𝐒𝐔𝐀 𝐄𝐗𝐄𝐋𝐄́𝐍𝐒𝐈𝐀 𝐏𝐑𝐄𝐙𝐈𝐃𝐄𝐍𝐓𝐄 𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒𝐈́𝐏𝐈𝐔 𝐁𝐎𝐁𝐎𝐍𝐀𝐑𝐎 𝐊𝐎𝐍𝐕𝐎𝐊𝐀 𝐑𝐄𝐔𝐍𝐈𝐀𝐔𝐍 𝐇𝐎 𝐄𝐌𝐏𝐑𝐄𝐙𝐀́𝐑𝐈𝐔 𝐋𝐎𝐊𝐀́𝐋 𝐁𝐀 𝐏𝐑𝐎𝐉𝐄𝐓𝐔 𝐏𝐃𝐈𝐌 𝟐𝟎𝟐𝟔.

𝐌𝐚𝐥𝐢𝐚𝐧𝐚, 𝐓𝐞𝐫𝐬𝐚-𝐅𝐞𝐢𝐫𝐚, 𝟐𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic.Dir, konvoka reuniaun ho Diretór/a no tékniku kompaña implementadór sira ba projetu PDIM 2026 nian.

Enkontru refere ho objetivu atu haree hamutuk progresu no diskute dezafiu sira ne’ebé kompaña enfrenta durante implementasaun.

Iha intervensaun Exelénsia Prezidente apela ba diretór/a sira katak, kompaña tenke aselera servisu, nune’e bainhira to’o tempu udan sei la prejudika servisu sira, maske nune’e, husu atu kompaña sira tenke garantia kualidade husi obra hirak ne’e. Aleinde ne’e, Exelénsia Prezidente mós husu ba tékniku husi PDIM no Servisu Munisipál Obras Públiku atu nafatin monitoriza servisu sira iha terrenu, nune’e bele garantia nia kualidade no la’o tuir BOQ no dezeñu ne’ebé iha.

Enkontru ne’ebé realiza iha Salaun Maria Tapo, Autoridade Munisípiu Bobonaro refere partisipa husi SECAM PIDI, Administradór Postu Administrativu (6), Diretór/a Servisu Munisipál relevante sira, Diretór/a no Tékniku husi Kompaña, Tékniku sira husi PDIM no Servisu Munisipál Obras Públiku, inklui funsionáriu no média sira.

$Remata

#𝑴𝙚́𝒅𝙞𝒂 𝑷𝘼𝑴 𝑩𝙤𝒃𝙤𝒏𝙖𝒓𝙤.

Dili, 25 de Setembro 2026 – SECAM Administrasaun no Finansas Bobonaro Partisipa Reuniaun iha Salaun VIP MAE hodi “Diskute Preparativus Ba Komemorasaun (51) Aniversáriu Proklamasaun Independensia 28 Novembru”.

S.E. Ministru Administrasaun Estatal, Tomás do Rosário Cabral, Prezide Reuniaun hodi estabelese Komisaun Organizadora Téknika no seksaun espesializada sira ne’ebé funsiona hamutuk ho Komisaun Organizadora Serimónia Ofisiál ba Komemorasaun Aniversáriu Proklamasaun Independénsia República Demokrátika Timor-Leste nian ba dala-(51).

Perante reuniaun komisaun, S.E. Ministru MAE informa mos ba membru komisaun organizadora kona-ba servisu importante sira atu asegura organizasaun serimónia ofisiál ba komemorativa loron Proklamasaun Independénsia República Demokrátika Timor-Leste nian bele la’o ho diak.

Iha reuniaun komisaun, S.E. Ministru MAE informa ba komisaun nasionál sira atu halo kordenasaun hamutuk ho komisaun munisípal sira hodi prepara mos stand ba munisipius iha fatin serimónia. No servisu sira ne’e sei estabelese inisiu dia 20 Novembru hodi hasoru serimónia principál ne’ebé sei realiza iha loron 28 Novembru tinan ne’e.

Komisaun Organizadora Téknika no ninia seksaun espesializada sira ne’ebé sei funsiona hodi halo kordenasaun maximu ho instituisoens relevantes no membrus komisaun sei mai husi kada Ministerius hodi kordena no prepara atu nune’e realizasaun serimónia Proklamasaun Únilateral loron Independensia 28 Novembru nian bele la’o ho diak.

Reuniaun ba loron dahuluk nian ne’ebé hala’o iha sala reuniaun VIP MAE, hetan partisipasaun maximu husi representante sira husi ministeriu no PAM Viqueque hamutuk ho kargu Xefia sira iha MAE.

