Maliana, 30/07/2026, Excelência Presidente Autoridade munisipál Bobonaro, Sr. Paulo Moniz Maia, Lic. Dir, hala’o enkontru ho ekipa husi ADN.IP hodi diskute kona ba planu harii monumento saudoza Maria Tapo iha Maliana.

Inisiativa ida ne’e hanesan kompromisu Governo sentrál no esforsu autoridade munisipál nian hodi valoriza sakrifisiu husi Saudoza rasik. Nune’e mós preserva istória no kontribuisaun figura ne’ebé iha valor ba komunidade no Munisípiu.

Depois de remata enkontru, Excelência Presidente Autoridade lori kedas ekipa hodi ba vizita fatin ne’ebé desidi ona husi Autoridade ba konstrusaun refere.

Enkontru ne’ebé realiza iha Salaun VIP Autoridade ne’e, lidera direta husi Excelência Presidente Autoridade no marka mós prezensa husi Secretário Munisipál sira, Presidente Konsellu Veteranus Munisípiu Bobonaro, Diretór Terras e Propriedades, Diretór Obras Públiku, Diretór PDIM, Diretór Aprovisionamento, Diretór Planemanto no mós ekipa tékniku balun.

#remata

#Media PAM Bobonaro