Atividade Levantamentu Dadus ba Halo Jardin Hahú iha Área Cabang Memo – Maliana
Maliana, 5 Fevereiru 2026 – Tecnico SMPID/Tecnico PDIM hamutuk ho Dir. Agencia Planeamento no Chefe Dep. Planeamento acompanha Tecnico SMPID/PDIM halo Levantamentu Dadus ba halo Konstrusaun Jardim neebe Lokaliza Tunubibi Mai too Cabang Memo, Maliana.
Autoridade lokal hala’o levantamento dadus hodi prepara planu ba halo jardin iha área públiku iha suku ida. Atividade ne’e realiza atu hatene kondisaun rai, disponibilidade bee no nesesidade komunidade nian molok implementa projetu jardin.
Levantamentu dadus ne’e envolve ekipa tékniku husi servisu municipal ne’ebé halo observasaun direta iha terrenu, medisaun luan rai, no koleta informasaun husi lideransa suku no komunidade sira. Objetivu husi atividade ne’e atu asegura katak área ne’ebé sei uza ba jardin loos no seguru, no mos bele fó benefísiu ba ema hotu.
Xefe suku hatete katak projetu jardin ne’e importante atu hamosu ambiente furak no matak, nune’e mos bele sai fatin rekreasaun ba labarik sira no família sira iha tempu loron semana. “Ami hein katak ho levantamento dadus ida ne’e, planu sei lao ho di’ak no rezultadu sei fó benefísiu ba komunidade tomak,” nia dehan.
Depois levantamento remata, autoridade sei prepara relatóriu no planu final atu hahú konstrusaun jardin iha fulan oin mai. Komunidade mos hein katak projetu ne’e bele kontribui ba limpeza ambiente no aumenta kbiit verde iha área refere.
#Media_Servisu_Municipal _PDIM