#Remata

#Média SECAM Adm. e Finanças

Dili, 25 de Setembro 2026 – SECAM Administrasaun no Finansas Bobonaro Ne’ebé Representa Presidente Autoridade Munisipiu Bobonaro Partisipa iha Enkontru Preparasaun ba Selebrasaun Loron Aihan Mundial nian iha Auditorio MAPFF Comoro-Dili.

 “CONSSAN-TL HO MEMBRU SIRA KONTINUA SORUMUTU DARUAK HODI DISKUTI PREPARASAUN BA SELEBRASAUN LORON AI-HAN MUNDIAL 2026”

Conselho Nacional Segurança e Soberania Alimentar e Nutricional Timor-Leste (Sigla Portugues CONSSAN-TL) ho membru sira kontinua sorumutu daruak hodi diskuti preparasaun ba selebrasaun Ai-han mundial 2026, atividade ne’e rasik realiza iha salaun Uma-Tali, Ministeriu Agrikultura Comoro, Dili.

APROVA ONA PROGRAMA BA SELEBRASAUN IHA NÍVEL NASIONAL NO MUNICIPAL MAK HANESAN:

NÍVEL NASIONAL

• Tema Nasional “INVESTE IHA INOVASAUN, GARANTE SEGURANSA AI-HAN NO NUTRISAUN Feira Nasional;
• Seminario Nacional;
• Selebrasaun LAM 16/10/2026 Live Streming husi (RTTL/GMN TV)

NÍVEL MUNISPIAL

• Feira konaba produtu Local: Lidera husi PAM Municipiu hanesan mos Presidenti Conssan-TL Municipal;
• Seminariu;
• Certames;
• Kulinaria;

Sei organiza husi Conssan-TL, linhas sectoral, Munisipal, NGOs Intenasional e Nasional, Setor Privado, Religiojas, Estudantes no Agricultores Kada Municipio sira.

Partisipa iha sorumutu daruak ne’e mai husi, PAM ou Representante PAM sira, Lina sectoral, Ajensia UN, Parseiru Desenvolvimentu, seitor Privadu.

#Remata

#Média SECAM Adm. e Finanças

Bobonaru: 22 Setembru 2026 – SECAM Administrasaun no Finansas Representa Presidente Autoridade Munisípiu Bobonaro Partisipa iha atividade sensibilizasaun informasaun kona-ba prevensaun transmisaun HIV-SIDA; Munisípiu Bobonaru okupa pozisaun daruak iha Timor-Leste ho númeru kazu HIV-SIDA ne’ebé a’as, ho total ema 138 rejistadu. Dadus ne’e aprezenta hosi Prezidente Institutu Nasionál Kombate HIV-SIDA, Institutu Públiku (INCIDA), Daniel Marçal, durante atividade sensibilizasaun no formasaun kona-ba prevensaun transmisaun HIV-SIDA iha Suku Raifun, Postu Administrativu Maliana, Munisípiu Bobonaro, terça-feira (22/09).

Daniel Marçal hatete, tuir dadus hosi Koordenadór HIV-SIDA Munisípiu Bobonaru, munisípiu ne’e rejista ona total kazu HIV hamutuk 138, ne’ebé halo Bobonaru tama iha pozisaun daruak hafoin Munisípiu Dili.

“Maluk sira, hanesan ita boot sira hatene, Munisípiu Bobonaru sai nu’udar munisípiu ho númeru kazu HIV a’as liu iha Timor-Leste. Depois Dili, Bobonaro tama iha pozisaun daruak. Tuir informasaun ne’ebé ami hetan hosi Koordenadór HIV-SIDA Munisípiu Bobonaru, iha kazu HIV rejistadu hamutuk ema 138,” Daniel Marçal hatete ba meiu komunikasaun/jornalista sira.

Nia esplika, Munisípiu Dili rejista besik 2.000 kazu, enkuantu Suai no Oe-Cusse kada ida rejista liu 100 kazu. Iha nivel nasionál, total kazu HIV-SIDA rejistadu to’o ona 2.712.

“Tuir hau nia haree, Dili besik ona rihun rua (2.000) kazu, Suai liu atus ida (100), no Oe-Cusse liu atus ida (100). Iha territóriu nasionál, total kazu HIV-SIDA rejistadu to’o ona ema rihun rua atus hitu sanulu resin rua (2.712),” nia haktuir.

Daniel mos subliña aumentu kazu HIV-SIDA sai mehi/dezafiu ba Timor-Leste, liuliu iha prevensaun no kuidadu ba ema sira ne’ebé afetadu hosi HIV-SIDA.

