𝑩𝒐𝒃𝒐𝒏𝒂𝒓𝒐, 23 𝒅𝒆 𝑱𝒖𝒏𝒉𝒐 2026, Sua Excelencia Presidente Autoridade Municipio Bobonaro, Sr. Paulo Moniz Maia, Lic.Dir. ne’ebe akompanha husi Secretario Asuntu Planeamento, Secretario Asuntu Sociais, Loke konaba sosializasaun planu munisipal ordenamento territoriu ( PMOT) ordem publiku no ijiene, iha Posto Administrativu Atabae, Municipio Bobonaro.

Sosializasaun ne’e haktuir iha Decreitu Lei Numeru 34/2025, loron 15 fulan Outubro, sesta alterasaun ba decreito Lei No, 3/2016, konaba estatuto Autoridade no Grupo tekniku interministerial ba Desentralizasaun,espesifikamente iha artigu 25, iha numeru 1, alinea A, katak Presidente Autoridade Munisipal representa Governo sentral.

Sirkural ida ne’e estabelese hodi konjuntu regra sira ne’ebe haktuir iha dekreitu Lei no Artigu sira hodi tau iha konsiderasaun. Atu organiza sidade no jere funsionamento inklui fasilidade publiku sira ( estrada, kanal irigasaun, Mobiliariu urbana, edificiu Publiku, nst ). Iha sidade kapital Municipiu to’o ba aldeia sira no atu evita soe foer ka lisu arbiru iha fatin publiku, labele fase kareta no motor uza be’e irigasaun, no fase iha estrada ninin, labele husik animal livre no kesi animal iha sidade urbana, fakar material konstrusaun iha estrada laran hodi impede movimentasaun ema no transporte sira iha espasu publiku. Ne’e duni hanesan Presidente Autoridade Municipio Bobonaro husu atu hotu-hotu ho konsensia lao tuir regras ne’ebe mak iha. No Autoridade sei servisu hamutuk ho parte seguransa hanesan PNTL, FFDTL hodi hadia Municipio Bobonao sai mos no diak iha futuru oin mai.” Hateten PAM Bobonaro.”

Aktividade sosializasaun ne’e sei halao iha posto 6 ne’ebe mak lokaliza iha Municipio Bobonaro. Partisipa iha sosializaun ne’e mak hanesan, Excelencia PAM Bobonaro, Secretario Asuntu Planeamento, Ssecretariu Asuntu Sociais, Komando PNTL Municipio Bobonaro, Linhas Directores relevantes, Administrador Posto Administrativo Atabae, Veteranus, Funsionario sira, no mos Komunidade.

@ 𝑹𝒆𝒎𝒂𝒕𝒂

#𝑴𝒆𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐.