SOSIALIZA 𝑷𝑳𝑨𝑵𝑼 𝑴𝑼𝑵𝑰𝑺𝑰𝑷Á𝑳 𝑶𝑹𝑫𝑬𝑵𝑨𝑴𝑬𝑵𝑻𝑶 𝑻𝑬𝑹𝑹𝑰𝑻𝑶𝑹𝑰𝑼 ( 𝑷𝑴𝑶𝑻 ), 𝑶𝑹𝑫𝑬𝑴 𝑷Ú𝑩𝑳𝑰𝑲𝑼 𝑵𝑶 𝑰𝑱𝑰É𝑵𝑬 𝑰𝑯𝑨 𝑷𝑶𝑺𝑻U 𝑨𝑫𝑴𝑰𝑵𝑰𝑺𝑻𝑹𝑨𝑻𝑰𝑽𝑼 𝑨𝑻𝑨𝑩𝑨𝑬.

Posted At : Jul 9, 2026 13:38 pm 2 days ago

𝑩𝒐𝒃𝒐𝒏𝒂𝒓𝒐, 23 𝑱𝒖ñu 2026, Diresaun Servisu Munisipál Ajensia Planeamentu ofisalmente lansa Sosializasaun ba Planu Munisipál Ordenamentu Teritoriu ( PMOT ), Orden Públika no Ijiéne iha Postu Administrativu Atabae.

Bazeia ba enkuadramentu Legal, DL Nú 8/2021 30 Juñu kona-ba rejime juridiku no kualifikasaun solu no DL Nú 35/2021, Loron 29 Dezenbru kona-ba intrumentu planeamentu territorial atu vale nu’udar regulamentu ne’ebé sei uza iha munisípiu Bobonaro. Tanba ne’e Autoridade Munisípiu Bobonaro sosializa Lei Planu Munisipál Ordenamentu Teritorial, Orden Públiku no Ijiéne ba Autoridade Lokál no Komunidade sira hodi bele intende ho di’ak kona-ba planu no sirkular sira ne’ebé Autoridade Prepara hodi regula .

Ijiene no orden públiku mak elementu inportante ida atu garante ambiente ne’ebé limpu, saudável, segura no konfortável ba komunidade. Kresimentu populasaun, atividade ekonomia no utilizasaun espasu públiku ne’ebé aumenta hamosu dezafiu oioin Munisípiu Bobonaro. Problema hanesan soe lixu arbiru, falta kuidadu ba fatin públiku no hahalok ne’ebé perturba ordem sosial bele afeta saúde públika, beleza ambiental no bem-estar komunidade. Tanba ne’e Autoridade Munisípiu sosializa Planu Munisipál no Ordenamentu Teritorial no Sirkula Orden Públiku no Ijiéne hodi grantia ba bem-star komunidade Munisípiu Bobonaro.

Sosializasaun ne’e Ofisialmente lansa husi Sua Exelensia Prezidente Autoridade Munisípiu Bobonaro, Sr Paulo Moniz Maia,Lic.Dir no hetan partisiapasaun husi Komandante Komando Polisia Munisípiu Bobonaro, Sr Damião da Silva Correia,Lic.Dir,M.H,Adminitrador Postu Administrativu Atabae,Xefi Suku, Xefi Seksaun, Xefi Aldeia, Membru Konsellu Suku no Komunidade sira Sosializasaun ne’e hala’o primeiru etapa iha Postu Administrativu Atabe, Balibo no Maliana no sei kontinua ba iha postu seluk hanesan Cailaco, Bobonaro no Lolote.

Entretantu Sosializasaun dahuluk iha postu 3 ne’e hala’o iha salaun sira mak hanesan, Salaun Madre SPSS Atabae,Salaun Parokia Balibo no iha Salaun Maria Tapo Autoridade Munisípiu Bobonaro.

Iha Sosializasaun ne’e Aprezentadór maka hanesan:

Diretór Servisu Munisipál Ajensia Planeamentu, Sr. Miguel Alcino Mariano, Aprezenta kona-ba Programa PMOT
Diretór Servisu Munisipál Obras Publika no Transporte, Sr. Marcelino Gonçalves Godinho, Aprezenta kona-ba sirkular Orden Públika no Ijiéne
Reprezenta Diretór Servisu Munisipál Rejistu Notariadu no Kadastrais, Sr. Diniz Barreto, Aprezenta kona-ba okupante propriedade Estadu

ANEXU FOTOGRAFIA