𝐀𝐢𝐥𝐞𝐮 𝐓𝐞𝐫𝐬𝐚-𝐟𝐞𝐢𝐫𝐚 𝟐𝟖 𝐝𝐞 𝐉𝐮𝐥𝐡𝐨 𝟐𝟎𝟐𝟔, Excelencia Presidente Autoridade Municipio Bobonaro, partisipa iha serimonia Tomada de Pose, Excelencia Presidente Autoridade Municipio Aileu, ne’ebe mak fo pose husi S.E. Ministru Administrasaun Estatál (MAE), 𝐓𝐨𝐦á𝐬 𝐝𝐨 𝐑𝐨𝐬á𝐫𝐢𝐨 𝐂𝐚𝐛𝐫𝐚𝐥, hamutuk ho membru Governu MAE.

Iha Nia diskursu, S.E. Ministru MAE afirma ba PAM foun atu hala’o nia kna’ar nu’udar Governu Lokál ne’ebé reprezenta Governu Sentral, ba tranzisaun no preparativus implementasaun Poder Lokál iha Aileu, tuir programa IX Governu Konstitusionál nian ba polítika desentralizasaun poder lokál.

S.E. Ministru MAE apela mós ba funsionáriu Servisu Munisipál Aileu atu servisu ho di’ak no responsabilidade nu’udar funsionáriu administrasaun públiku atu servisu hamutuk ho parseiru sira hanesan PNTL, F-FDTL, Veteranu, ONG no entidade sira seluk iha Munisípiu Aileu hodi asegura pás no estabilidade, nune’e bele lori dezenvolvimentu ba povu iha Aileu.

Iha okaziaun hanesan, PAM Aileu emposadu, Sr. Jacinto Ribeiro Dias husu mós ba funsionáriu sira iha Aileu atu servisu hamutuk ho entidade sira hotu hodi lori Aileu ba oin. PAM foun ne’e kompromete atu lori dezenvolvimentu to’o iha suku no aldeia, liuliu ba asesu bee, eletrisidade no estrada rurál sira ne’ebé durante ne’e povu Aileu enfrenta hela.

PAM Jacinto Ribeiro Dias hato’o mós agradesimentu ba IX Governu Konstitusionál ne’ebé lidera husi S.E. Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨 ne’ebé fó konfiansa ba nia atu assume kna’ar ne’e. Nu-entantu Nia rekoñese mós servisu sira ne’ebé PAM sesante halo ona durante nia mandatu, no afirma katak nu’udar PAM foun sei kontinua servisu sira ne’ebé seidauk finaliza.

PAM foun Aileu afirma tan katak sei servisu hamutuk ho kamada intelektuál sira nu’udar poténsia Munisípiu Aileu nian atu lori rekonsiliasaun to’o ba povu iha suku sira.

Partisipa iha serimonia ne’e Ministru Administrasaun Estatal, ho membro Governo sira, PAM Municipio sira hotu, Autoridade Lokal sira, no mos komunidade sira hotu.

#Remata

#Media PAM Bobonaro