Loron Sexta-feira 23 de Janeiro 2026, horas: 14.00 htl, fatin: Salao Centru Integrado Mota-Ain realiza encontro coordenasaun entre dirijente Autoridade Munisipio Bobonaro (Secretario Planeamento Investimento e Dezenvolvimentu Integradu, Diretor Agencia Planeamento, Diretor Obras Publicas e Transporte, Diretor Gestao Mercado e Turismo, Administrador Posto Administrativo Balibo no Chefe Suku Batugade) ho dirijente sira Centru Integrado Mota-Ain (Chefe Alfandega, Comandante Imigrasaun, Comandante Transito, Chefe DNTT, Chefe MCI no Coordenador Centru Integrado Mota-Ain) hodi koalia hamutuk kona ba espaso sira iha Centru Integrado Mota-Ain, para bele jere hodi recolha taxa ruma husi estasionamento nian.
Objetivu marka audensia ne’e bazeia ba orientasaun husi Presidente Autoridade Munisipio Bobonaro nian.
Informasaun sira ne’ebé recolha iha encontro coordenasaun ho dirijente sira iha Mota-Ain mak hanesan tuir mai:

1. Chefe Alfandega informa katak Diretor ne’ebé responsabiliza iha area ne’e sei tun ba Dili, hela deit ami ema tekniku, la iha kompetensia atu deside espaso ne’ebé hodi recolha taxa no hakarak informa ba ita hotu katak kareta boot sira ne’ebé tama husi Alfandega mos recolha taxa, husi Policia Transito mos recolha taxa no husi DNTT mos recolha taxa. Area ne’e mos iha movimentu internasional, karik atu aplika tan taxa ruma presiza iha diskusaun diak ho dirijente sira iha nivel nasional, atu nune loron ikus labele mosu desentendimentu entre ita ho ita nia vizinho Indonesia. Informa mos karik bele Autoridade Munisipio Bobonaro bele kria kondisaun balun iha liur Centru Integrado nian, hodi recolha taxa estasionamento nian ba kareta no motorizadas ne’ebé kada loron aumenta ba beibeik.
2. Comandante Imigrasaun, ami la iha kompetensia atu jere espaso Centru Integrado Mota-Ain, maibe hanesan Cidaduan bele fo ami nia hanoin katak Centru laran bele tau sinal ruma no kria kartis para recolha taxa estasionamento husi kareta no motorizadas ne’ebé tama sai iha Centru Integrado Mota-Ain.
3. Comandante Policia Transito ható katak kareta sira ne’ebé tama selu iha taxa no ami la iha kompetensia atu halo tan estasionamento iha ne’e.
4. DNTT mos hanesan, ami la iha kompetensia, ami ema tekniku no ami sujere ba Autoridade Munisipio Bobonaro bele halo coordenasaun ho dirijente sira iha nivel nasional.
   Rezultadu encontro coordenasaun:
   Presiza iha coordenasaun diak ho dirijente sira iha nivel nasional, antes atu deside liu espaso sira iha Centru Integrado Mota-Ain nian, atu nune karik realiza bele fo satisfasaun ba ema hotu.
   Obrigado wain.

#Media_Sec_PIDI