π‘¬π’π’Œπ’π’π’•π’“π’– 𝑷𝒓𝒆𝒑𝒂𝒓𝒂𝒔𝒂𝒖𝒏 π‘²π’π’Žπ’Šπ’”π’‚π’–π’ 𝒃𝒂 π‘½π’Šπ’”π’Šπ’•π’‚ π‘·π’“π’Šπ’Žπ’†π’Šπ’“π’– π‘΄π’Šπ’π’Šπ’”π’•π’“π’– π’Šπ’‰π’‚ π‘΄π’–π’π’Šπ’”π’ŠΜπ’‘π’Šπ’– 𝑩𝒐𝒃𝒐𝒏𝒂𝒓𝒐 Post iha: 23 February 2026

  • Baranda
  • NotΓ­sias
  • π‘¬π’π’Œπ’π’π’•π’“π’– 𝑷𝒓𝒆𝒑𝒂𝒓𝒂𝒔𝒂𝒖𝒏 π‘²π’π’Žπ’Šπ’”π’‚π’–π’ 𝒃𝒂 π‘½π’Šπ’”π’Šπ’•π’‚ π‘·π’“π’Šπ’Žπ’†π’Šπ’“π’– π‘΄π’Šπ’π’Šπ’”π’•π’“π’– π’Šπ’‰π’‚ π‘΄π’–π’π’Šπ’”π’ŠΜπ’‘π’Šπ’– 𝑩𝒐𝒃𝒐𝒏𝒂𝒓𝒐

Maliana, 23 Fevereiru 2026 – Autoridade MunisΓ­pal Bobonaro hala’o reuniaun preparasaun ho komisaun organizadora hodi simu visita ofisial husi Primeiru Ministru Kay Rala Xanana GusmΓ£o iha MunisΓ­piu Bobonaro.

Reuniaun ne’e lidera husi Presidente Autoridade MunisΓ­pal, Paulo Moniz Maia, Lic. Dir. ne’ebΓ© envolve membru komisaun sira husi Γ‘rea seguransa, protokolu, lojΓ­stika, saΓΊde no komunikasaun sosial. Objetivu husi reuniaun ne’e mak atu asegura preparasaun hotu lao ho di’ak no ordenadu durante visita ne’ebΓ© planu atu realiza iha loron hirak tuir mai.

Iha preparasaun ne’e, komisaun diskute kona-ba ajenda ofisial Primeiru Ministru, inklui vizita ba projetu dezenvolvimentu, enkontru ho lideransa lokal no komunidade sira, no mos momentu dialogu ho funsionΓ‘riu pΓΊbliku sira iha MunisΓ­piu.

Presidente Autoridade MunisΓ­pal hateten katak visita ne’e importante tebes hodi haree diretamente progresu dezenvolvimentu iha Bobonaro no mos atu rona aspirasaun komunidade sira. Nia mos husu ba komisaun hotu-hotu atu servisu ho responsabilidade no koordinasaun di’ak.

Ho preparasaun ne’ebΓ© metin no koordenadu, Autoridade MunisΓ­pal Bobonaro espera katak visita Primeiru Ministru sei fΓ³ impaktu positivu ba implementasaun politika desentralizasaun nomos poder lokal iha futuru.

#Media_Portal_Municipal

#Presidente Autoridade Municipio Bobonaro

Β© 2026 Autoridade Municipio Bobonaro