π‘¨π’•π’Šπ’—π’Šπ’…π’‚π’…π’† π‘Ίπ’π’”π’Šπ’‚π’π’Šπ’›π’‚π’”π’‚π’–π’ 𝑴𝒂𝒕𝒂 𝑫𝒂𝒍𝒂𝒏 𝑷𝑡𝑫𝑺 2026 π‘΅π’Šπ’—π’†π’ π‘΄π’–π’π’Šπ’„π’ŠΜπ’‘π’Šπ’–

  • Home
  • Municipality Service
  • MUNICIPAL SECRETARIAT FOR SUPPORT OF THE NATIONAL JUICE DEVELOPMENT PROGRAM
  • π‘¨π’•π’Šπ’—π’Šπ’…π’‚π’…π’† π‘Ίπ’π’”π’Šπ’‚π’π’Šπ’›π’‚π’”π’‚π’–π’ 𝑴𝒂𝒕𝒂 𝑫𝒂𝒍𝒂𝒏 𝑷𝑡𝑫𝑺 2026 π‘΅π’Šπ’—π’†π’ π‘΄π’–π’π’Šπ’„π’ŠΜπ’‘π’Šπ’–

π‘¨π’•π’Šπ’—π’Šπ’…π’‚π’…π’† π‘Ίπ’π’”π’Šπ’‚π’π’Šπ’›π’‚π’”π’‚π’–π’ 𝑴𝒂𝒕𝒂 𝑫𝒂𝒍𝒂𝒏 𝑷𝑡𝑫𝑺 2026 π‘΅π’Šπ’—π’†π’ π‘΄π’–π’π’Šπ’„π’ŠΜπ’‘π’Šπ’–

  • Posted At : Feb 24, 2026 16:34 pm 2 weeks ago

Dirasaun Programa Nasional Dezenvolvimentu Suku (PNDS) realiza atividade Sosializasaun Mata Dalan PNDS 2026 iha nivel MunicΓ­piu ho objetivu atu fΓ³ kompriensaun kle’an ba lideransa lokal no estrutura sira kona-ba prosesu no prioridade programa ba tinan 2026.

Atividade ne’e realiza iha sala reuniaun MunicΓ­piu, ho partisipasaun husi Presidente Autoridade MunicΓ­piu Bobonaro, ekipa tekniku PNDS, Xefe do Postu Administrativu 6, Xefe Suku 50 no reprezentante estrutura suku sira. Sosializasaun ne’e importante tebes atu asegura katak planeamentu no implementasaun programa PNDS 2026 bele lao tuir mata dalan ne’ebΓ© klaru no transparante.

Iha oportunidade ne’e, ekipa PNDS esplika kona-ba etapas implementasaun programa, husi prosesu identifikasaun prioridade iha nivel suku, validasaun proposta, to’o mekanizmu monitorizasaun no relatoriu. Aleinde ne’e, partisipa sira mΓ³s hetan oportunidade atu fΓ³ pergunta no diskute kona-ba desafiu sira ne’ebΓ© bele mosu durante implementasaun.

Ho realizasaun Sosializasaun Mata Dalan PNDS 2026 ne’e, Governu espera katak lideransa no komunidade iha nivel suku bele prepara an di’ak hodi determina prioridade dezenvolvimentu ne’ebΓ© responde ba nesesidade real komunidade nian, atu nune’e programa PNDS bele lori benefΓ­siu maksimu ba povu espesial ba iha MunicΓ­piu Bobomaro nebe prepara a’an atu simu poder lokal.

Papel importante husi PNDS iha atividade Sosializasaun Mata Dalan PNDS 2026 Nivel MunicΓ­piu mak hanesan tuir mai:

1. FΓ³ orientasaun no mata dalan klaru
PNDS iha papel atu esplika regra, prosedimentu no etapas implementasaun programa ba tinan 2026, atu hotu-hotu kompriende hanesan saida mak tenke halo husi nivel suku to’o nivel munisΓ­piu.

2. Garante transparΓ©nsia no akuntabilidade
Husi sosializasaun ne’e, PNDS asegura katak prosesu planeamentu no jestaun orsamentu lao ho klaru, loke no tuir regulamentu governu nian.

3. Fasilita planeamentu participativu
PNDS enkoraΕΎa lideransa suku no komunidade atu partisipa ativamente iha identifikasaun prioridade dezenvolvimentu tuir nesesidade real komunidade nian.

4. Hametin koordenasaun entre nivel sira
Atividade ne’e ajuda hametin relasaun servisu entre nivel nasional, munisΓ­piu, postu administrativu no suku, atu implementasaun programa bele lao ho di’ak.

5. Prepara implementasaun ba tinan 2026
Ho kompriensaun ne’ebΓ© klaru, estrutura sira bele prepara proposta no planu atividade ho di’ak, hodi nune’e evita sala prosedimentu iha futuru.

Iha resumen, papel PNDS iha atividade ne’e mak atu asegura katak programa dezenvolvimentu iha suku sira bele lao ho planeamentu di’ak, transparante no fΓ³ benefΓ­siu ba komunidade.

#Media_PNDS

Β© 2026 Bobonaro Municipal Authority