AKTIVIDADE PREVENSAUN NO HALO TRAVASAUN BA BEE MATAN
Bobonaro dia 03 fulan Junho 2026, Servisu Municipal Água, Saneamento e Ambiente (SMASA) halo aktividade prevensaun no travasaun ba bee matan iha Postu Administrativu ha’at (4) Postu Lolotoe bee matan selegol, Aldeia Mapelai, Postu Bobonaro bee matan Maulo’at Aldeia Malilait, Postu Cailaco bee matan Poesoru 1,2 Aldeia Tuturema no Postu Balibo bee matan Ai- Hun Aldeia Lalis. Aktividade ne’e partisipa husi Chefe Dep. Ambiente SMASA, Ekipa DNRAS, Tekniku bee rural SMASA, FPA, Apoiu FPA, no komunidade ne’ebe maka sai hanesan benefisiariu hodi kolabora no servisu hamutuk ho ekipa tomak.
Husi aktividade Travasaun ba bee matan, hanesan asaun hodi proteje bee-matan trava bee ne’ebe maka suli estraga, bele fornese fila fali ba iha bee matan atu la bele maran iha tempu bai loron naruk. Aktividade ne’ebe hala’o ho nia metodu maka, travasaun, ke’e debu no halo teras, halo prevensaun ba bee matan ho metodu barak no nia funsaun ne’ebe maka diferente, maibe objetivu atu asegura no hasae debitu bee mos tuir komunidade nia nesesidade. Komunidade sira sente kontenti ho sistema bee mos ne’ebe maka sira hetan, tamba durante tinan barak inan feton sira kuru bee ho distansia ne’ebe do’ok, tamba ne’e ho programa SMASA bele hari ona estrutura no sira nia sistema foun ate agora komunidade bele assesu ba bee mos ho diak.
$Media SEMASA
