𝑲𝐎𝑵𝐒𝑼𝐋𝑻𝐀 𝐏𝑼́𝐁𝑳𝐈𝑲𝐔 𝐏𝐑𝐎𝐒𝐄𝐒𝐔 𝐑𝐄𝐊𝐎𝐍𝐒𝐈𝐋𝐈𝐀𝐒𝐀𝐔𝐍 𝐓𝐈𝐌𝐎𝐑 𝐎𝐀𝐍 𝐍𝐎 𝐏𝐎𝐋𝐈𝐓𝐈𝐊𝐀 𝐑𝐄𝐏𝐀𝐑𝐀𝐒𝐀𝐔𝐍.

𝐁𝐨𝐛𝐨𝐧𝐚𝐫𝐨, 𝟐𝟓 𝐝𝐞 𝐌𝐚𝐫𝐬𝐮 𝟐𝟎𝟐𝟔, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir, Oficialmente loke enkontru konaba konsulta Publiku, prosesu Rekonsiliasaun Timor oan no Politika Reparasaun, iha salaun Maria Tapo Municipio Bobonaro.
Prosesu Rekonsiliasaun Timor oan ( PRT ), no Termu referensia mekanismu prosesu rekonsiliasaun Timor oan ne’ebe mak iha, konsidera nudar meiu ida hodi konsolida dialogu ne’ebe onestu ho objectivo atu buka solusaun ida ne’ebe justu tuir valor costume Timor nian.
Iha intervensaun Sua Excelencia Presidente Autoridade Municipio Bobonaro haktuir katak, ohin ita halibur malu iha fatin ida ne’e, ho objectivo atu realiza “ 𝐊𝐎𝐍𝐒𝐔𝐋𝐓𝐀 𝐏𝐔𝐁𝐋𝐈𝐊𝐔” ida konaba 𝐏𝐑𝐎𝐒𝐄𝐒𝐔 𝐑𝐄𝐊𝐎𝐍𝐒𝐈𝐋𝐈𝐀𝐒𝐀𝐔𝐍 𝐓𝐈𝐌𝐎𝐑 𝐎𝐀𝐍 𝐍𝐎 𝐏𝐎𝐋𝐈𝐓𝐈𝐊𝐀 𝐑𝐄𝐏𝐀𝐑𝐀𝐒𝐀𝐔𝐍 𝐍𝐈𝐀𝐍,nudar ita hotu hatene katak, rekonsiliasaun no politika nudar rekomendasaun ne’ebe husi komisaun CAVR inklui iha sira nia relatorio, konaba promove rekonsiliasaun iha nivel nasional no internasional entre autor no vitima sira husi violasaun direitus humanus ne’ebe komete husi parte hotu-hotu iha periodo konflitu nia laran hahu husi 1975-1999.” Hateten Presidente Autoridade Municipio Bobonaro.”

Objectivo husi aktividade konsulta publiku mak hanesan memoria istoriku prezervadu no promovido, sociedade iha konesemento konaba istoria no sensivel ba valores diretus humanus no tulun sobrevivente sira moris iha dignu.

Iha konsulta publiku ne’e, partisipa husi sua excelencia presidente Autoridade Municipio Bobonaro, director ezekutivo nasional CNC, presidente konselho veteranus municipio Bobonaro, Segundo komandante PNTL municipio Bobonaro, Sociedade sivil, familia vitima sira, autoridade lokal no juventude sira hotu.

#Media PAM Bobonaro.

Bobonaro 18 de Março 2026, Sua Excelencia Presidente Autoridade Municipio Bobonaro, Sr, Paulo Moniz Maia,Lic.Dir. Partisipa iha edukasaun sívika konaba KONSOLIDASAUN DEMOKRASIA NO INTEGRIDADE ELEISAUN, ne’ebe organiza husi Comisaun Nasional das Eleisões ( CNE ). edukasaun Sivika ne,e loke Oficialmente husi Presidente Autoridade Municipio Bobonaro, iha salaun Maria Tapo Municipio Bobonaro.

