Vizaun, Misaun, Metas Objetivu, Valór no Prinsípiu Suco nian

Vizaun Suku ATUDARA

Lideransa Suku Atudara hamutuk ho ninia Komunidade tomak hatur vizaun suku nian maka hanesan:

“Promove Suku Atudara sai matak, kualidade, unidu, independente, lindu, no inkluzivu hodi asegura Atudara oan tomak nia hakarak ba moris diak”.

Misaun Suku ATUDARA

Atu atinji vizaun ne’ebé deskreve ona iha leten, Suku Atudara defini no misaun sira mak hanesan:

1. Promove jestaun ambiente verde, saudavel no sustentavel hodi garante balansu natureza no sustentabilidade rekursu ba jerasaun futuru Atudara oan sira nian.
2. Promove kualidade moris povu Atudara nian liu husi garantia prestasaun kualidade servisu báziku iha dominiu edukasaun, saude no ekonomia.
3. Hametin unidade, solidariedade, no armonia sosiál entre família, grupu tradisionál, foinsa’e sira, no rezidente hotu-hotu hodi mantein estabilidade no koezaun komunitaria. 
4. Enkoraja independénsia komunidade nian liuhosi fortalesimentu kapasidade família no grupu iha jestaun ekonomia lokál, rekursu, no dezenvolvimentu ho sustentável.
5. Kria ambiente ne’ebé mos, seguru, ordenadu no konfortavel liuhosi jestaun ijiene no orden publiku ho partisipativu.
6. Asegura katak sidadaun hotu-hotu, inklui grupu vulneravel sira, hetan direitu, servisu, protesaun no oportunidade ne’ebé justu iha prosesu dezenvolvimentu.

Meta sira ba Dezenvolvimentu iha Suku Atudara

Vizaun no Misaun iha leten transforma hikas ba Meta sira Dezenvolvimentu iha Suku Atudara hanesan tuir mai ne’e:

1. Ambiente Suku matak/verde, saudavel no sustentável ho protesaun ba natureza no rekursu lokál sira promovidu. 
2. Kualidade moris Atudara-oan sira nian promovidu.
3. Unidade, solidariedade, armonia sosial sidadaun sira nian hodi partisipa iha atividade sosiál, kulturál, no tradisionál aseguradu no prezervadu.
4. Independensia komunidade nian iha jestaun ekonomia, sosial no dezenvolvimentu dezenvolvidu.
5. Espasu abitasional ne’ebé mos, organizadu, seguru hodi favorese ba saúde públiku ejiste.
6. Direitu, servisu, protesaun no oportunidade ne’ebé justu ba sidadaun hotu-hotu nia seguradu.

Objetivu sira ba Dezenvolvimentu iha Suku Atudara nian

Meta sira ba dezenvolvimentu iha Suku Atudara nian ne’e ami defini hikas iha objetivu dezenvolvimentu nian hanesan tuir mai ne’e: 

1. Fortalese esforsu protesaun ambientál, jestaun rekursu naturál, reflorestasaun, konservasaun ba rai no bee matan sira, no jestaun lixu ne’ebé di’ak hodi kria ekosistema ne’ebé moos, verde, no sustentável ba komunidade Atudara.
2. Mellora grau abitu moris saúdavel, kualidade edukasaun, asessu ba água potável, no servisu sosiais, nune’e mós atu hasa’e oportunidade ekonómika família nian liuhosi empoderamentu no kapasitasaun komunidade.
3. Hametin relasoens sosiais entre família, Klan no uma lisan sira, jovens, grupu feto, instituisoens tradisionais no relijioza, e garante katak komunidade sira partisipa ho ativu iha foti disizaun no ba atividade dezenvolvimentu sira.
4. Hasa’e kapasidade komunidade atu jere rekursu, harii ekonomia lokál, no sai papel iha dezenvolvimentu liuhosi formasaun, hametin grupu, no empoderamentu ekonómiku.
5. Organiza ambiente rezidensiál sira, hadi’a infraestrutura bázika, garante limpeza iha instalasaun públiku sira, no garante kualidade ba fasilidade públiku sira ne’ebé suporta komunidade nia moris.
6. Hadi’a asesu servisu públiku ba grupu vulnerável sira inklui feto, labarik, idozu, no ema ho defisiénsia, no asegura sira-nia envolvimentu iha prosesu dezenvolvimentu hotu-hotu.

Valór sira ne’ebé Suku Atudara adopta

Koletivamente, komunidade no lideransa sira iha suku Atudara defini ona valór prinsipál sira hanesan tuir mai ne’e: 

1. Solidariedade 
2. Responsabilidade Sosiál 
3. Transparénsia 
4. Respeitu ba Moris 
5. Inkluzividade

Prinsipiu Suku Atudara nian

Suku Atudara adopta mós ninia prinsípiu sira ba dezenvolvimentu nian mak hanesan tuir mai ne’e:

1. Prinsipiu igualdade
2. Prinsipiu partisipasaun, 
3. Prinsipiu transparansia;
4. Prinsipiu responsabilizaasaun; 
5. Prinsipiu Justisa sosial;
6. Prinsipiu Auto-konfiansa;
7. Prinsipiu Kolaborasaun;
8. Prinsipiu boa fé;    

ESTRUTURA LIDERANSA COMUNITARIA SUCO ATUDARA