𝐁𝐚𝐭𝐮𝐠𝐚𝐝𝐞, 𝐊𝐮𝐚𝐫𝐭𝐚-𝐅𝐞𝐢𝐫𝐚, 𝟑𝟎 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔 – Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic. Dir, partisipa iha sorumutu ho Vise-Ministru Administrasaun Estatál, Sekretáriu Estadu Asuntu Toponímia no Organizasaun Urbana no parte relevante sira hodi ko’alia kona-bá kontinuasaun planu ba harii estasionamentu Batugade (Mota-Ain).

Enkontru refere hanesan kontinuasaun husi enkontru iha fulan hirak liubá no bazeia ba atividade levantamentu dadus ne’ebé realiza ona husi ekipa responsável husi munisípiu. Iha enkontru ne’e, Exelénsia SEATOU halo mós konfirmasaun ho ekipa responsável ba levantamentu dadus nian hodi hatene lolos katak dadus hirak ne’ebé foti ona, loos no bazeia ba situasaun iha terrenu.

Iha tempu hanesan, realiza mós diálogu nakloke ho komunidade afetadu sira ba planu refere. Iha atividade diálogu ne’e rasik, Exelénsia Prezidente Autoridade Munisípiu Bobonaro husu ba komunidade hotu atu kontribui no kolabora ho di’ak, wainhira ekipa halo implementasaun ba planu ne’ebé iha ona. “𝐸𝑛𝑘𝑜𝑛𝑡𝑟𝑢 𝑜ℎ𝑖𝑛 𝑙𝑜𝑟𝑜𝑛 𝑛𝑒’𝑒 ℎ𝑎𝑛𝑒𝑠𝑎𝑛 𝑘𝑜𝑛𝑡𝑖𝑛𝑢𝑎𝑠𝑎𝑢𝑛 ℎ𝑢𝑠𝑖 𝑒𝑛𝑘𝑜𝑛𝑡𝑟𝑢 𝑙𝑢𝑏𝑢𝑘 𝑖𝑑𝑎 𝑛𝑒’𝑒𝑏𝑒́ 𝑙𝑖𝑢 𝑜𝑛𝑎, 𝑛𝑢𝑛𝑒’𝑒 ℎ𝑢𝑠𝑢 𝑏𝑎 𝑘𝑜𝑚𝑢𝑛𝑖𝑑𝑎𝑑𝑒 𝑠𝑖𝑟𝑎 𝑙𝑖𝑢 𝑙𝑖𝑢 𝑖𝑑𝑎 𝑛𝑒’𝑒𝑏𝑒́ 𝑎𝑓𝑒𝑡𝑎𝑑𝑢, 𝑎𝑡𝑢 𝑘𝑜𝑙𝑎𝑏𝑜𝑟𝑎 ℎ𝑜 𝑑𝑖’𝑎𝑘 𝑛𝑎𝑓𝑎𝑡𝑖𝑛, 𝑛𝑢𝑛𝑒’𝑒 𝑝𝑙𝑎𝑛𝑢 ℎ𝑖𝑟𝑎𝑘 𝑛𝑒’𝑒𝑏𝑒́ 𝑖ℎ𝑎 𝑏𝑒𝑙𝑒 𝑖𝑚𝑝𝑙𝑒𝑚𝑒𝑛𝑡𝑎 ℎ𝑜 𝑑𝑖’𝑎𝑘. 𝑇𝑎𝑚𝑏𝑎 𝑤𝑎𝑖𝑛ℎ𝑖𝑟𝑎 𝑒𝑠𝑡𝑎𝑏𝑒𝑙𝑒𝑠𝑒 𝑜𝑛𝑎 𝑒𝑠𝑡𝑎𝑠𝑖𝑜𝑛𝑎𝑚𝑒𝑛𝑡𝑢 𝑟𝑒𝑓𝑒𝑟𝑒, 𝑚𝑎𝑘𝑎 𝑛𝑖𝑛𝑖𝑎 𝑏𝑒𝑛𝑒𝑓𝑖́𝑠𝑖𝑢 𝑠𝑒𝑖 𝑑𝑖𝑟𝑒𝑡𝑎𝑚𝑒𝑛𝑡𝑒 𝑏𝑎 𝑘𝑜𝑚𝑢𝑛𝑖𝑑𝑎𝑑𝑒 𝑖ℎ𝑎 𝑠𝑢𝑘𝑢 𝐵𝑎𝑡𝑢𝑔𝑎𝑑𝑒”.

Partisipa iha enkontru refere; Diretór Jerál Transporte, Diretór Nasionál Terras no Propriedades, Diretóra Jerál Toponímia no Organizasaun Urbana, Diretór Nasionál Edifikasaun Obras Públiku, Diretór Aduaneiru, Segundu Komandante Komando Polísia Munisípiu Bobonaro, Reprezentante Imigrasaun, Reprezentante Alfándega, Administradór Postu Administrativu Balibo, Atabae no Maliana, Diretores Servisus Munisipais relevante sira, Xefe Suku sira, komunidade afetadu sira, funsionáriu no média sira.

#Remata

#𝗠𝗲́𝗱𝗶𝗮 𝗣𝗔𝗠 𝗕𝗼𝗯𝗼𝗻𝗮𝗿𝗼