Iha intervensaun Presidente Autoridade Municipio Bobonaro haktuir katak, CNE nia servisu tenke iha imparsialidade no labele mete ba partidu A no B, ne,e duni eleisaun tuir mai bele lao ho diak. Ne,e duni CNE ho STAE tenke servisu makas hodi kontrola sidadaun estranjeiru sira nebe mak mai rejistu hofi hetan eleitoral, tamba Municipio Bobonaro besik liu iha Fronteiras.” Hateten Presidente Autoridade Municipio bobonaro.”

iha edukasaun sivika ne,e, Director CNE Apresente mos prosesu ba eleisaun Poder Lokal nian.

Partisipa iha enkontru ne,e mak hanesan, Presidente Autoridade Municipio Bobonaro, Vice Presidente CNE, Director STAE Municipio bobonaro, Director CNE Municipio bobonaro, Director Planeamento Municipal, Lider Partdus Politikus nebe mak hetan asentu iha Parlamento Nasional, Partidu CNRT, Partidu PD, Partidu Fretelin, Partidu PLP, Partidu KHUNTO. no mos ekipa tekniku sira husi CNE nian.

#Remata Media PAM Bobonaro.

Dili, Tersa Feira 24 de Fevereiru 2026, Sua Excelencia Presidente Autoridade Municipio Bobonaro Sr. Paulo Moniz Maia.Lic.Dir. Akompanha husi Director Planeamento Municipal, Partisipa iha enkontru konaba, Projetu Planu uzu rai Sidade Maliana Maliana,( Plano uso do solo urbano Maliana). Municipio Bobonaro. No mos apresenta konaba relatorio inicial, iha salaun ADN, Fatuhada Dili.

Iha enkontru ne’e, deskuti mos konaba Plano nebe mak konsultan sira atu implementa iha Municipio Bobonaro, Liu-liu iha posto Administrativu Maliana, Municipio Bobonaro.

Tamba husi parte Konsultan asina ona kontratu ho Ministerio Planeamento Investimento Estratejiku, (PMIE).

Enkontru ne,e partisipa husi, PAM Bobonaro, Director Planeamento, DG- MPIE, DG- Terras e Propriedade, DG-DNTT, Directora DNPU, representa DG-DGL, repsenta DG- Obras Publica. Konsultan sira no mos ekipa Tekniku sira husi MPIE nian.

#Medi@_PAM_Bobonaro.

Bobonaro, 17 de Fevereiru 2026, sua excelencia Presidente Autoridade Municipio Bobonaro, Sr, Paulo Moniz Maia.Lic.Dir. Partisipa iha serimonia Lansamento Cultivação hare variedade , Inpari 32 uza Makina Agrikola Moderno, no oficialmente entrega Trator ba Autoridade Municipio Bobonaro.

iha serimonia lansamento ne’e, intervensaun husi Sua Excelencia Presidente Autoridade Municipio Bobonaro haktuir katak, ajudos sira ne’e, mai husi IX Governo konstituisional, hodi fasilita ba komunidade Agrikultura sira hodi kuda hare’e ho teknologia ne’ebe mak iha, atu nune bele hamenus tempo no poupa custo, ne’e duni kuidadu ba fasilidade sira ne’e atu bele utiliza ho tempo naruk. No agradese tebes ba IX Governo ho laran luak bele ajuda ona manu Marreco hodi bele redus ou halakon Caracol sira nebe mak estraga hare’e.” hateten presidente Autoridade Municipio Bobonaro.”

Fasilidade nebe mak governo entrega mai Autoridade Municipio Bobonaro hodi entrega ba natar nain sira mak hanesan, Trator boot rua ( 2 unit ), Trator kiik Sanulu ( 10 unit), Manu Marreco Tolu Nulu ( 30 ).

Hafoin lansamento hotu, Sua Excelencia Presidente Autoridade Municipio bobonaro, hamutuk ho Sua Excelencia Ministro Agrikultura Pescas e Floresta, kontinua ba survei irigasaun Maliana 1, nebe mak hetan estragus, tamba cuaza husi udan no rai halai iha kanu matan, Mamar uman suku Lahomea, Posto Maliana, no Sua Excelencia Ministro Agrikultura komprimitidu katak, tempo badak sei normaliza hikas be’e dalan, nebe mak nakfera no aat. Depois remata husi ne,e kontinua halo halo monitorizasaun ba irigasaun Maliana 2, iha suku Tapo Memo, hodi hare direita konstrusaun irigasaun nebe mak konstrui ona husi kompania Binamirta nebe mak atinji ona 41 %. iha lansamento ne’e partisipa husi Sua Excelencia Ministru Agrikultura, sua excelencia PAM, Secretario Assunto Planeamento, Linhas Directores no Komunidade sira. #Media PAM Bobonaro.

DÍLI (13/02/2026) – SECAM Administrasaun no Finanças, Diretora Finansas no Diretur Rekursu Umanu Municipio Bobonaro, Partisipa iha Workshoop ne’ebe hala’o husi Komisaun Funsaun Publiku (KFP) hamutuk ho Ministério Finansas (MF)  Disemina Dekretu-Lei Nu. 3/2026 Kona-ba Regime Jurídiku ba Kontrato Taballu ho Termu Sertu (Prazu Determinadu) iha Administrasaun Públiku ba linas Ministeriais, Instituisaun Direita no Indireita sira iha salaun Ministerio Finansas Aitarak Laran Dili.

Obetivu iha Workshoop Refere atu Deizemina Informasaun sira atu inteira diak liu Molok implementa baze ba legál ne’ebe forte liu hodi kontratu kazuais iha Gabinete, Instituisaun Públiku (IP), no empreza Públika (EP) mak lei foun ne’e troka fali Dekretu Governu nu. 6/ 2015.

Komisaun Funsaun Públiku (KFP) hamutuk ho Ministério das Finanças (MF) realiza workshop ida kona-ba Regime Jurídiku Kontrato Traballu ho Termu Sertu, ho objetivu atu aumenta komprensaun no kapasidade téknika ba funsionáriu públiku sira iha implementasaun kontratu ho termu serto tuir lei no regulamentu vigora.

Workshop ne’e hala’o ho partisipasaun husi reprezentante ministériu no instituisaun públiku sira, liuliu parte ne’ebé responsavel ba jestaun rekursu umanu no finansas. Iha sesaun ne’e, formador sira husi KFP no MF esplika detalhadamente kona-ba prosedimentu rekrutamentu, direitu no obrigasaun parte kontratadu no entidade empregadora, durasaun kontratu, renovasaun, no mekanizmu avaliasaun dezempeñu.

Prezidente KFP iha nia intervensaun hateten katak kontratu ho termu serto presiza halo tuir prinsipiu legalidade, transparénsia no responsabilidade, atu garante sistema funsaun públika ne’ebé efisiente no profesional. Enkuantu reprezentante husi MF mos sublinha importánsia planeamentu orsamental ne’ebé di’ak atu suporta pagamentu salariu no benefísiu sira ba traballador kontratadu.

Objetivu prinsipal husi workshop ne’e mak atu harmoniza komprensaun entre instituisaun sira, prevene interpretasaun ne’ebé la hanesan no minimiza risku konflitu laboral iha futuru. Partisipante sira mos simu oportunidade atu halo diskusaun no partilha esperiénsia kona-ba dezafiu sira ne’ebé sira hasoru iha implementasaun kontratu ho termu serto.

Ho realizasaun workshop ida ne’e, hein katak prosesu administrativu kona-ba kontratu traballu ho termu serto bele lao ho di’ak, transparénte no tuir lei vigora, hodi fortalece governasaun no servisu públiku iha Timor-Leste.

#Media_Secretario_Admin_e_Financas_2026

Maliana, 09 Fevereiru 2026, Conselho Cordenasaun Municipal (CCM) Bobonaro hala’o enkontro kordenasaun iha Salaun Maria Tapo Administrasaun Munisipal Bobonaro. Enkontro ne’e ho objetivu atu hametin kooperasaun entre instituisaun governamentál sira iha nivel munisipál, hodi asegura implementasaun programa dezenvolvimentu la’o ho di’ak no tuir planu ne’ebé define ona.

Presidente Autoridade Munisipal Bobonaro, Paulo Moniz Maia, Lic. Dir, iha ninia intervensaun fó enfáze ba dirijentes sira atu kordena, avalia no hametin liña kordenasaun servisu. “Enkontro ida ne’e atu  hametin liña koordenasaun hodi hare progresu servisu, susesu nomos dezafius ne’ebé servisus Munisipais ho delegasaun servisu sira infrenta”. Nia hatete.  