“Problema ne’ebé ita hasoru mak falta ai-moruk no kuidadu ba ema sira ne’ebé moras. Liuliu ba joven sira, ita tenke tau atensaun. Risku ne’e la’ós de’it kona-ba HIV, maibé mos kona-ba ita nia moris no futuru,” nia afirma.

Nia apela ba komunidade, liuliu joven sira, atu aumenta koñesimentu kona-ba HIV-SIDA no mehi/adopta hahalok ne’ebé bele prevene transmisaun virus ne’e, nune’e bele proteje saúde no futuru.

Iha parte seluk, reprezentante Prezidente Autoridade Munisípiu Bobonaru, Domingos da Costa, hatete katak presiza aumenta atensaun ba área sira ne’ebé konsidera vulnerável, hodi fasilita prevensaun, teste no asesu ba servisu saúde.

“Ita tenke buka fatin sira ne’ebé presiza ita tau atensaun, hodi halo prevensaun no fó servisu saúde, inklui fatin ba hasai ran ka halo teste. Bainhira ita la hatene fatin sira ne’e, ita sei difísil atu kontrola situasaun”, Domingos da Costa hateten.

Nia mos husu ba INCIDA, no organizasaun relevante sira atu kontinua apoia atividade edukasaun no sensibilizasaun to’o iha nível suku, hodi aumenta koñesimentu komunidade kona-ba HIV-SIDA no dalan atu prevene transmisaun.

“Ita labele husik situasaun ne’e kontinua. Ita tenke proteje joven sira iha ita nia bairru. Se iha atividade ka fatin sira ne’ebé bele aumenta risku, ita tenke fó orientasaun atu bele prevene problema iha komunidade”, nia reforsa.

Domingos mos subliña programa edukasaun no sensibilizasaun importante atu komunidade hetan informasaun kona-ba prevensaun HIV-SIDA no oinsá atu proteje saúde.

#Remata

#Média SECAM Adm. e Finanças

𝐌𝐚𝐥𝐢𝐚𝐧𝐚, 𝐊𝐢𝐧𝐭𝐚-𝐅𝐞𝐢𝐫𝐚, 𝟐𝟒 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic. Dir, partisipa no lidera diretamente enkontru kona-bá forma ekipa konjunta ba preparasaun operasaun animál ne’ebé husik livre iha estrada públiku ka espasu públiku sira iha munisípiu Bobonaro.

Enkontru refere hanesan kontinuasaun husi sosializasaun ba sirkulár ne’ebé durante ne’e sosializa ona iha postu administrativu (6).

Iha intervensaun Exelénsia Prezidente hateten katak, “𝑆𝑜𝑠𝑖𝑎𝑙𝑖𝑧𝑎𝑠𝑎𝑢𝑛 𝑏𝑎 𝑠𝑖𝑟𝑘𝑢𝑙𝑎́𝑟 𝑛𝑒’𝑒𝑏𝑒́ 𝑖ℎ𝑎, 𝑖𝑡𝑎 𝑟𝑒𝑚𝑎𝑡𝑎 𝑜𝑛𝑎, 𝑎𝑔𝑜𝑟𝑎 𝑝𝑟𝑒𝑠𝑖𝑗𝑎 𝑖ℎ𝑎 𝑖𝑚𝑝𝑙𝑒𝑚𝑒𝑛𝑡𝑎𝑠𝑎𝑢𝑛 𝑏𝑎 𝑠𝑖𝑟𝑘𝑢𝑙𝑎́𝑟 𝑟𝑒𝑓𝑒𝑟𝑒. 𝐻𝑜 𝑛𝑢𝑛𝑒’𝑒, 𝑏𝑒𝑙𝑒 𝑟𝑒𝑑𝑢́𝑧 𝑎𝑠𝑖𝑑𝑒𝑛𝑡𝑒 𝑡𝑟𝑎́𝑓𝑖𝑘𝑢 𝑠𝑖𝑟𝑎 𝑛𝑒’𝑒𝑏𝑒́ 𝑑𝑢𝑟𝑎𝑛𝑡𝑒 𝑛𝑒’𝑒 𝑎𝑘𝑜𝑛𝑡𝑒𝑠𝑒 𝑛𝑜 𝑘𝑎𝑢𝑧𝑎 ℎ𝑢𝑠𝑖 𝑎𝑛𝑖𝑚𝑎́𝑙 𝑠𝑖𝑟𝑎 𝑛𝑒’𝑒𝑏𝑒́ ℎ𝑢𝑠𝑖𝑘 𝑙𝑖𝑣𝑟𝑒 𝑑𝑒’𝑖𝑡.”

