebé konesidu iha Munisipiu Bobonaro.

Selebrasaun Loron Mundiál Ai Parapa – Tinan ida ne’e konsentra iha Munispiu Bobonaro no sei realiza kuda ai parapa iha Bee Malae – APA Balibo no Atabae sei halo preparasaun – dia 1 de Julho sei visita fatin hodi identifika fatin parajen, fatin konsentra – enkontru ikus iha dia 9 Julho iha Munisipiu ho sira nasional hodi halo preparasaun ba dia mundiál.” Hateten Secam Planeamento.”

Tuir PAM Bobonaro haktuir katak, Implementasaun Projetu PDIM 2026. Aprovisionamento finaliza hotu ona no projetu sira iha ona kumpaña manan nain, no ita sei realiza serimonia lansamentu primeiru pedra ba projeto PDIM.

Depois Diretor PDIM sei relata orsamentu poupansa hodi atende projetu ida ga 2 rua. Socializasaun sirkular Hijine no Ordem Publiku no PMOT – Atabae ho Balibo realiza tiha ona. Maliana sei hadia fali no husu atu ita hotu bele partisipa maximu, inklui komunidade sira. Akresenta kona-ba importansia atu marka prezensa iha enkontru konselu koordenasaun ne’e importante tebes. Hodi koalia konaba plano sira nebe mak imi deskute iha aldeia, mai iha suku no mai iha posto hodi halo selesaun ba prioridade ho lori mai municipio, hafoin lori ba deskute iha comite Revizaun Orsamento ( CRO ). Husu ba director Obras Publika no tekniku husi PDIM nian atu bele halo kontrolu maximu ba projeto sira ne’ebe mak atu implementa.” Hateten PAM Bobonaro.”

Iha enkontru ne’e Director PDIM apresenta mos konaba Projeto Prioridade sira ne’be mak tau iha planu ba tinan oin mai atu implementa, no directora finansas apresenta mos konaba ezekusaun orsamento Q1 no Q2. Atu nune’e kada diresaun ida-idak bele hatene tuir ninia ezekusaun orsamento tinan 2026 nian.

Depois Director PDIM Apresenta ba Orsamento Poupansa ba Projeto 4 mak hanesan:

1. Konstrusaun Edificio Obras Publicas,
2. Rehabilitasaun Edificio Seguransa Alimentar,
3. Perpurasaun Be’e mos Samutaben Suku Manapa, Posto Administrativo Cailaco no
4. Konstrusaun Extasionamento Batugade.

Depois Hetan Aprovasaun ba Orsamento Poupansa husi Conselho Cordenasaun Municipal (CCM) Vota Projetu 4 ne’e mak Apavor 33, Kontra 1 no Abstein 0.

Partisipa iha enkontru ne’e mak hanesan Presidente Conselho Cordenasaun Municipal, Secam nain 3, Directores servisu Municipal no Delegasaun teritorial, APA nain 6 Autoridade Lokal, Asesor no ekipa tekniku sira.

#𝐑𝐞𝐦𝐚𝐭𝐚

#𝐌𝐞𝐝𝐢𝐚 𝐏𝐀𝐌 𝐁𝐨𝐛𝐨𝐧𝐚𝐫𝐨