Atividade Servisu Ajensia Fiskalizasaun halo Inspesaun ba iha Armajen protesaun Desastre Munisipal Bobonaro
Maliana, 02/02/2026, Fatin armajen Maliana Director Ajensia Fiskalizasaun hamutuk ho ekipa hala’o inspesaun ba iha Armazen Protesaun Dezastre nia iha soso Maliana hodi hare direta ba sasan sira ne’ebe maka liu ona Prazu, iha Inspesaun ne’e, ekipa Ajensia Fiskalizasaun detekta Fos ho marka Manu Vitoria iha Sakas 71 maka liu ona Prazu, Mie Sedaap iha Dos 13, no Susu Dancow iha dos 1 ho total hamutuk sasan sira ne’ebe prazu liu hamutuk 85.
Haktuir inspesaun katak sasan hirak nebe maka liu ona prasu sei rekolha no lori ba soe iha fatin maibe sei hein karta nebe hato’o ona ba Exelesia PAM no hetan ona orientasaun hafoin destroi sasan hirak nebe liu ona tempo.
Tuir Decreto Lei No 84/2023 de 29 de Dezembru ho nia alterasaun Decreto Lei No.3/2016 de 16 de Marsu, ho DM No.85/2023 Artigo 59 to’o 60 Alinha 1, 2, 3, hodi fo kompetensia ba iha servisu Ajensia Fiskalizasaun Munisipal Hodi hala’o nia kna’ar ba iha inspesaun no Auditoria kona ba iha armazen Protesaun Dezastre iha Postu Maliana, Munisipiu Bobonaro.
