𝑨𝒕𝒊𝒗𝒊𝒅𝒂𝒅𝒆 𝑺𝒐𝒔𝒊𝒂𝒍𝒊𝒛𝒂 𝑴𝒂𝒕𝒂 𝑫𝒂𝒍𝒂𝒏 𝑷𝑵𝑫𝑺 2027 𝒏𝒐 𝑹𝒆-𝑬𝒔𝒕𝒓𝒖𝒕𝒖𝒓𝒂 𝑬𝒔𝒕𝒓𝒖𝒕𝒖𝒓𝒂 𝑺𝒖𝒌𝒖-𝑷𝑵𝑫𝑺

𝑨𝒕𝒊𝒗𝒊𝒅𝒂𝒅𝒆 𝑺𝒐𝒔𝒊𝒂𝒍𝒊𝒛𝒂 𝑴𝒂𝒕𝒂 𝑫𝒂𝒍𝒂𝒏 𝑷𝑵𝑫𝑺 2027 𝒏𝒐 𝑹𝒆-𝑬𝒔𝒕𝒓𝒖𝒕𝒖𝒓𝒂 𝑬𝒔𝒕𝒓𝒖𝒕𝒖𝒓𝒂 𝑺𝒖𝒌𝒖-𝑷𝑵𝑫𝑺

Bobonaro; 23/02/2026 Programa Programa Nasional Dezenvolvimentu Suku (PNDS) hala’o atividade Sosializa Mata Dalan PNDS ba tinan 2027 hamutuk ho komunidade iha nivel suku no aldeia. Atividade ne’e inklui mos re-estrutura Estrutura Suku-PNDS ne’ebé durante ne’e la ativo, atu bele funsiona fila fali ho di’ak no efetivu.

Iha atividade ida ne’e, fasilitador no ekipa PNDS fó klarifikasaun kona-ba prosesu planeamentu, mekanizmu determinasaun prioridade, no responsabilidade husi estrutura suku no komunidade. Re-estrutura ne’e importante atu asegura katak iha koordenasaun di’ak entre lideransa suku, ekipa PNDS no komunidade.

Durante enkontru ne’e mos realiza determinasaun prioridade Feto, ne’ebé fó espasu ba grupu feto sira atu hato’o sira nia proposta no nesesidade sira rasik. Depois ne’e, komunidade halo diskusaun hodi determina prioridade final iha nivel aldeia, no kontinua ho elisaun prioridade suku ba planu implementasaun tinan 2027.

Prosesu ne’e reforsa prinsipiu partisipasaun, transparénsia no inkluzaun sosial, atu projetu sira ne’ebé sei implementa iha 2027 responde ho loos ba nesesidade real komunidade no promove dezenvolvimentu sustentável iha nivel suku.

Aktividade iha Posto Bobonaro Suco Ilatlaun Ekipa PNDS Municipio hamutuk ho Fasilitador posto Administrativo, partisipa mos husi Lideransa Suco, Chefe Aldeia, no Partisipa maksimu husi komunidade iha suco Refere.

#_Media PNDS