Iha okaziaun ne’e Presidente Autoridade Munisipál Bobonaro hateten katak enkontro KKM importante loos atu garante katak servisu públiku ne’ebé fó ba komunidade la’o ho efetivu no responde ba nesesidade povu. Nia mos hato’o apelu ba instituisaun hotu atu kontinua servisu hamutuk ho espírito responsabilidade no transparénsia.

Enkontro ne’e hetan partisipasaun husi Presidente Autoridade Munisipál Bobonaro, núdar Presidente Konsellu Kordenasun, Sekretariu Munisipal nain tolu (3), Diretor/a Servisu Munisipal, Diretor Delegasaun Territorial, Administrador Posto 6, representante xefe Suku 6 husi Posto 6 no ajénsia relevante sira iha munisipiu Bobonaro. Durante reuniaun, partisipante sira diskute kona-ba progresu implementasaun programa governu, desafio sira ne’ebé enfrenta, no estratéjia atu hadia koordinasaun inter-institusionál.

Liuhosi enkontro ida ne’e, espera katak koordinasaun entre setor sira iha nivel munisipál bele aumenta no kontribui ba dezenvolvimentu sustentavel hodi prepara simu politika desentralizasaun administrative iha Munisipiu Bobonaro.

Ohin loron Sesta 6 Febeereiru 2026, Ekipa Ponto Fokal Portal Munisipal hala’o enkontro kordenasaun ida hodi haforsa servisu iha Portal Munisipal, enkontru ne’e realiza iha sala reuniaun Munisipal, ho partisipasaun husi Ponto Fokal sira iha kada Servisu Munisipais nomos Delegasaun Teritorial. Enkontro ida-ne’e nia objetivu atu hametin koordenasaun no hadi’a kualidade jestaun informasaun iha Portal Munisipal.

Iha diskusaun, ekipa Ponto Fokal sira fahe esperiénsia kona-ba prosesu atualizasaun dadus, publikasaun notísia, no dezafiu sira ne’ebé hasoru iha implementasaun servisu Portal Munisipal. Sekretariu Asunto Sociais, nu’udar responsável sublinha katak Portal Munisipal sai hanesan meiu importante atu fornese informasaun ofisiál ba komunidade no instituisoens relasionadu sira.

Enkontro ne’e mos koalia kona-ba padraun servisu, regularidade atualizasaun kontéudu, no uza tecnologia informasaun ho efisiénsia no responsabilidade. Ekipa hatudu kompromisu atu fó atensaun liu ba verifikasaun dadus antes publikasaun, hodi garante informasaun ne’ebé loos no aktual.

Alénde  husi ne’e, partisipante sira simu orientasaun kona-ba partilha tarefa no papel ida-idak iha prosesu jestaun Portal Munisipal, hodi evita duplikasaun servisu no aumenta produtividade. Koordenasaun ne’e espera bele hamoris servisu ekipa no fó rezultadu di’ak liu ba institusaun.

Ho hala’o enkontro kordenasaun ida-ne’e, Ekipa Ponto Fokal Portal Munisipal espera bele haforsa kolaborasaun entre servisu sira no hadi’a kualidade informasaun públiku iha Portal Munisipal, nune’e komunidade bele asesu informasaun ho fasil no transparente.

Maliana, 02 de Fevereiro de 2026, Sekretariu Autoridade Administrasaun no Finansas Munisipiu Bobonaro Simu Representante husi WaterAid ho Direktur SMASA Ne’ebe mai Apresenta Programa WaterAid Nian ne’ebe Kolabora no Serviso Hamutuk ho SMASA atu Hala’o iha Munisipiu Bobonaro iha tinan 2026 nia Laran.
Programa Refere Maka Hanesan; Sosializasaun ka Programa Kona ba “Be’e e Saneamentu Igiene, Ne’ebe Hetan Suporta husi Governu Australia.
Iha Biban ida ne’e mos Sekretariu Autoridade Administrasaun No Finansas fo Apoio Tomak ba Programa ne’e no Fo Orientasaun ba Direktur SMASA atu akompanha no Kolabora nafatin ho WaterAid atu nune’e programa nee Bele Succeso

