Vizaun,Misaun, Metas Objetivu, Valór no Prinsípiu Suco nian

Vizaun Suco Meligo

Lideransa Suco Meligo hamutuk ho ninia Komunidade tomak hatuur vizaun suco nian maka hanesan:

“Promove suco Meligo hakmatek, dezenvolvido, inkluzivu no ukun rasik a’an bazeia ba prinsipiu kultura no valor relijiaun/tradisional hodi garantia moris diak ba jerasaun no aban bain rua”

Misaun SucoMeligo

Atu atinji vizaun ne’ebé deskreve ona iha leten, Suco Meligo defini no misaun sira mak hanesan:

1. Haforsa administrasaun suco Meligo hodi kria governasaun nebe transparante no nakloke
2. Promove seguransa, unidade no dame iha komunidade laran
3. Dezenvolvimentu infraestrutura bazika (be’e mos, Estrada, eletrisidade) ho partisipasaun komunidade
4. Hasa’e kualidade edukasaun Saude, no Agricultura atu hamenus kiak
5. Asegura katak sidadaun hotu-hotu, inklui grupu vulneravel sira, hetan direitu, servisu, protesaun no oportunidade ne’ebe justu iha prosesu dezenvolvimentu
6. Promove fatin turismu ba sosiedade tomak

Meta sira ba Dezenvolvimentu iha Suco Meligo

Vizaun no Misaun iha leten transforma hikas ba Meta sira Dezenvolvimentu iha Suco Meligo hanesan tuir mai ne’e:

1. Unidade, solidaridade, armonia sosial sidadaun sira nian hodi partisipa iha atividade sosial, kultural no tradisional aseguradu no prezervadu
2. Promove kresimentu ekonomia ne’ebe forte, sustentavel, inkluzivu no servisu ne’ebe dignu ba ema hotu
3. Independensia komunidade nian iha jestaun ekonomia, sosial no dezenvolvimentu dezelvovidu

Objetivu sira ba Dezenvolvimentu iha Suco Meligo nian

Meta sira ba dezenvolvimenut iha Suco Meligo  nian ne’e ami defini hikas iha objetivu dezenvolvimentu nian hanesan tuir mai ne’e:

1. Fortalese esforsu protesaun ambiental, jestaun rekursu natural, reflorestasaun, konservasaun ba rai no bee matan sira, no jestaun lixu ne’ebe diak hodi kria ekosistema ne’ebe moos, verde no sustentavel ba komunidade Meligo
2. Hametin relasoens sosiais entre familia, no uma lisan sira, jovens, grupo feto, instituisoens tradisionais  no relijioza, e garante katak komunidade sira partisipa ho ativu iha foti desizaun no ba atividade dezenvolvimentu sira
3. Hadia asesu servisu publiku ba grupu vulneravel sira inklui feto, labarik, idozu, no ema ho defisiensia, no asegura sira nia envolvimentu iha prosesu dezenvolvimentu hotu-hotu

Valór sira ne’ebé Suco Meligo adopta

Koletivamente, komunidade no lideransa sira iha suco Meligo defini ona valór prinsipál sira hanesan tuir mai ne’e:

1. Solidaridade
2. Responsabilidade sosial
3. Transparensia
4. Respeitu ba moris

Prinsipiu Suco Meligo nian

Suco Meligo  adopta mós ninia prinsípiu sira ba dezenvolvimentu nian mak hanesan tuir mai ne’e:

1. Prinsípiu igualdade
2. Prinsípiu partisipasaun
3. Prinsípiu transparansia
4. Prinsípiu responsabilizasaun
5. Prinsípiu kolaborasaun
6. Prinsípiu boa fe

Nota: prinsípiu bele liu bele menus, depende ba suco sira nia kreatividade hodi deskreve.

MAPAMENTO SUCO MELIGO

ESTRUTURA LIDERANSA KOMUNITARIA SUCO MELIGO

• file ne’e formatu ho PDF Bele Click hodi Download….