𝐒𝐔𝐀 π„π—π‚π„π‹π„Μππ’πˆπ€ ππ‘π„π™πˆπƒπ„ππ“π„ π€π”π“πŽπ‘πˆπƒπ€πƒπ„ πŒπ”ππˆπ’πˆππ€Μπ‹ ππŽππŽππ€π‘πŽ ππ€π‘π“πˆπ’πˆππ€ πˆπ‡π€ πŠπŽπŒπ„πŒπŽπ‘π€π’π€π”π π€ππˆπ•π„π‘π’π€Μπ‘πˆπ” πŸ‘πŸŽ 𝐃𝐄 π€π”π†π”π’π“πŽ 𝐁𝐀 𝐃𝐀𝐋𝐀-πŸπŸ•. Post iha: 10 September 2026

  • Baranda
  • NotΓ­sias
  • 𝐒𝐔𝐀 π„π—π‚π„π‹π„Μππ’πˆπ€ ππ‘π„π™πˆπƒπ„ππ“π„ π€π”π“πŽπ‘πˆπƒπ€πƒπ„ πŒπ”ππˆπ’πˆππ€Μπ‹ ππŽππŽππ€π‘πŽ ππ€π‘π“πˆπ’πˆππ€ πˆπ‡π€ πŠπŽπŒπ„πŒπŽπ‘π€π’π€π”π π€ππˆπ•π„π‘π’π€Μπ‘πˆπ” πŸ‘πŸŽ 𝐃𝐄 π€π”π†π”π’π“πŽ 𝐁𝐀 𝐃𝐀𝐋𝐀-πŸπŸ•.

𝑴𝒂𝒏𝒂𝒕𝒖𝒕𝒐, 30 π‘¨π’ˆπ’π’”π’•π’– 2026.

Sua ExelΓ©nsia Prezidente Autoridade MunisΓ­piu Bobonaro, Sr. Paulo Moniz Maia, Lic. Dir akompaΓ±a husi SECAM Assuntu PIDI no AdministradΓ³r Postu Administrativu postu (6) partisipa iha marsa saudΓ‘vel hodi komemora loron konsulta popular 30 de Augusto Ba Dala-27, iha munisΓ­piu Manatuto.

Iha Γ‘mbitu Komemorasaun AniversΓ‘riu ba dala-27 Loron Konsulta Popular, Governu Timor-Leste liu husi MinistΓ©riu Administrasaun EstatΓ‘l hamutuk ho Autoridade MunisΓ­piu Manatuto realiza Marsa SaudΓ‘vel ho partisipasaun husi membru governu, autoridade militΓ‘r, polΓ­sia, Prezidente Autoridade munisΓ­piu 12 inklui RAEOA no rejiaun administrativa AtaΓΊro, funsionΓ‘riu pΓΊbliku no komunidade Manatuto.

Marsa SaudΓ‘vel ne’e hahΓΊ iha Ponte MunisΓ­piu Manatuto no termina iha Kampo Obrato, fatin prinsipΓ‘l ba serimΓ³nia komemorasaun loron istΓ³riku 30 de Agostu.

Atividade ne’e la’os de’it atu promove saΓΊde no atividade fΓ­zika, maibΓ© mΓ³s nu’udΓ‘r sΓ­mbolu unidade, espΓ­ritu patriotizmu no kbiit koletivu povu Timor-Leste nian hodi hanoin hikas luta no sakrifΓ­siu iha tinan 1999.

Sua ExelΓ©nsia Ministru Administrasaun EstatΓ‘l, TomΓ‘s do RosΓ‘rio Cabral ne’ebΓ© partisipa direita iha marsa ne’e hateten katak saΓΊde mak fundamentu ba dezenvolvimentu nasaun. Governu hakarak povu saudΓ‘vel, forte no prontu atu kontinua konstrui nasaun tuir espΓ­ritu 30 de Agostu.

Povu Manatuto hamutuk ho Governu marsa ba dame, marsa ba dezenvolvimentu, marsa ba Ukun Rasik-An.

Hafoin marsa, atividade kontinua ho serimΓ³nia ofisiΓ‘l, animasaun kulturΓ‘l nomos introdusaun husi autoridade munisΓ­piu sira iha Kampo Obrato. Eventu ne’e nakonu ho animasaun sira ne’ebΓ© fΓ³ ksolok ba populasaun sira liu husi distribui door prize hanesan, telefone, laptop, bisikleta, jeleira no mΓ‘kina fase roupa, prΓ©miu sira ne’e distribui husi membru governu sira ba populasaun sira iha munisipiu Manatuto.

Eventu ne’e, kontinua ho animasaun mΓΊzika husi banda EstatΓ‘l, Lahane group, banda arquiris, Anar band ho Grupo mΓΊzika Laclubar.

#Remata

#MΓ©dia PAM Bobonaro

Β© 2026 Autoridade Municipio Bobonaro