#Media_Secretario_Administrasaun_e_Financas

“𝐏𝐚𝐫𝐬𝐞𝐫𝐢𝐚 𝐍𝐚𝐬𝐚𝐮𝐧 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 (𝐊𝐞𝐦𝐢𝐭𝐫𝐚𝐚𝐧 𝐍𝐞𝐠𝐚𝐫𝐚 𝐛𝐞𝐫𝐤𝐞𝐦𝐛𝐚𝐧𝐠 (𝐊𝐍𝐁)) 𝐭𝐢𝐧𝐚𝐧 𝐚𝐤𝐚𝐝é𝐦𝐢𝐤𝐮 𝟐𝟎𝟐𝟔/𝟐𝟎𝟐𝟕.”

Ministériu Ensino Superior, Siênsia no Kultura (MESSK) liu husi Unidade de Parseria no Kooperasaun (UPK), hakarak informa ba públiku katak 𝐆𝐨𝐯𝐞𝐫𝐧𝐮 𝐑𝐞𝐩ú𝐛𝐥𝐢𝐤𝐚 𝐈𝐧𝐝𝐨𝐧é𝐳𝐢𝐚 liu hosi Embaixada Repúblika Indonézia, oferese 𝐁𝐨𝐥𝐬𝐚 𝐄𝐬𝐭𝐮𝐝𝐮 𝐊𝐨𝐦𝐩𝐥𝐞𝐭𝐮 ho programa “𝑷𝒂𝒓𝒔𝒆𝒓𝒊𝒂 𝑵𝒂𝒔𝒂𝒖𝒏 𝑫𝒆𝒛𝒆𝒏𝒗𝒐𝒍𝒗𝒊𝒎𝒆𝒏𝒕𝒖 (𝑲𝒆𝒎𝒊𝒕𝒓𝒂𝒂𝒏 𝑵𝒆𝒈𝒂𝒓𝒂 𝒃𝒆𝒓𝒌𝒆𝒎𝒃𝒂𝒏𝒈 (𝑲𝑵𝑩)) 𝒕𝒊𝒏𝒂𝒏 𝒂𝒌𝒂𝒅é𝒎𝒊𝒌𝒖 2026/2027.” Bolsa Estudu KNB nu’udar programa ida ne’ebé finansia tomak ba estudante internasionál sira husi nasaun ne’ebé dezenvolve hela, inklui Timor-Leste, atu hala’o estudu iha nivél 𝐋𝐢𝐬𝐞𝐧𝐬𝐢𝐚𝐭𝐮𝐫𝐚, 𝐌𝐞𝐬𝐭𝐫𝐚𝐝𝐮, 𝐧𝐨 𝐃𝐨𝐮𝐭𝐨𝐫𝐚𝐦𝐞𝐧𝐭𝐮 iha universidade selesionadu sira iha Indonézia.

𝐈𝐧𝐟𝐨𝐫𝐦𝐚𝐬𝐚𝐮𝐧 𝐤𝐥𝐚𝐫𝐮 𝐫𝐞𝐥𝐚𝐬𝐢𝐨𝐧𝐚 𝐡𝐨 𝐁𝐨𝐥𝐬𝐚 𝐄𝐬𝐭𝐮𝐝𝐮 𝐧𝐞’𝐞 𝐛𝐞𝐥𝐞 𝐚𝐬𝐞𝐬𝐮 𝐢𝐡𝐚 𝐎𝐤𝐨𝐬:

1. Prosesu aplikasaun no informasaun detallu kona-ba kritériu elejibilidade, programa estudu ne’ebé disponivél, prosedimentu rejistu, no prazu sira bele asesu iha website ofisiál programa nian iha enderesu tuirmai ( bele tama iha link):

Https://knb.kemdiktisaintek.go.id

2. Termu no Kondisaun sira ba Elejibilidade no Data Submisaun Aplikasaun:

https://mescc.gov.tl/…/bolsa-estudu-indonezia-parseria…

3. Dokumentu Ofisiál ba Bolsa Estudu refere:

https://mescc.gov.tl/…/BOLSA-ESTUDU-INDONEZIA-Parseria…

4. Bele mai hare iha kuadru avizu MESCC, Avenida Marginál no. 4 Colmera – Dili, Timor Leste ka Bele mai diretamente iha eskritóriu UPC-MESCC, iha oras serbisu nian.