Atividade operasaun ne’ebé tuir planu sei realiza iha tempu badak nia laran ne’e bazeia ba baze legál sira hanesan; Lei númeru 34/2025, loron 15 fulan Outubru, Sesta Alterasaun ba Dekretu Lei No. 3/2026, kona-bá Estatutu Autoridade no Grupu Tékniku Interministeriál ba Desentralizasaun. Espesifikamente iha artigu 25, iha númeru 1, (alínea a), katak Prezidente Autoridade Munisipál ba Matéria Jestaun Ijiene no Ordem Públiku ne’ebé deskreve iha alínea a-f, no artigu 7 númeru 3 alínea a kona-bá Bandu Husik Livre, Hakiak Animál no Kesi Animál iha Estrada Públiku ka Espasu Públiku.

Enkontru ne’ebé realiza iha Salaun Maria Tapo, Autoridade Munisípiu Bobonaro ne’e rasik hetan partisipasaun husi SECAM PIDI, SECAM Asuntu Sosiais, Ekipa seguransa husi F-FDTL, PNTL no BOP, Administradór postu Administrativu (6), Diretór Servisu Munisipál Saúde, Diretór Servisu Munisipál Ajénsia Planeamentu, Diretór Servisu Munisipál Jestaun Merkadu no Turizmu, Asesór sira no Líder Komunitária sira (Xefe Suku).

#𝑴𝒆́𝒅𝒊𝒂

#𝑷𝑨𝑴 𝑩𝒐𝒃𝒐𝒏𝒂𝒓𝒐

𝐌𝐚𝐥𝐢𝐚𝐧𝐚, 𝐊𝐮𝐚𝐫𝐭𝐚-𝐅𝐞𝐢𝐫𝐚, 𝟐𝟑 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic. Dir, partisipa iha serimónia lansamentu fatuk dahuluk bá konstrusaun edifísiu tribunál judisiál primeira instánsia no rezidénsia bá juiz sira iha Munisípiu Bobonaro, ne’ebé realiza iha Soso, Suku Holsa, Postu Administrativu Maliana, Munisípiu Bobonaro.

Serimónia lansamentu fatuk dahuluk ne’e reprezenta momentu importante iha istória no dezenvolvimentu sistema judisiáriu iha Timor-Leste, liuliu iha esforsu atu aproxima justisa ba komunidade sira iha Munisípiu.

Iha intervensaun Exelénsia Prezidente Autoridade Munisípiu hateten katak, “ℎ𝑎𝑛𝑒𝑠𝑎𝑛 𝑃𝑟𝑒𝑧𝑖𝑑𝑒𝑛𝑡𝑒 𝐴𝑢𝑡𝑜𝑟𝑖𝑑𝑎𝑑𝑒 𝑠𝑒𝑛𝑡𝑒 𝑘𝑜𝑛𝑡𝑒𝑛𝑡𝑒 𝑛𝑜 𝑜𝑟𝑔𝑢𝑙𝑙𝑢 ℎ𝑜 𝑒𝑧𝑖𝑠𝑡𝑒́𝑛𝑠𝑖𝑎 𝑛𝑒’𝑒𝑏𝑒́ 𝑏𝑒𝑠𝑖𝑘, 𝑏𝑒𝑙𝑒 𝑔𝑎𝑟𝑎𝑛𝑡𝑖𝑎 𝑙𝑖𝑢𝑡𝑎́𝑛 𝑘𝑜𝑛𝑓𝑖𝑎𝑛𝑠𝑎 𝑠𝑒𝑛𝑡𝑟𝑎́𝑙 𝑖ℎ𝑎 𝑝𝑟𝑜𝑠𝑒𝑠𝑢 𝑑𝑒𝑠𝑒𝑛𝑡𝑟𝑎𝑙𝑖𝑧𝑎𝑠𝑎𝑢𝑛 𝑎𝑑𝑚𝑖𝑛𝑖𝑠𝑡𝑟𝑎𝑠𝑎𝑢𝑛 𝑙𝑜𝑘𝑎́𝑙 𝑛𝑜 𝑡𝑎𝑛𝑒 𝑎𝑎𝑠 𝑒𝑠𝑡𝑎𝑑𝑢 𝑑𝑒 𝑑𝑖𝑟𝑒𝑖𝑡𝑢 𝑑𝑒𝑚𝑜𝑘𝑟𝑎́𝑡𝑖𝑘𝑢 𝑛𝑜 𝑏𝑒𝑙𝑒 𝑔𝑎𝑟𝑎𝑛𝑡𝑖𝑎 𝑏𝑎́ 𝑖𝑡𝑎 𝑛𝑖𝑎 𝑝𝑎𝑟𝑠𝑒𝑖𝑟𝑢 𝑑𝑒𝑧𝑒𝑛𝑣𝑜𝑙𝑣𝑖𝑚𝑒𝑛𝑡𝑢 𝑠𝑖𝑟𝑎 𝑛𝑖𝑎 𝑘𝑜𝑛𝑓𝑖𝑎𝑛𝑠𝑎 ℎ𝑜𝑑𝑖 𝑏𝑒𝑙𝑒 𝑖𝑛𝑣𝑒𝑠𝑡𝑒 𝑖ℎ𝑎 𝑖𝑡𝑎 𝑛𝑖𝑎 𝑟𝑎𝑖.”

