𝗕𝗼𝗯𝗼𝗻𝗮𝗿𝗼, 𝟯𝟬 𝗱𝗲 𝗝𝘂𝗻𝗵𝗼 𝟮𝟬𝟮𝟲, Excelencia Presidente Autoridade Municipio Bobonaro, Sr. Paulo Moniz Maia.Lic.Dir. Halo lansamento fatuk dahuluk ba konstrusaun Muro halaeu no Salaun Apuramento CNE, Municipio Bobonaro. No mos halo lansamento Fatuk dahuluk ba konstrusaun merkadu Maumali iha suku Ritabou, Posto Administrativo Maliana, Municipio Bobonaro. Tuir Excelencia PAM Bobonaro haktuir katak, ohin ita lansamento ona projetu PDIM 2026, ba klase A no B, tuir kontratu ne’ebe mak asina ona entre Autoridade ho Kompania sira, ne’e duni hanesan Autoridade husu ba kompania sira tenke iha responsabilidade ho diak, ba konstrusaun ne’ebe mak atu halo, tenke ho kualidade ne’ebe mak diak, atu nune’e konstrusaun refere bele uza ho durasaun tempu ne’ebe mak kleur. Tamba kompania sira mak sai parseiru Governo nian hodi halo dezemvolvimento ba nasaun ida ne’e, liu-liu iha Municipio Bobonaro, konstrusaun ida ne’e, tenke tuir tempu ne’ebe mak determina ona iha kontratu.” Hateten Excelencia PAM Bobonaro.”

Kompania 𝑩𝑴-𝑮𝑬𝑵𝑼 𝑼𝒏𝒊𝒑.𝑳𝑫𝑨. ho klasifikasaun,” A.” mak sai manan nain ba Konstrusaun muro haleu no salaun apuramento CNE , Municipio Bobonaro, ho montante orsamento mak hanesan, 𝐔$ 𝟏𝟎𝟓.𝟏𝟎𝟏.𝟏𝟖. No kompania 𝑳𝑶𝑴𝑩𝑬𝑳 𝑼𝒏𝒊𝒑. 𝑳𝑫𝑨. Ho klasifiksaun,” B.” mak sai manan nain ba konstrusaun merkadu Maumali ho montante orsamento mak hanesan, 𝐔$ 𝟒𝟑𝟕.𝟎𝟔𝟑.𝟖𝟑.

Partisipasaun iha serimonia lansamento ba projeto PDIM 2026 mak hanesan, Excelencia PAM Bobonaro, Secretario Asuntu Adm, Finansas, Secretario Asunto Planeamento, Secretario asuntu Sociais, Linhas Directores sira hotu, Administrador Posto sira, Asesor, tekniku enginaria, Autoridade Lokal, Director Kompania Sira no mos komunidade sira.

#𝐑𝐞𝐦𝐚𝐭𝐚

#𝐌𝐞𝐝𝐢𝐚 𝐏𝐀𝐌 𝐁𝐨𝐛𝐨𝐧𝐚𝐫𝐨.