Mak ne’e deit, Ba ita bo’ot sira nia atensaun ami hato’o obrigadu wain.

Loron sesta feira 23/01/2026

Inaugura ona uma/fatin ida nebe atu rai fini ba, iha area Suco Ritabou Posto Administrativo Maliana, tuir relatorio nebe Presidente Asosiasaun Nasional Produtor Fini Komersial Timor-Leste (ANAPROFIKO) hato’o katak uma nebe inaugural dadaun ba hetan suporta husi Governo Nova Zelandia liu husi Embaixadora nebe iha Timor Leste ho total fundus ba renovasaun uma refere hamotuk Dolares Americano $ 15.773,00.

Iha parte seluk governo Nova Zelandia mos apoio fatin hanesan iha Municipio tolu iha parte weste neba ho tipo apio maka renovasaun ba fatin rai fini nian. Objetivo husi fatin ida ne’e atu bele asegura no fo seguransa ba fini nebe qualidade hodi bele fornese fali ba agrikultor sira uja ba tinan naruk nian.

Presidente akresenta katak “fini maka hanesan onestidade” ho nia lema katak “Laiha fini laiha moris” tamba hare fila fali ba kotuk tempo avo sira nia fini sempre rai iha au ou butir hodi bele asegura fini nia qualidade ba future nian. Maibe depois de 2016 mai leten liu husi parseiru ida nebe hanaran Fini ba Moris (Sed of Live) hamotuk ho governo halo ona peskisa kona ba fini nebe qualidade ate to’o iha 2022 entrega ona ba Timor oan maka kaer rasik programa peskisa refere to’o ohin loron.

Hare ba susesu husi projeto fatin rai fini ida ne’e nebe hetan apoio ou fundus husi Governo Nova Zelandia liu husi Embaixadora nebe iha Timor Leste, tuir montante nebe mensi ona iha leten tuir proposta nebe hato’o on aba Embaixadora no konsege aprova orsamento tuir saida makai ta husu ba. Husi total fundus ida ne’e fahe ba Municipio hat hanesan Lauem, Manatutu, Ainaro inklui Bobonaro. Kada Municipio Asosiasaun rua maka sai benefisiario no kada asosiasaun sei heta fundus ba renovasaun fatin rai fini ho montante Dolar Amerikano $ 1,931.00 no husi apoio nebe benefisia ba parte Asosiasaun rua maka remata ona no seluk kuase atinji ona 50%. Husi fundus hirak ne’e sei fahe ba item: batako,sementi, kalen inklui tinta. Osan nebe mai husi Embaixada ne’e sobele preve ba item hirak ne’ebe temi iha leten no sei la tolera atu uja fali ba item seluk. Maibe item seluk hanesan ai-kuda-kuda, kosen, besi, triplex, pregu, fatuk raihenek, inklui transporte ne’e mai husi Asosiasaun ne’e rasik ho total $ 0,07 cent kada membru hodi bele responde ba item hirak nebe la tama iha fundus nebe apoio husi Governo Nova Zelandia.

Partisipa iha serimonia inagurasaun refere husi Secretario Asunto Sosiais, Presidente Anaprofiko Timor-Leste, Diretor Servisu Municipal Agrikultura representa xefe departamento Extensionista, Xefe do Suco Ritabou no Raifun.

Iha opurtunidade ida ne’e chefe departamento Extensionoista akresenta katak iha Asosiasaun barak maibe membru sei pasivo no la tau konsiderasaun ba programa nebe governo forma ona. Tamba hetan fiar ona husi governo liu husi ANAPROFIKO hodi bele halao serviso iha Asosiasaun ida ne’e, tamba kbi’it tomak nebe Asosiasaun prepara fatin no fini bodik ba ita nia agrikultur iha Suco ida ne’e, Posto ida ne’e espesial ba Municipio Bobonaro.

Iha parte seluk Vice Presidente ANAPROFIKO hateten katak susesu ida ne’e membru Asosiasaun hetan moa apoio husi Autoridade, media, lideres komunitaria nebe pertense ba Suco iha area nebe Asosiasaun hari ba.

#Media Sec.AssOr