Setór justisa la’ós de’it liga ho atividade judisiária, maibé mos iha relasaun ho kooperasaun entre autoridade sira no dezenvolvimentu infraestrutura, liu liu konstrusaun edifísiu Tribunal Judisiál Primeira Instánsia iha Munisípiu sira. Ezisténsia tribunál iha Munisípiu idak-idak importante atu bele responde ba nesesidade populasaun no garante asesu ba justisa ne’ebé efetivu, efisiente no besik liután ba povu.

Atividade refere hetan partisipasaun husi Prezidente Tribunal Rekursu, Prokuradór Jerál da Repúblika, Reprezentante husi Ministériu Públiku, Komandante Komando Polísia Munisípiu Bobonaro, Reprezentante husi ADN Nasionál, Administradór Postu Administrativu (6), Diretór Munisipál relevante, Juizes, Xefe Suku no Konsellu Suku Holsa, Funsionáriu sira, Diretór Kompaña Implementadór ho ninia traballadór sira, inklui Média no Estudante sira husi Colégio Infante de Sagres Maliana.

#𝑹𝒆𝒎𝒂𝒕𝒂

#𝑴𝒆́𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐

𝐌𝐚𝐥𝐢𝐚𝐧𝐚, 𝐓𝐞𝐫𝐬𝐚-𝐅𝐞𝐢𝐫𝐚, 𝟐𝟐 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Autoridade Protesaun Sivíl liu husi Servisu Munisipál Protesaun Sivíl hamutuk ho parseiru dezenvolvimentu World Vision, programa “𝘗𝘳𝘰𝘯𝘵𝘶 𝘣𝘢 𝘋𝘦𝘻𝘢𝘴𝘵𝘳𝘦”, konvoka reuniaun ho Exelénsia Prezidente Autoridade Munisípiu Bobonaro, Sr. Paulo Moniz Maia, Lic.Dir hodi aprezenta Termu Referénsia (TOR) ba Estabelesimentu 𝗙𝗢𝗥𝗨𝗠 𝗠𝗨𝗡𝗜𝗦𝗜𝗣𝗔́𝗟 𝗕𝗔́ 𝗥𝗘𝗗𝗨𝗦𝗔𝗨𝗡 𝗥𝗜́𝗦𝗞𝗨 𝗗𝗘𝗭𝗔𝗦𝗧𝗥𝗘. Aliende aprezenta (TOR), ekipa husu mós aprovasaun bá Termu Referénsia refere no disponiblidade hodi legaliza forum munisipál ne’ebé sei estabelese.

Objetivu husi Forum Munisipál ne’e mak atu halibur hamutuk diresaun sira hotu ne’ebé servisu ba responde dezastre iha munisípiu Bobonaro no sei sai hanesan plataforma koordenasaun ida hodi hafasil liña koordenasaun wainhira fó resposta ba dezastre, nune’e bele efetivu liután.

#𝐑e𝐦a𝐭a

#𝐌é𝐝i𝐚 𝐏A𝐌 𝐁o𝐛o𝐧a𝐫o

Atabae, 16 de Setembru 2026— Ohin, Secretario Administração e Finanças  Representa Presidente Autoridade Municipio Bobonaro Partisipa iha Atividade Cooperativa Credit Union LANAMONA realiza semináriu ho tema “GOVERNASAUN DI’AK HODI HAMETIN KONFIANSA PÚBLIKU”, iha Salaun Postu Administrativu Atabae, Munisípiu Bobonaro. Atividade ida-ne’e hetan partisipasaun husi

1. Diretór Nasionál, nu’udar reprezentante Sekretáriu Estadu das Kooperativas;
2. Sekretáriu Administração e Finanças nu’udar Reprezentante Presidente Autoridade Munisípiu Bobonaro;
3. Administradór Postu Administrativu Atabae;
4. Prezidente FENACULENDA-TL, hamutuk ho estrutura no membru sira LANAMONA.

