𝐌𝐚𝐥𝐢𝐚𝐧𝐚, 𝐒𝐞𝐠𝐮𝐧𝐝𝐚-𝐅𝐞𝐢𝐫𝐚, 𝟎𝟓 𝐎𝐮𝐭𝐮𝐛𝐫𝐮 𝟐𝟎𝟐𝟔

Sua Exelénsia Prezidente Autoridade Munisípiu Bobonaro, Sr. Paulo Moniz Maia, Lic.Dir, partisipa iha palestra ho tema ”𝑃𝑎𝑝𝑒𝑙 𝑛𝑜 𝐾𝑜𝑛𝑡𝑟𝑖𝑏𝑢𝑖𝑠𝑎𝑢𝑛 𝑃𝑟𝑒𝑙𝑎𝑑𝑢 𝑠𝑖𝑟𝑎 𝑖ℎ𝑎 𝑃𝑟𝑜𝑠𝑒𝑠𝑢 𝐿𝑢𝑡𝑎 𝑏𝑎 𝐷𝑖𝑔𝑛𝑖𝑑𝑎𝑑𝑒 𝑝𝑜𝑣𝑢 𝑇𝑖𝑚𝑜𝑟-𝐿𝑒𝑠𝑡𝑒” , ne’ebé organiza husi Eskola Sekundária Katólika Colégio Infante de Sagres Maliana, hodi selebra loron aniversáriu Colégio Infante de Sagres Maliana ba dala 78.

Iha breves palavras, Exelénsia hato’o apresiasaun ba komisaun organizadora ba atividade refere, tamba iha inisiativa di’ak hodi konvida oradór prinsipál hanesan Pe. Dr. Domingos Alves da Costa, hodi partilla informasaun sira kona-bá Igreja nia kontribuisaun ba prosesu luta libertasaun pátria, espesifikamente preladu sira; Dom Jaime Garcia Goulart, Dom José Joaquim Ribeiro, Mons. Martinho da Costa Lopes no Dom Alberto Ricardo da Silva.

Exelénsia mós subliña katak, estudante sira tenke aproveita no rona ho di’ak ba palestra sira hanesan ne’e, tamba atividade sira hanesan ne’e esensiál tebes ba foinsa’e sira atu hatene ho klaru liután kona-bá istória Timor-Leste nian.

Atividade refere partisipa mós husi APA Maliana, Segundu Komandante Komando Polísia Munisípiu Bobonaro, Komando Korpu Bombeirus Munisípiu Bobonaro, Reprezentante Komandante F-FDTL destakadu kompaña Tunubibi, Reverendu Padre sira, Reverenda Madre sira, Profesór/a sira no estudante sira.

𝑹𝒆𝒎𝒂𝒕𝒂 “𝑴𝒆́𝒅𝒊𝒂 𝑷𝑨𝑴 𝑩𝒐𝒃𝒐𝒏𝒂𝒓𝒐”