VISAUN
Visaun ne’e deklarasaun ida ne’ebé hateke dook ba oin, deklarasaun inspirasionál ida ne’ebé deskreve organizasaun ida nia mehi liu-husi aspirasaun longu-termu ida atu sai oinsa iha futuru, visaun mós serve hanesan mata-dalan ida ba planeamentu estratéjiku no prosesu hola dezisaun ninian. Tuir definisaun peritu iha jestaun estratéjiku, sira defini visaun ne’e oreintasaun futuru ida, aprezenta pintura idealistiku ida ba susesu organizasaun ninain ne’eb’e ambisaun, klaru, no fornese sentidu objetivu no diresaun ba funsionáriu no parseiru sira atu bele hateke iha prestasaun servisus sira husi organizasaun ne’e rasik.
Iha kontekstu planu ida ne’e ninian, Autoridade Munisipál define ona visaun ba Munisípiu Bobonaro iha tinan 5 ba oin mak hanesan tuir mai ne’e:
“ Transforma ekonomia Munisípiu Bobonaro ba ekonomia ida ho nivél médiu, hodi asegura qualidade moris no hasae reziliénsia”
MISAUN
- Melora no promove Kualidade Rekursus Umanu Munisípiu Bobonaro liu-husi eduksaun no formasaun profisionál hodi sai ajente ba transformasaun ekonomia iha Munisipio Bobonaro;
- Promove servisus importante sira hanesan saúde, edukasaun, protesaun sosiál no inkluzaun hodi presta servisus ba komunidade sira ho profisionál;
- Investe iha seitór produtivu sira hanesan Tourismu, Agrikultura (Agrikultura, Pecuaria, Pescas) hodi hasae rendimentu ne’ebé bele sustenta funsionamentu estadu iha nivél Munisípiu no hasae kualidade moris komunidade ninian;
- Promove Seitór Privadu iha Munisípiu Bobonaro hodi sai parseiru ida forte ba Governu, nune’e sira bele halo investimentu barak liu tan iha area estratéjiku hodi kria oportunidade serbisu ba joven no ema idade produtivu sira;
- Harí instituisaun públiku sira ho profesionál no akuntavél hodi jere rekursus públiku ho efisiente hodi kontribui ba kreximentu ekonomia no hasae rezilénsia;