Matéria semináriu aprezenta husi Bapak Vinsensius Deo, nu’udar Wakil Ketua Pengurus III, no Bapak Abdul Rahman, Kabid., husi KSP KOPDIT PINTU AIR ROTAT. Intervensaun husi Secretario Administração e Finanças nu’udar Reprezentante Presidente Autoridade Munisípiu Bobonaro enkoraja membru LANAMONA atu partisipa ho maksimu iha semináriu, hodi hetan no kompriede matéria sira ne’ebé aprezenta. Nia haktuir katak, se koñesimentu no matenek ne’ebé hetan husi semináriu bele aplika di’ak iha família no komunidade, sei kontribui ba dezenvolvimentu Aldeia, Suku, Postu Administrativu no Munisípiu. “Se Aldeia moris di’ak, Suku mos moris di’ak; se Suku moris di’ak, Postu mos moris di’ak; no se Postu moris di’ak, Munisípiu mos sei dezenvolve diak liu tan”.

Iha oportunidade hanesan, Prezidente FENACULENDA-TL mos haktuir katak kooperativa mak sai nu’udar baze importante ba dezenvolvimentu ekonomia família no sosiedade. Tanba ne’e, hametin kooperativa signifika mos hametin kapasidade ekonomia no moris di’ak membru sira no komunidade.

Semináriu ida-ne’e sai nu’udar espasu importante atu fahe koñesimentu no esperiénsia kona-ba governasaun di’ak, transparénsia, responsabilidade no konfiansa públiku, hodi hametin jestaun kooperativa no kontribui ba dezenvolvimentu ekonomia komunidade.

#Media SECAM Adm. e Finanças

𝐌𝐚𝐥𝐢𝐚𝐧𝐚, 𝐓𝐞𝐫𝐬𝐚-𝐅𝐞𝐢𝐫𝐚, 𝟐𝟐 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic.Dir, partisipa iha atividade destruisaun bá materiál eleitorál ne’ebé uza ona iha eleisaun prezidensiál 2022 no eleisaun parlamentár 2023 nomós dokumentus eleitorais ne’ebé kaduka ona.

Atividade ida ne’e hala’o bazeia bá responsabilidade ne’ebé atribui bá Sekretariadu Tékniku Administrasaun Eleitorál (STAE), tuir artigu 68, númeru 2, husi Dekretu Governu Nú. 21/2017, 17 Maiu, no artigu 55, númeru 2, husi Dekretu Governu Nú. 7/2017, 27 Fevereiru, kona-bá prosedimentu votasaun, kontajen no apuramentu rezultadu.

Iha intervensaun, Exelénsia Prezidente hateten katak, Autoridade sempre prontu hodi kolabora ho servisus delegasaun teritoriál sira inklui STAE no CNE hanesan instituisaun ne’ebé toma responsável ba prosesu Eleisaun sira. Aliende ne’e, Exelénsia Prezidente mós afirma katak atividade ne’e importante tebes, atu fó espasu ne’ebé sufisiente bá STAE hodi bele simu fali materiál foun ne’ebé sei utiliza iha eleisaun sira tuirmai.

Materiál sira ne’ebé destrui mak hanesan; Boletin votu, akta, lista votante, tinta indelível, kartaun eleitorál aat ne’ebé rekolla durante atualizasaun baze dadus eleitorál, no dokumentu eleitorál seluk ne’ebé kaduka ona, tuir inventáriu no prosedimentu ne’ebé determina.

Atividade refere partisipa mós husi reprezentante CNE Munisípiu Bobonaro, Reprezentante Komandante Komando Polísia Munisípiu Bobonaro, Administradór Postu Administrativu Maliana, Reprezentante husi Partido Polítiku Asentu Parlamentár, Xefe Suku sira no funsionáriu sira iha STAE munisípiu Bobonaro.

#𝙍𝙚𝙢𝙖𝙩𝙖

#𝙈𝙚́𝙙𝙞𝙖 𝙋𝘼𝙈 𝘽𝙤𝙗𝙤𝙣𝙖𝙧𝙤

𝐋𝐨𝐥𝐨𝐭𝐨𝐞, 𝐒𝐚́𝐛𝐚𝐝𝐮, 𝟏𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic. Dir, hamutuk ho SECAM PIDI, SECAM Asuntu Sosiais, Administradór Postu Administrativu (4); Lolotoe, Cailaco, Maliana, Bobonaro no Diretores Servisus Munisipais relevante sira, akompaña Sua Exelénsia Ministru Óbras Públikas, Sr. Samuel Marçal halo lansamentu fatuk dahuluk bá projetu reabilitasaun estrada trosu Lontas-Lolotoe.

