𝑩𝒐𝒃𝒐𝒏𝒂𝒓𝒐, 𝟮𝟰 𝒅𝒆 𝑱𝒖𝒏𝒉𝒐 𝟮𝟬𝟮𝟲, sua excelencia Presidente Autoridade Municipio Bobonaro, Sr, Paulo Moniz Maia, Lic.Dir. ne’ebe akompanha husi Secretario Asuntu Planeamento, Loke sosializasaun ba daruak konaba, Planu Munisipal Ordenamento Territoriu ( PMOT ) Ordem Publiku no Ijiene, iha Posto Administrativu Balibo, Municipio Bobonaro.

Sosializasaun ne’e haktuir iha Decreitu Lei Numeru 34/2025, loron 15 fulan Outubro, sesta alterasaun ba decreito Lei No, 3/2016, konaba estatuto Autoridade no Grupo tekniku interministerial ba Desentralizasaun,espesifikamente iha artigu 25, iha numeru 1, alinea A, katak Presidente Autoridade Munisipal representa Governo sentral.

Sirkural ida ne’e estabelese hodi konjuntu regra sira ne’ebe haktuir iha dekreitu Lei no Artigu sira hodi tau iha konsiderasaun. Atu organiza sidade no jere funsionamento inklui fasilidade publiku sira ( Estrada, Kanal Irigasaun, Mobiliariu Urbana, Edificiu Publiku, nst ). Iha sidade kapital Municipiu to’o ba aldeia sira no atu evita soe foer ka lisu arbiru iha fatin publiku, labele fase kareta no motor uza be’e irigasaun, no fase iha estrada ninin, labele husik animal livre no kesi animal iha sidade urbana, fakar material konstrusaun iha estrada laran hodi impede movimentasaun ema no transporte sira iha espasu publiku. Ne’e duni hanesan Presidente Autoridade Municipio Bobonaro husu atu hotu-hotu ho konsensia lao tuir regras ne’ebe mak iha. No Autoridade sei servisu hamutuk ho parte seguransa hanesan PNTL, FFDTL hodi hadia Municipio Bobonao sai mos no diak iha futuru oin mai.” Hateten PAM Bobonaro.”

Aktividade sosializasaun ne’e sei halao iha posto 6 ne’ebe mak lokaliza iha Municipio Bobonaro. Partisipa iha sosializaun ne’e mak hanesan, Excelencia Presidente Autoridade Municipio Bobonaro, Secretario Asuntu Planeamento, Secretariu Asuntu Sociais, Komando PNTL Municipio Bobonaro, Linhas Directores relevantes, APA Balibo, Veteranus, Funsionario sira, no mos Komunidade.

#𝑅𝑒𝑚𝑎𝑡𝑎

#𝑀𝑒𝑑𝑖𝑎 𝑃𝐴𝑀 𝐵𝑜𝑏𝑜𝑛𝑎𝑟𝑜.