𝐁𝐨𝐛𝐨𝐧𝐚𝐫𝐨, 𝟏𝟓 𝐝𝐞 𝐉𝐮𝐧𝐡𝐨 𝟐𝟎𝟐𝟔, Ekipa husi Ajensia PARTISIPA marka audensia ho Excelencia Presidente Autoridade Municipio Bobonaro,Sr. Paulo Moniz Maia. Lic.Dir. Akompanha husi Secretario Asuntu Administrasaun Finansas, Secretario Asuntu Planeamento, Secretario Asuntu Sociais, iha salaun enkontru VIP Municipio Bobonaro.

Iha audensia ne’e Team Leader – EMER Purdon informa ba S.E, Presidente Autoridade Munisipál ho Secretarui Autoridade nain 3, kona-ba estrutura foun husi PARTISIPA nian ne’ebé sei hakat ba faze segundo ( II ), hahú iha fulan Julho 2026 ne’ebé antes ne’e iha funsionáriu nain 3 destakadu iha PNDS, nain 1 iha SMASA no Nain 1 iha Obras Pública, Motorista nain 2 no Asesór Governasaun lokál. Ho mudansa estrutura iha faze segundo (II) nian, iha deit ema nain 3 mak hanesan: Asesor Governasaun lokál, Coordenadór Finansas inklusivu no Coordenadór Infraestrutura Reziliénte. Sei iha Motorista ida destakadu hodi apoio sira nian servisu. Liu husi planu antes ne’e no sei remata iha fulan Junho 2028.

Tuir Sua excelencia Presidente Autoridade Munisipál haktuir katak, Agradese ba PARTISIPA nia servisu ne’ebe fo apoio ba Governo Timor-Leste e liliu iha Municipio Bobonaro.

Hanesan Autoridade Munisipiu Bobonaro em prinsipiu simu apoiu pesoál sira ne’ebé atu mai reforsa servisu – Maske husi parte ne’ebé deit tantu Governo ou Ajensia, hotu-hotu servisu ba dezenvolvimentu rai ida ne’e no povu ida ne’e nia diak;

Nune’e, Autoridade Munisipio Bobonaro nafatin presiza ajuda, liliu husi Pais Vijinho hanesan Australia agora iha nia programa ida ne’ebé dadaun ne’e fornese apoio ba Munisipiu (PARTISIPA).” Hateten PAM Bobonaro.”

iha audensia ne’e entrega mos livro relatorio Progresu serbisu PARTISIPA nian tinan 2026.

# Remata

#Media PAM Bobonaro