Projetu Reabilitasaun Estrada diresaun husi Lontas bá Lolotoe ne’e kobre distánsia kilómetru 8,9km. Projetu ne’e implementa husi kompañia ho naran Jiangsu Ruiwo Construction Group Co., Ltd (China) ho totál orsamentu hamutuk $11,979,891.30 no ho durasaun tinan-ida resin.

Iha diskursu, Exelénsia Prezidente Autoridade hato’o agradese bá IX Governu konstitusionál, lideradu husi Maun Boot Kay Rala Xanana Gusmão, ne’ebé sempre tau prioridade bá povu nia difikuldade sira, liu husi halo dezenvolvimentu infraestrutura sira hanesan estrada, bee moos, eletrisidade, no fasilidade seluk tan. “𝐻𝑜𝑑𝑖 𝑝𝑜𝑣𝑢 𝐵𝑜𝑏𝑜𝑛𝑎𝑟𝑜 𝑡𝑜𝑚𝑎𝑘 𝑛𝑖𝑎 𝑛𝑎𝑟𝑎𝑛, ℎ𝑎𝑡𝑜’𝑜 𝑎𝑚𝑖 𝑛𝑖𝑎 𝑎𝑔𝑟𝑎𝑑𝑒𝑠𝑖𝑚𝑒𝑛𝑡𝑢 𝑝𝑟𝑜𝑓𝑢𝑛𝑑𝑢 𝑏𝑎́ 𝑆.𝐸 𝑃𝑟𝑖𝑚𝑒𝑖𝑟𝑢 𝑀𝑖𝑛𝑖𝑠𝑡𝑟𝑢, 𝑀𝑎𝑢𝑛 𝐵𝑜𝑜𝑡 𝐾𝑎𝑦 𝑅𝑎𝑙𝑎 𝑋𝑎𝑛𝑎𝑛𝑎 𝐺𝑢𝑠𝑚𝑎̃𝑜 𝑛𝑒’𝑒𝑏𝑒́ ℎ𝑜 𝑓𝑢𝑎𝑛 𝑜𝑠𝑎𝑛 𝑚𝑒𝑎𝑛, ℎ𝑜 𝑑𝑜𝑚𝑖𝑛 𝑡𝑜𝑚𝑎𝑘, 𝑚𝑎𝑠𝑘𝑒 𝑘𝑜𝑙𝑒 𝑛𝑜 𝑠𝑒𝑟𝑏𝑖𝑠𝑢 𝑏𝑎𝑟𝑎𝑘, 𝑠𝑒𝑚𝑝𝑟𝑒 𝑓𝑜́ 𝑚𝑜́𝑠 𝑎𝑡𝑒𝑛𝑠𝑎𝑢𝑛 𝑚𝑎𝑘𝑎’𝑎𝑠 𝑚𝑎𝑖 𝑚𝑢𝑛𝑖𝑠𝑖́𝑝𝑖𝑢 𝐵𝑜𝑏𝑜𝑛𝑎𝑟𝑜. 𝐻𝑎𝑘𝑎𝑟𝑎𝑘 𝑎𝑔𝑟𝑎𝑑𝑒𝑠𝑒 𝑚𝑜́𝑠 𝑏𝑎́ 𝑆.𝐸 𝑆𝑒𝑛̃𝑜𝑟 𝑀𝑖𝑛𝑖𝑠𝑡𝑟𝑢 𝑑𝑎𝑠 𝑂́𝑏𝑟𝑎𝑠 𝑃𝑢́𝑏𝑙𝑖𝑘𝑎𝑠, 𝑆.𝐸 𝑆𝑒𝑛̃𝑜𝑟 𝑀𝑖𝑛𝑖𝑠𝑡𝑟𝑢 𝑃𝑙𝑎𝑛𝑒𝑎𝑚𝑒𝑛𝑡𝑢 𝑛𝑜 𝑖𝑛𝑣𝑒𝑠𝑡𝑖𝑚𝑒𝑛𝑡𝑢 𝐸𝑠𝑡𝑟𝑎𝑡𝑒́𝑗𝑖𝑘𝑢, 𝑆.𝐸 𝑆𝑒𝑛̃𝑜𝑟 𝑀𝑖𝑛𝑖𝑠𝑡𝑟𝑢 𝐴𝑑𝑚𝑖𝑛𝑖𝑠𝑡𝑟𝑎𝑠𝑎𝑢𝑛 𝐸𝑠𝑡𝑎𝑡𝑎́𝑙 𝑛𝑒’𝑒𝑏𝑒́ 𝑠𝑒𝑚𝑝𝑟𝑒 𝑙𝑜𝑟𝑖 𝑎𝑚𝑖 𝑚𝑢𝑛𝑖𝑠𝑖́𝑝𝑖𝑢 𝐵𝑜𝑏𝑜𝑛𝑎𝑟𝑜 𝑛𝑖𝑎 𝑑𝑖𝑓𝑖𝑘𝑢𝑙𝑑𝑎𝑑𝑒 𝑠𝑖𝑟𝑎 ℎ𝑜𝑡𝑢 𝑡𝑜’𝑜 𝑖ℎ𝑎 𝑚𝑒𝑗𝑎 𝐾𝑜𝑛𝑠𝑒𝑙𝑙𝑢 𝑀𝑖𝑛𝑖𝑠𝑡𝑟𝑢𝑠 𝑛𝑜 𝑟𝑒𝑧𝑢𝑙𝑡𝑎𝑑𝑢 𝑟𝑒𝑎́𝑙 𝑖𝑑𝑎 𝑚𝑎𝑘 𝑜ℎ𝑖𝑛 𝑖𝑡𝑎 𝑎𝑠𝑖𝑠𝑡𝑒 ℎ𝑎𝑚𝑢𝑡𝑢𝑘 𝑡𝑎𝑛.”

Sua Exelénsia Ministru Óbras Públikas apela bá Autoridade Lokál, Líder Komunitária no komunidade sira iha Postu Administrativu Lolotoe atu koopera ho di’ak no kolabora ho kompañia ne’ebé halo reabilitasaun estrada iha fatin refere nune’e bele finaliza projetu ne’e ho kualidade tuir kontratu ne’ebé iha, hodi fó benefísiu bá populasaun iha postu refere. Aliende ne’e, Ministru Óbras Públikas mós akresenta tan katak Autoridade Lokál no Komunidade tenke tau matan bá fasilidades públiku sira ne’ebé governu oferese iha postu refere atu uza ho kuidadu nune’e fasilidade hirak ne’e bele uza bá tempu naruk.

Iha fatin hanesan, Ekipa Governu, Autoridade Munisipál, Autoridade lokál no komunidade sira hamutuk ho Prezidente Komisaun Ezekutiva BTL, E.P., Gustavo da Cruz, ofisiálmente halo mós Inagurasaun bá Projetu Melloramentu Sistema Fornesimentu Bee-Moos bá komunidade sira iha Lolotoe. Sistema foun ne’e sei garante distribuisaun bee-moos ho regulár, hodi lori benefísiu boot bá sidade urbana Lolotoe no hadi’ak kualidade moris populasaun nian.

Depoiz de halo inagurasaun sistema bee moos ne’e, Prezidente Komisaun Ezekutiva (KE) BTL, E.P, Gustavo da Cruz, hatete, Governu liu hosi BTL,E.P sei kontinua nafatin atu implementa projetu fornesimentu sistema bee moos iha kapitál postu sira iha Munisipiu Bobonaro hodi fornese bee bá komunidade iha suku no aldeia sira inklui bá fasilidade públika sira.

Aliende ne’e, Prezidente Komisaun Ezekutiva (KE) BTL, E.P, hato’o mós relatóriu bádak liga bá Projetu Melloramentu Sistema Bee Moos ne’ebé BTL,E.P implementa iha Postu-Administrativu Lolotoe Munisipiu Bobonaro. Investimentu sistema bee moos bá komunidade iha Postu-Administrativu Lolotoe ne’e hamutuk uma kain 188 ho populasaun hamutuk 1,126 no sei fornese mós bee bá fasilidade públika sira iha Postu refere.

Partisipa iha serimónia ne’e Membru Governu, Membru Parlamentu Nasionál, Prezidente Autoridade Munisípiu Bobonaro, Padre no Madre sira, Autoridade Lokál, Líder Komunitáriu, Estudante sira no komunidade sira iha postu refere.

#𝙍𝙚𝙢𝙖𝙩𝙖

#𝙈𝙚́𝙙𝙞𝙖 𝙋𝘼𝙈 𝘽𝙤𝙗𝙤𝙣𝙖𝙧𝙤